<p><strong>Maruti Victoris Vs Honda Elevate Comparison</strong>: భారతదేశ మిడ్-సైజ్ SUV విభాగం ఇప్పుడు కొత్త పోటీ మొదలైంది. ఇటీవల లాంచ్‌ అయిన మారుతి విక్టోరిస్, హోండా ఎలివేట్‌కు నేరుగా పోటీ ఇస్తోంది. ఈ రెండు వాహనాలు సాటిలేని డిజైన్, ఫీచర్లు & పనితీరును అందిస్తాయి. అయితే, వ్యక్తిగత & వృత్తిగత అవసరాలకు అనుగుణంగా ఈ రెండిటిలో ఏది బెటర్‌ అనేది అర్ధం చేసుకోవాలి.</p>
<p><strong>ఇంజిన్ & పనితీరులో ఏది పవర్‌ఫుల్‌?</strong></p>
<p>మారుతి విక్టోరిస్ 1.5-లీటర్ ఇంజిన్‌తో పని చేస్తుంది, ఇది 75.8 kW శక్తిని & 139 Nm టార్క్‌ను జనరేట్‌ చేస్తుంది. దీనిని బలమైన హైబ్రిడ్ & CNG వేరియంట్లలో కూడా కొనుగోలు చేయవచ్చు, తద్వారా ఇది కస్టమర్లకు ఎక్కువ ఎంపికలను అందిస్తుంది. </p>
<p>హోండా ఎలివేట్‌లో 121 PS పవర్ & 145 Nm టార్క్‌ను ఇచ్చే 1.5-లీటర్ పెట్రోల్ ఇంజిన్ ఉంది. ఇది 6-స్పీడ్ మాన్యువల్ & CVT ట్రాన్స్‌మిషన్ ఎంపికలతో లభిస్తుంది.</p>
<p><strong>మైలేజీలో ఏది డబ్బు పొదుపు చేస్తుంది?</strong></p>
<p>ఇంధన సామర్థ్యం పరంగా మారుతి విక్టోరిస్ ముందంజలో ఉంది. దీని మాన్యువల్ వేరియంట్ లీటరుకు 21.18 కి.మీ. మైలేజీని అందిస్తుంది, ఆటోమేటిక్ వేరియంట్ కూడా లీటరుకు 21.06 కి.మీ. మైలేజీని అందిస్తుంది. </p>
<p>హోండా ఎలివేట్ మైలేజ్ మాన్యువల్‌ వేరియంట్‌కు లీటరుకు 15.31 కి.మీ. & CVT వెర్షన్‌కు లీటరుకు 16.92 కి.మీ. </p>
<p>మీరు ఎక్కువ ఇంధనాన్ని ఆదా చేయాలనుకుంటే, విక్టోరిస్ మంచి ఎంపిక కావచ్చు.</p>
<p><strong>సాంకేతికతంగా ఏ SUV బెస్ట్‌?</strong></p>
<p>మారుతి విక్టోరిస్ ప్రీమియం & హై-టెక్ ఫీచర్లతో వచ్చింది. LED హెడ్‌లైట్లు, కనెక్టెడ్‌ రియర్‌ టెయిల్‌లైట్లు, 26.03 సెం.మీ. ఇన్‌స్ట్రుమెంట్‌ క్లస్టర్, డాల్బీ అట్మాస్ సిస్టమ్, గెస్చర్ కంట్రోల్ టెయిల్‌గేట్, అలెక్సా వాయిస్ అసిస్టెంట్, పనోరమిక్ సన్‌రూఫ్, వెంటిలేటెడ్ సీట్లు & 35+ కనెక్టెడ్‌ ఫీచర్లు ఉన్నాయి. </p>
<p>హోండా ఎలివేట్ కూడా ఫీచర్లతో నిండి ఉంటుంది. LED DRLలు, ప్రొజెక్టర్ హెడ్‌లైట్లు, 16-17 అంగుళాల చక్రాలు, సింగిల్-పేన్ సన్‌రూఫ్, 10.25 అంగుళాల ఇన్ఫోటైన్‌మెంట్ సిస్టమ్, క్లైమేట్ కంట్రోల్, స్మార్ట్ కీ, టెలిస్కోపిక్ స్టీరింగ్, రియర్‌ AC వెంట్స్ & PM 2.5 ఎయిర్ ప్యూరిఫైయర్ వంటి ఫీచర్లతో వచ్చింది. </p>
<p>విక్టోరిస్, ఫీచర్ల పరంగా కొంచెం ఆధునికంగా ఉన్నట్లు అనిపిస్తుంది.</p>
<p><strong>ఏ కారు సురక్షితం?</strong></p>
<p>మారుతి విక్టోరిస్‌లో ఆరు ఎయిర్‌బ్యాగులు, ABS, EBD, ISOFIX చైల్డ్ యాంకరేజ్ & లెవల్-2 ADAS వంటి భద్రత ఫీచర్లు ఉన్నాయి. </p>
<p>హోండా ఎలివేట్ కూడా భద్రతలో ఏ మాత్రం వెనుకబడి లేదు. ఆరు ఎయిర్‌బ్యాగులు, EBD, ESC, హిల్-స్టార్ట్ అసిస్ట్, CMBS, అడాప్టివ్ క్రూయిజ్ కంట్రోల్, లేన్ వాచ్ కెమెరా, TPMS & లెవల్-2 ADAS వంటి ఆధునిక సాంకేతికతలు ఉన్నాయి. <br />భద్రత పరంగా రెండు వాహనాలు దాదాపు సమానంగా ఉంటాయి. అయితే, హోండా ఎలివేట్ డ్రైవింగ్ అసిస్ట్ టెక్నాలజీలో కొంచెం ముందుంది.</p>
<p><strong>దేని రేటు తక్కువ?</strong></p>
<p>తెలుగు రాష్ట్రాల్లో, మారుతి విక్టోరిస్ ₹10.50 లక్షల (ఎక్స్-షోరూమ్) నుంచి ప్రారంభమై టాప్ మోడల్ ₹19.98 లక్షల (ఎక్స్-షోరూమ్) వరకు ఉంటుంది. </p>
<p>హోండా ఎలివేట్ ₹11.91 లక్షల (ఎక్స్-షోరూమ్) నుంచి ప్రారంభమై టాప్ వేరియంట్ ₹15.41 లక్షల (ఎక్స్-షోరూమ్) వరకు ఉంటుంది.</p>
<p>విక్టోరిస్ ఎక్కువ ఎంపికలు & ధరలను అందిస్తుంది, ఎలివేట్ అందుబాటులో ఉంటుంది.<br /> <br />మీరు అధిక మైలేజ్, అందుబాటు ధర & హై-టెక్ ఫీచర్ల కోసం చూస్తుంటే మారుతి విక్టోరిస్ మంచి ఎంపిక. స్మూత్ డ్రైవింగ్, నమ్మకమైన పనితీరు & డ్రైవింగ్ అసిస్టెన్స్‌ టెక్నాలజీకి ప్రాధాన్యత ఇస్తే హోండా ఎలివేట్ సరైన ఎంపిక. ఈ రెండు SUVలు శక్తిమంతమైనవే.</p>
2 months ago
3 
