<p><strong>Illu Illalu Pillalu Serial Today Episode </strong>కల్యాణ్ మళ్లీ ప్రేమకి కాల్ చేస్తాడు. రేయ్ నీకు సిగ్గు లేదా తన్నులు తిన్నావ్ కదరా అంటే నీ జీవితాన్ని నేను రోడ్డు మీదకి తీసుకొస్తా.. ఈ బతుకు బతకడం కంటే చావడం నయం అని నువ్వు అనుకునేలా చేస్తా.. నీ బతుకుని నడి వీధిలో ఎలా పెట్టబోతున్నానో చూస్తూ ఉండు నీ బతుకులో విధ్వంసం సృష్టించనున్నాను రెడీగా ఉండు అని కల్యాణ్ ప్రేమకి వార్నింగ్ ఇస్తాడు.</p>
<p>వల్లి ప్రేమ గదికి వచ్చి ఫొటో గురించి గది మొత్తం వెతికేస్తుంది. ఓ పాత పెట్టెని ప్రేమ తాళం వేయడం చూసి అది బద్దలగొట్టి ఫొటోలు చూసేస్తుంది. అమ్మగారు ఇంతలా వణికిపోవడానికి ఇదా కారణం అనుకొని వీడు ఎవడా వీడు.. కొంప తీసి ఏదైనా లవ్‌ స్టోరీ ఉందా ఏంటి అనుకొని రామరాజుకి ఫొటోలు చూపించాలని అని వెళ్తుంటే నర్మద చూసి ప్రేమ గదిలో నీకు ఏం పని అని ప్రశ్నిస్తుంది. </p>
<p>వల్లి ఫొటోలు దాచేస్తుంది. అక్క నీకు బుద్ధి బుర్రా లేదా ఎవరూ లేనప్పుడు ఇలా వేరే వాళ్ల గదిలోకి రాకూడదు అని సిగ్గు కూడా లేదా.. ఇంకా నీ బుద్ధి మానుకోవా.. ఈ గదులు వెతికే బుద్ధి ఏంటి.. నీ నిజస్వరూపం తెలిసినా మామయ్యకి చెప్పకుండా మేం ఛాన్స్ ఇచ్చాం నీకు ఇంకా బుద్ధి రాదా.. మారవా అని తిడుతుంది. నేను ఒక్కదాన్నే తప్పు చేసినట్లు మాట్లాడకు.. ఎదుటి వారి తప్పుల గురించి కూడా నువ్వు మాట్లాడు అని ప్రేమ కల్యాణ్‌ ఫొటోలు నర్మదకి చూపిస్తుంది. నర్మద షాక్ అయిపోతుంది. వల్లి కొన్ని ఫొటోలు అక్కడే డ్రాలో పెట్టేస్తుంది. </p>
<p>నర్మదతో ప్రేమ నేనేమీ పనీ పాట లేకుండా రాలేదు.. ఆవిడ గారు దాచి పెట్టిన ఈ ఫొటోల సంగతి ఏంటో తేల్చాలని వచ్చానని అంటుంది. నర్మద టెన్షన్‌ చూపి ఇప్పటి వరకు అరిచింది ఇప్పుడేంటి ఇలా అయిపోయింది అనుకుంటుంది ప్రేమ. ఫ్రెండ్‌తో ఫొటోలు దిగింది దాంట్లో తప్పేంటి అని అంటే అంత క్లోజ్‌గా ఉంటారా ఏదో తేడా కొడుతుంది. ఆ అబ్బాయికి ప్రేమకి ఏదైనా సంబంధం ఉందా అని అంటే నర్మద వల్లిని వణుకుతూనే తిట్టి ఈ విషయం ఎవరి దగ్గర మాట్లాడకు అని అంటుంది. నర్మద వెళ్లిపోగానే వల్లి మిగతా ఫొటోలు తీసుకొని వెళ్తుంది. </p>
<p>ధీరజ్ కల్యాణ్‌ గురించి వెతుకుతూ ఉంటాడు. అందరు ఫ్రెండ్స్‌కి ఫోన్లు చేసి చెప్తాడు. ఇంతలో ప్రేమ వచ్చి కల్యాణ్ తనని బెదిరిస్తున్నాడని మన పెళ్లి గురించి మామయ్యకి చెప్పేస్తానని బెదిరించాడని చెప్తుంది. అయ్యో అలా చెప్పాడు అంటే అమ్మ, వదిన ఇరుక్కుంటారు. పెద్ద సమస్య వచ్చి పడుతుంది. ఎలా ఈ ప్రమాదాన్ని ఎదురుకోవాలి అని ధీరజ్ తల పట్టుకుంటాడు.</p>
<p>నర్మద, అత్త దగ్గరకు వచ్చి కొంపలు అంటుకునే విషయం అని ప్రేమ, కల్యాణ్‌ ఫొటోలు చూపిస్తుంది. వేదవతి హడలిపోతుంది. వల్లీ అన్నీ సీక్రెట్‌గా చూస్తుంది. ఈ ఫొటోలు ఎక్కడివే అని అంటే ఏమో అత్తయ్య ప్రేమ గదిలో వల్లీకి దొరికాయని చెప్తుంది. వేదవతి అమ్మో అని గుండె పట్టుకుంటుంది. కల్యాణ్ ప్రేమని బ్లాక్ మెయిల్ చేసుంటాడు.. అందుకే అంత టెన్షన్ పడిందని నర్మద అంటుంది. అందుకే పాపం ప్రేమ అంత టెన్షన్ పడిందని వేదవతి అంటుంది. మనకి ఎందుకు ఈ విషయం చెప్పలేదు అని నర్మద అంటే డ్యాన్స్ క్లాస్ విషయంలో అంత గొడవ జరిగింది కదా.. దాని వల్ల మనకి సమస్యలు వచ్చాయి కదా.. అందుకే ఈ విషయంలో కూడా తన కారణంగా మనం బాధపడతాం అని మనకు చెప్పకుండా దాచేసిందని అంటుంది వేదవతి. ఈ సమస్యని ఎలా అయినా మనమే పరిష్కరించాలి అత్తయ్య అని నర్మద అంటుంది. </p>
<p>ఈ ఫొటోలు మీ మామయ్య చూడలేదు కాబట్టి సరిపోయింది లేదంటే పెద్ద గొడవ జరిగేది అని అనుకుంటుంది. అత్తా కోడళ్లు ఇద్దరూ ఆ ఫొటోలను కాల్చేస్తారు. అది చూసి వల్లీ విషయం కచ్చితంగా మామకి చెప్పేయాలి అని అనుకుంటుంది. ఇక రామరాజు దగ్గరకు కల్యాణ్ వస్తాడు. తన ఫ్రెండ్‌కి పెన్‌డ్రైవ్ ఇచ్చి రామరాజుకి ఇవ్వమని చెప్తాడు. దీంతో ఇవాళ్టి ఎపిసోడ్ పూర్తయిపోతుంది. </p>
2 months ago
3 
