<p><strong>Activate UAN For EPFO ELI Scheme:</strong> ఎంప్లాయీస్‌ ప్రావిడెంట్ ఫండ్ ఆర్గనైజేషన్‌ (EPFO) కింద ఎంప్లాయ్‌మెంట్ లింక్డ్ ఇన్సెంటివ్ (ELI) పథకాన్ని పొందడానికి యూనివర్సల్ అకౌంట్ నంబర్ (UAN)ను యాక్టివేట్ చేయాలి. UANను యాక్టివేట్‌ చేయడానికి & మీ బ్యాంక్ ఖాతాను ఆధార్‌తో లింక్ చేయడానికి చివరి తేదీ 15 ఫిబ్రవరి 2025. ఈ నెల 02న EPFO జారీ చేసిన సర్క్యులర్‌లో, UAN యాక్టివేషన్ & బ్యాంకు ఖాతాలో ఆధార్ సీడింగ్ కోసం తుది గడువును 15 ఫిబ్రవరి 2025 వరకు పొడిగించిందని కేంద్ర కార్మిక & ఉపాధి మంత్రిత్వ శాఖ తెలిపింది. </p>
<p><strong>యూఏఎన్‌ అంటే ఏమిటి?</strong></p>
<p>UAN అంటే యూనివర్సల్ అకౌంట్ నంబర్ (Universal Account Number). ఇది, ఎంప్లాయీస్ ప్రావిడెంట్ ఫండ్ ఆర్గనైజేషన్ (Employees' Provident Fund Organisation) ద్వారా కంపెనీ యాజమాన్యం & ఉద్యోగి ఇద్దరికీ జారీ అయిన 12 అంకెల సంఖ్య, ఈ సంఖ్య ద్వారా ఆ ఇద్దరూ ఉద్యోగి EPF ఖాతాకు తమ సహకారాన్ని (Contribution) అందిస్తారు. UAN సహాయంతో, ఉద్యోగి తన EPFO ఖాతాను ఎప్పటికప్పుడు ట్రాక్ చేయడమే కాకుండా దానిని సురక్షితంగా ఉంచుకోవచ్చు. </p>
<p><strong>ఉపాధి ఆధారిత ప్రోత్సాహక పథకం (ELI) అంటే ఏమిటి?</strong></p>
<p>కేంద్ర ప్రభుత్వం, ఉద్యోగుల కోసం ప్రారంభించిన స్కీమ్‌ - 'ఉపాధి ఆధారిత ప్రోత్సాహక పథకం' ‍‌(Employment Linked Incentive Scheme). మొదటి ఉద్యోగం చేస్తున్న వ్యక్తులకు, ఈ పథకం కింద, కేంద్ర ప్రభుత్వం ఒక నెల జీతం రూపంలో ప్రత్యక్ష ప్రయోజన బదిలీ అందిస్తుంది. మూడు విడతలుగా ఇచ్చే ఈ మొత్తం గరిష్ట పరిమితి రూ. 15,000. ఈ పథకం ప్రయోజనం పొందాలంటే, ఉద్యోగి నెలవారీ జీతం లక్ష రూపాయలకు మించకూడదు. ప్రభుత్వం ఇచ్చే ఈ ప్రోత్సాహకం నేరుగా లబ్ధిదారుడి బ్యాంక్‌ ఖాతాకు వెళుతుంది, కాబట్టి ఆధార్ ఆధారిత OTP ద్వారా UANను యాక్టివేట్ చేయడం & బ్యాంకు ఖాతాకు ఆధార్‌ను లింక్ చేయడం అవసరం. </p>
<p><strong>UANను ఎలా యాక్టివేట్ చేయాలి? (How to activate UAN?)</strong></p>
<p>ముందుగా యూనిఫైడ్ ఈపీఎఫ్ మెంబర్ పోర్టల్ unifiedportal-mem.epfindia.gov.in లోకి వెళ్లండి.<br />మీకు కుడి దిగువన Important Link అనే ఆప్షన్ వస్తుంది. ఇక్కడ కనిపించే Activate UAN పై క్లిక్ చేయండి.<br />ఇప్పుడు మీ 12 అంకెల UAN నంబర్, ఆధార్ నంబర్, పేరు, పుట్టిన తేదీ, ఆధార్ లింక్డ్ మొబైల్ నంబర్, క్యాప్చా కోడ్‌ను నమోదు చేయండి. <br />ఫారం నింపిన తర్వాత, చివరిలో కనిపించే డిక్లరేషన్ చెక్ బాక్స్‌పై క్లిక్ చేసి, ఆపై మళ్ళీ Get Authorization Pin బటన్‌పై క్లిక్ చేయండి.<br />ఇప్పుడు ఆధార్‌తో లింక్ చేసిన మొబైల్ నంబర్‌కు ఒక OTP వస్తుంది, దానిని సంబంధిత గడిలో నమోదు చేసి Submit బటన్‌పై క్లిక్ చేయండి.<br />ఇప్పుడు UAN యాక్టివేట్ అవుతుంది, మీ రిజిస్టర్డ్‌ మొబైల్‌ నంబర్‌కు ఒక పాస్‌వర్డ్ వస్తుంది. <br />మీరు UAN & ఆ పాస్‌వర్డ్‌ను ఎంటర్‌ చేసి, క్యాప్చా కోడ్‌ను పూరించి లాగిన్ అవ్వండి.<br />కావాలనుకుంటే మీ పాస్‌వర్డ్‌ మార్చుకుని, మీకు నచ్చిన & గుర్తుంచుకోగల కొత్త పాస్‌వర్డ్‌ సెట్‌ చేసుకోవచ్చు.</p>
<p>మరో ఆసక్తికర కథనం: <a title="మీ పిల్లలకు దేశ ప్రధాని సంరక్షణ - ఈ స్కీమ్‌ ప్రయోజనాలు తెలిస్తే ఇప్పుడే అప్లై చేస్తారు" href="https://telugu.abplive.com/business/personal-finance/prime-ministers-care-for-your-children-with-pm-children-care-scheme-know-the-benefits-eligibility-and-other-details-197944" target="_self">మీ పిల్లలకు దేశ ప్రధాని సంరక్షణ - ఈ స్కీమ్‌ ప్రయోజనాలు తెలిస్తే ఇప్పుడే అప్లై చేస్తారు</a> </p>
9 months ago
8 
