<p>Best SUVs in Monsoon | వర్షాకాలం సీజన్ ప్రారంభం కాగానే కార్ డ్రైవింగ్ కొంచెం ఛాలెంజింగ్ అనిపిస్తుంది. సమ్మర్‌లో డ్రైవింగ్‌తో పోల్చితే కొంచెం సవాలుగా మారుతుంది. చాలా నగరాల్లో రోడ్లపై నీరు నిలిచిపోయి గుంతలు సరిగ్గా కనిపించవు. చాలా చోట్ల రోడ్లు కూడా పాడైపోతాయి. ఈ పరిస్థితుల్లో చిన్న కార్లతో పోలిస్తే SUVలు చాలా మెరుగైన ఆప్షన్‌గా ఉంటాయి. వీటిలో గ్రౌండ్ క్లియరెన్స్ ఎక్కువగా ఉంటుంది. అంటే కారు కింది భాగం నేల నుండి ఎక్కువ ఎత్తులో ఉండటంతో నీళ్లు నిలిచిన రోడ్లపై, అధ్వాన్నమైన మార్గాల్లో జర్నీ తేలిక అవుతుంది. ఇదే కారణంతో వర్షాకాలంలో SUVలకు డిమాండ్ పెరుగుతుంది.</p>
<p><strong>టాటా నెక్సాన్ (Tata Nexon)</strong><br /> వర్షాకాలంలో ఎక్కువ ఇబ్బంది లేకుండా మీరు తక్కువ బడ్జెట్‌లో SUVని కొనుగోలు చేయాలనుకుంటే, మార్కెట్లో చాలా మంచి ఆప్షన్లు అందుబాటులో ఉన్నాయి. వీటిలో అత్యంత పాపులర్ అయిన వాహనాలలో టాటా నెక్సాన్ ఒకటి. ఈ కారు తన స్ట్రాంగ్ బాడీ, అద్భుతమైన సేఫ్టీ, హై గ్రౌండ్ క్లియరెన్స్‌తో ఫేమస్ అయింది. వర్షాల సమయంలో రోడ్డుపై నీరు నిలిచినా లేదా గుంతలు వచ్చినా కారు ఈజీగా దూసుకెళ్తుంది. ఇందులో అనేక మోడ్రన్ ఫీచర్లు, సౌకర్యవంతమైన క్యాబిన్ లభిస్తాయి, దీనివల్ల సుదీర్ఘ ప్రయాణాలు సైతం సులువవుతాయి.</p>
<p>Read Also: <a title="WagonR నుంచి Creta వరకు.. మార్కెట్లో జోష్‌ పెంచిన Flex Fuel వాహనాలు ఇవే" href="https://telugu.abplive.com/auto/maruti-wagonr-to-creta-complete-flex-fuel-cars-list-in-india-249730" target="_self">WagonR నుంచి Creta వరకు.. మార్కెట్లో జోష్‌ పెంచిన Flex Fuel వాహనాలు ఇవే</a></p>
<p><strong>కియా సోనెట్ (Kia Sonet)</strong><br />కియా సోనెట్ కూడా వర్షకాలంలో ఒక అద్భుతమైన SUVగా భావిస్తారు. దీని డిజైన్ ఆకర్షణీయంగా ఉండటంతో పాటు ఇందులో అనేక మోడ్రన్ ఫీచర్లు అందించారు. హై గ్రౌండ్ క్లియరెన్స్ కారణంగా ఇది చిన్న గుంతల రోడ్లపై కూడా సులభంగా వెళ్తుంది. అలాగే దీని క్యాబిన్ చాలా ప్రీమియం ఎక్స్‌పీరియన్స్ ఇస్తుంది. దీనివల్ల ఫ్యామిలీతో కలిసి ప్రయాణించడం మరింత సౌకర్యవంతంగా ఉంటుంది. </p>
<p><strong>రెనాల్ట్ కైగర్ (Renault Kiger)</strong><br />తక్కువ ధరలో SUV ఫీల్‌ని కోరుకునే వారికి రెనాల్ట్ కైగర్ ఒక మంచి ఆప్షన్. దీని ఎత్తైన బాడీ, మంచి గ్రౌండ్ క్లియరెన్స్ వర్షాకాలంలో డ్రైవింగ్ చేసే వారికి హెల్ప్ అవుతుంది. సిటీ రోడ్లపై రోజువారీ వాడకంతో పాటు, ఈ కారు అధ్వాన్నమైన మార్గాల్లో కూడా మంచి పనితీరుతో ఆకర్షిస్తుంది. అంతేకాకుండా, దీని ధర కూడా చాలా వాహనాలతో పోలిస్తే తక్కువగా ఉంటుంది. అందువల్ల రెనాల్ట్ కైగర్ బడ్జెట్ కస్టమర్లను ఆకట్టుకుంటుంది.</p>
<p>Read Also: <a title="Hero HF Deluxe Flex Fuel Bike Emi: హీరో హెచ్ఎఫ్ డీలక్స్ ఫ్లెక్స్ ఫ్యూయల్ లాంచ్: పెట్రోల్ ఖర్చులు తగ్గించే సరికొత్త టెక్నాలజీ.. ఎంత ఈఎంఐ కట్టాలో తెలుసా?" href="https://telugu.abplive.com/auto/hero-motocorp-launches-hf-deluxe-flex-fuel-bike-in-india-at-affordable-price-249684" target="_self">Hero HF Deluxe Flex Fuel Bike Emi: హీరో హెచ్ఎఫ్ డీలక్స్ ఫ్లెక్స్ ఫ్యూయల్ లాంచ్: పెట్రోల్ ఖర్చులు తగ్గించే సరికొత్త టెక్నాలజీ.. ఎంత ఈఎంఐ కట్టాలో తెలుసా?</a></p>
<p><strong>నిస్సాన్ మాగ్నైట్ (Nissan Magnite)</strong><br />నిస్సాన్ మాగ్నైట్ కూడా తక్కువ బడ్జెట్ గల పాపులర్ SUV. దీని డిజైన్ మోడ్రన్‌గా ఉంటుంది. ఇందులో మంచి గ్రౌండ్ క్లియరెన్స్ లభిస్తుంది. వర్షాకాలంలో నీరు నిలిచిన రోడ్లపై ఈ కారు డ్రైవింగ్ చేయడం ఇబ్బంది అనిపించదు. దీంతో పాటు ఇందులో లభించే ఫీచర్లు, సౌకర్యవంతమైన ఇంటీరియర్ నిస్సాన్ మాగ్నైట్‌ను ఒక మంచి ఫ్యామిలీ ఆప్షన్‌గా మారుస్తాయి.</p>
<p><iframe class="vidfyVideo" style="border: 0px;" src="https://telugu.abplive.com/web-stories/auto/volkswagen-taigun-suv-gt-line-sport-price-in-hyderabad-auto-news-249697" width="631" height="381" scrolling="no"></iframe></p>
<p><strong>మహీంద్రా ఎక్స్‌యూవీ 3ఎక్స్‌ఓ (Mahindra XUV 3XO)</strong><br />మహీంద్రా ఎక్స్‌యూవీ 3ఎక్స్‌ఓ కూడా ఈ జాబితాలో నిలుస్తుంది. మహీంద్రాకు చెందిన ఈ SUV స్ట్రాంగ్ బాడీ, సేఫ్టీ, అద్భుతమైన రోడ్ ప్రెజెన్స్‌కు పేరుగాంచింది. ఎత్తైన సీటింగ్ పొజిషన్ వల్ల డ్రైవర్‌కు రోడ్డు బాగా కనిపిస్తుంది. ఇది వర్షం పడే సమయంలో డ్రైవర్లకు ఉపయోగకరంగా ఉంటుంది. ఇందులో అనేక అడ్వాన్స్డ్ ఫీచర్లు, మోడ్రన్ టెక్నాలజీ కూడా లభిస్తాయి.</p>
4 months ago
12 
