<p><br />Omar Abdullah Nidhi Razdan Marriage: జమ్మూ కశ్మీర్ సీఎం ఒమర్ అబ్దుల్లా ప్రముఖ జర్నలిస్ట్ నిధి రజ్దాన్‌తో తన వివాహం విషయాన్ని శనివారం సోషల్ మీడియా ద్వారా అధికారికంగా పంచుకున్నారు. ఇన్‌స్టాగ్రామ్‌లో నిధి రజ్దాన్‌తో ఉన్న ఫొటోను పోస్ట్ చేస్తూ, "నిన్నటి నుంచి ఒక కొత్త ప్రయాణం ప్రారంభమైంది" అని ఆయన పేర్కొన్నారు. అయితే వీరిద్దరిది నికాహ్ జరిగిందా లేక ప్రత్యేక వివాహమా అనే అంశంపై నెటిజన్లలో ఆసక్తికరమైన చర్చ నడుస్తోంది. </p>
<h3>కోర్టు ద్వారా ప్రత్యేక వివాహం</h3>
<p>విశ్వసనీయ వర్గాల సమాచారం ప్రకారం, వీరి వివాహం న్యూదిల్లీలోని ఒక ప్రత్యేక వివాహ న్యాయస్థానం ద్వారా చట్టబద్ధంగా జరిగింది. ఆగస్టు 2026లోనే ఈ వివాహ నమోదు ప్రక్రియ ప్రారంభం కాగా, చట్టపరమైన సమయం తర్వాత సెప్టెంబర్ 2026లో న్యాయస్థానం వీరి వివాహానికి తుది ఆమోదం తెలిపింది.</p>
<h4>మొదటి భార్యతో విడాకుల </h4>
<p>ఒమర్ అబ్దుల్లా 1994లో పాయల్ సింగ్‌ను వివాహం చేసుకోగా, మనస్పర్థల కారణంగా వీరిద్దరూ 2009 నుండి విడిగా నివసిస్తున్నారు. ముందు దిల్లీ హైకోర్టు తనకు విడాకులు నిరాకరిస్తూ ఇచ్చిన తీర్పును ఒమర్ అబ్దుల్లా సుప్రీంకోర్టులో సవాల్ చేశారు. విచారణ సందర్భంగా, ఆ దంపతులు రాజ్యాంగంలోని ఆర్టికల్ 142 ప్రకారం పరస్పర అంగీకారంతో విడాకులు కోరుతూ ఒక ఉమ్మడి దరఖాస్తును అప్లై చేశారు. వీరి తరఫున సీనియర్ న్యాయవాది కపిల్ సిబల్ వాదనలు వినిపించారు. తమ వ్యక్తిగత విభేదాలను పరిష్కరించుకున్నారని, అన్ని వివాదాలను స్నేహపూర్వకంగా పరిష్కరించుకోవడానికి అంగీకరించారని కోర్టుకు తెలిపారు. దీంతో జులై 31, 2026న వీరిద్దరి వైవాహిక బంధాన్ని రద్దు చేస్తూ సుప్రీం కోర్టు ఆదేశాలు జారీ చేసింది. విడాకులు ఖరారైన దాదాపు మూడు నెలల వ్యవధిలోనే ఒమర్ అబ్దుల్లా నిధి రజ్దాన్‌తో రెండో వివాహ బంధంలోకి అడుగుపెట్టారు. <br /><br />Also Read: <a title=" ఆప్ తొలి జాబితా జాబితా విడుదల- ధురి నుంచి బరిలోకి సీఎం భగవంత్ మాన్" href="https://telugu.abplive.com/news/india/aam-aadmi-party-aap-first-candidates-list-punjab-elections-bhagwant-mann-contest-from-dhuri-262722" target="_self"> ఆప్ తొలి జాబితా జాబితా విడుదల- ధురి నుంచి బరిలోకి సీఎం భగవంత్ మాన్</a></p>
<h3>పార్టీ ఏమన్నదంటే! </h3>
<p>ఒమర్ అబ్దుల్లా వివాహ విందు, వ్యక్తిగత నిర్ణయంపై జమ్మూ కశ్మీర్ నేషనల్ కాన్ఫరెన్స్ ప్రావిన్షియల్ అధ్యక్షుడు షౌకత్ అహ్మద్ మీర్ స్పందిస్తూ.. ప్రతి ఒక్కరికీ తమ వ్యక్తిగత జీవితాన్ని జీవించే పూర్తి హక్కు ఉందని, ఈ వివాహంతో పార్టీకి ఎలాంటి సంబంధం లేదని స్పష్టం చేశారు. </p>
<p>వాస్తవానికి, ముఖ్యమంత్రి ఒమర్ అబ్దుల్లా వయస్సు 56 సంవత్సరాలు కాగా, నిధి రజ్దాన్ వయస్సు 49 సంవత్సరాలు. నిధి రజ్దాన్ ఒమర్ అబ్దుల్లా కంటే ఏడు సంవత్సరాలు చిన్నది, ఇది వారిద్దరికీ రెండో వివాహం.</p>
<p>Also Read: <a title="రైతులకు గుడ్ న్యూస్.. పీఎం కిసాన్ నిధులు విడుదల.. మీ ఖాతాలో రూ.2 వేలు పడ్డాయో లేదో ఇలా చెక్ చేసుకోండి!" href="https://telugu.abplive.com/news/india/pm-kisan-24th-installment-released-step-by-step-guide-to-check-your-rs-2000-payment-status-262677" target="_self">రైతులకు గుడ్ న్యూస్.. పీఎం కిసాన్ నిధులు విడుదల.. మీ ఖాతాలో రూ.2 వేలు పడ్డాయో లేదో ఇలా చెక్ చేసుకోండి!</a></p>
1 hour ago
1 
