<p><strong>Tata Altroz Price, Down Payment, Loan and EMI Details:</strong> భారతీయ ఆటోమొబైల్ మార్కెట్లో ప్రీమియం హ్యాచ్‌బ్యాక్ సెగ్మెంట్‌లో Tata Altroz తనదైన ముద్ర వేసింది. 5-స్టార్ Global NCAP సేఫ్టీ రేటింగ్‌ ఉన్న ఈ కారు.. స్టైల్, సేఫ్టీ & పెర్ఫార్మెన్స్ కోరుకునేవాళ్లకు బెస్ట్ ఆప్షన్‌ అవుతుంది. తెలుగు నగరాల్లో టాటా ఆల్ట్రోజ్‌ ధరలు, డౌన్‌పేమెంట్ వివరాలు & నెలవారీ EMI లెక్కింపుల గురించి పూర్తిగా తెలుసుకుందాం.</p>
<p><strong>టాటా ఆల్ట్రోజ్ ప్రైమ్ ఫీచర్లు & స్పెసిఫికేషన్లు</strong></p>
<p>ఈ కారు 1.2 లీటర్ల రెవొట్రాన్ పెట్రోల్, 1.5 లీటర్ల రెవొట్రాన్ డీజిల్ & iCNG ఇంజిన్ ఆప్షన్లలో లభిస్తుంది. ఇందులో 10.25 అంగుళాల టచ్‌స్క్రీన్ ఇన్‌ఫోటైన్‌మెంట్ సిస్టమ్, డిజిటల్ డ్రైవర్ డిస్‌ప్లే, వాయిస్ అసిస్టెడ్ సన్‌రూఫ్, 360 డిగ్రీ కెమెరా & DCA ఆటోమేటిక్ గేర్‌బాక్స్ వంటి అధునాతన ఫీచర్లు ఉన్నాయి. 90 డిగ్రీల డోర్ ఓపెనింగ్ వల్ల కారులోకి ఎక్కడము, దిగడము చాలా సులభంగా ఉంటుంది.</p>
<p><strong>హైదరాబాద్‌లో తాజా ఎక్స్-షోరూమ్ & ఆన్‌రోడ్ ధరలు</strong></p>
<p>హైదరాబాద్ నగరంలో టాటా ఆల్ట్రోజ్ బేస్ వేరియంట్ Smart Petrol MT ప్రారంభ ఎక్స్-షోరూమ్ ధర రూ. 5,99,990. దీనికి RTO ఛార్జీలు, ఇన్సూరెన్స్ & ఇతర రుసుములు కలుపుకుని హైదరాబాద్‌లో ఆన్‌రోడ్ ధర సుమారు రూ. 7,25,593 నుంచి ప్రారంభమవుతుంది. టాప్ వేరియంట్ ఆన్‌రోడ్ ధర రూ. 13.60 లక్షల వరకు ఉంటుంది.</p>
<p><strong>విజయవాడలో తాజా ఎక్స్-షోరూమ్ & ఆన్‌రోడ్ ధరలు</strong></p>
<p>విజయవాడలో కూడా టాటా ఆల్ట్రోజ్ బేస్ వేరియంట్ Smart Petrol MT ప్రారంభ ఎక్స్-షోరూమ్ ధర రూ. 5,99,990. RTO ఛార్జీలు, ఇన్సూరెన్స్ & ఇతర రుసుములు కలిపితే ఆన్‌రోడ్ ధర సుమారు రూ. 7,24,974 నుంచి స్టార్టవుతుంది. టాప్ వేరియంట్ ఆన్‌రోడ్ ధర రూ. 13.48 లక్షల వరకు ఉంటుంది.</p>
<p><strong>కనీస డౌన్‌పేమెంట్ & తాజా వడ్డీ రేట్లు</strong></p>
<p>కస్టమర్‌ సిబిల్‌ స్కోర్‌ను బట్టి, ప్రముఖ బ్యాంకులు & ఫైనాన్స్ కంపెనీలు కారు ఆన్‌రోడ్ ధరపై 80% నుంచి 90% వరకు రుణం అందిస్తున్నాయి. బేస్ వేరియంట్‌పై కనీస డౌన్‌పేమెంట్ రూ.1.26 లక్షలు చెల్లిస్తే సరిపోతుంది. ప్రస్తుతం వివిధ బ్యాంకులు అందిస్తున్న తాజా కార్ లోన్ వడ్డీ రేట్లు 8.5% నుంచి 14% మధ్య ఉన్నాయి.</p>
<p><strong>ఉదాహరణకు... 10% వార్షిక వడ్డీ రేటుతో 5, 6, 7 ఏళ్ల EMI లెక్కింపు</strong></p>
<p>మీరు హైదరాబాద్‌లో కనీస డౌన్‌పేమెంట్ రూ.1.26 లక్షలు చెల్లించి, మిగిలిన రూ.6 లక్షలను లోన్‌గా తీసుకుంటే, ఈ లోన్‌పై 10% వార్షిక వడ్డీ రేటు అనుకుంటే, మీ EMI వివరాలు:</p>
<p>5 ఏళ్ల వ్యవధి (60 నెలలు): నెలకు సుమారు రూ. 12,748 EMI చెల్లించాలి.<br />6 ఏళ్ల వ్యవధి (72 నెలలు): నెలకు సుమారు రూ. 11,115 EMI చెల్లించాలి.<br />7 ఏళ్ల వ్యవధి (84 నెలలు): నెలకు సుమారు రూ. 9,960 EMI చెల్లించాలి.</p>
<p>ఇది కూడా చదవండి: <a title="రూ.10 లక్షల లోపులో బలెనో - రూ.10.75 లక్షల ఆల్ట్రోజ్‌.. టెక్నాలజీ, ఫీచర్లలో ఏ కారు బెటర్‌?" href="https://telugu.abplive.com/auto/maruti-baleno-vs-tata-altroz-top-variant-features-price-details-in-telugu-259233" target="_self">రూ.10 లక్షల లోపులో బలెనో - రూ.10.75 లక్షల ఆల్ట్రోజ్‌.. టెక్నాలజీ, ఫీచర్లలో ఏ కారు బెటర్‌?</a></p>
<p>డౌన్‌పేమెంట్ రూ.2 లక్షలు చెల్లించి, మిగిలిన రూ.5.26 లక్షలను లోన్‌గా తీసుకుంటే, ఈ లోన్‌పై 10% వార్షిక వడ్డీ రేటు అనుకుంటే, మీ EMI వివరాలు:</p>
<p>5 ఏళ్ల వ్యవధి (60 నెలలు): నెలకు సుమారు రూ. 11,167 EMI చెల్లించాలి.<br />6 ఏళ్ల వ్యవధి (72 నెలలు): నెలకు సుమారు రూ. 9,737 EMI చెల్లించాలి.<br />7 ఏళ్ల వ్యవధి (84 నెలలు): నెలకు సుమారు రూ. 8,725 EMI చెల్లించాలి.</p>
<p>అంటే, మీరు రూ.9 వేల కంటే తక్కువ EMIతోనే టాటా ఆల్ట్రోజ్ బేస్ వేరియంట్‌ను సొంతం చేసుకోవచ్చు. మీరు ఇంకా ఎక్కువ డౌన్‌పేమెంట్‌ చేస్తే EMI ఇంకా తగ్గుతుంది.</p>
<p>లోన్ తీసుకునే ముందు మీ CIBIL Score 750 కంటే ఎక్కువగా ఉందో లేదో సరిచూసుకోండి. మంచి క్రెడిట్ స్కోర్ ఉంటే బ్యాంకులు తక్కువ వడ్డీ రేటుకే లోన్ మంజూరు చేసే అవకాశం ఉంటుంది & ప్రాసెసింగ్ ఫీజులో కూడా రాయితీ లభిస్తుంది.</p>
<p>ఇది కూడా చదవండి: <a title="పల్సర్‌ NS200, N250 బైకులకు యూత్‌ మెచ్చే అప్‌డేట్స్‌.. కొత్త డిస్‌ప్లే, సస్పెన్షన్‌ ప్రత్యేకతలు ఇవే!" href="https://telugu.abplive.com/auto/bajaj-pulsar-ns200-n250-new-tft-wp-usd-fork-details-in-telugu-259227" target="_self">పల్సర్‌ NS200, N250 బైకులకు యూత్‌ మెచ్చే అప్‌డేట్స్‌.. కొత్త డిస్‌ప్లే, సస్పెన్షన్‌ ప్రత్యేకతలు ఇవే!</a></p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
1 month ago
3 
