<p><strong>Triumph Bonneville T4 Down Payment, Loan and EMI Details:</strong> ప్రీమియం బైక్ సెగ్మెంట్‌లో బ్రిటిష్ ఐకానిక్ బ్రాండ్ ట్రయంఫ్ తన కొత్త Triumph Bonneville T4 మోడల్‌ను భారత మార్కెట్‌ లాంచ్ చేసింది. క్లాసిక్ బోన్నెవిల్ డిజైన్ సొగసును మోడర్న్ ఇంజినీరింగ్‌తో కలిపి ఈ బైక్‌ను డిజైన్ చేసింది. కొత్త Bonneville T40తో పాటే ఈ బండిని కూడా మార్కెట్‌లోకి తీసుకొచ్చింది. అయితే, T40 కంటే తక్కువ ధరలోనే T4ను అందిస్తోంది.</p>
<p><strong>ట్రయంఫ్ బోన్నెవిల్ T4 పవర్‌ఫుల్‌ ఇంజిన్ & ఫీచర్లు</strong></p>
<p>ఈ మోడల్‌లో 350cc లిక్విడ్ కూల్డ్ DOHC ఇంజిన్‌ను అమర్చారు. ఇది 29 PS గరిష్ట పవర్ 31.2 Nm టాప్‌ టార్క్‌ను ఉత్పత్తి చేస్తుంది. 6 స్పీడ్ గేర్‌బాక్స్ సహాయంతో లాంగ్ రైడ్లలో కూడా స్మూత్ డ్రైవింగ్ అనుభూతిని ఇస్తుంది. సేఫ్టీ పరంగా ఇందులో డ్యూయల్ ఛానల్ ABS, ట్రాక్షన్ కంట్రోల్, LED హెడ్‌లైట్స్ & డిజిటల్ TFT డిస్‌ప్లే అందుబాటులో ఉన్నాయి.</p>
<p><strong>విజయవాడలో ఎక్స్ షోరూమ్ & ఆన్‌రోడ్ ధరలు</strong></p>
<p>విజయవాడలో Triumph Bonneville T4 ప్రారంభ ఎక్స్ షోరూమ్ ధర 2.55 లక్షల రూపాయలు. RTO రిజిస్ట్రేషన్ ఛార్జీలు, ఇన్సూరెన్స్ ఇతర కస్టమ్ ఛార్జీలు కలిపితే బెజవాడలో ఆన్‌రోడ్ ధర సుమారు 3.04 లక్షల రూపాయలు అవుతుంది.</p>
<p><strong>హైదరాబాద్‌లో ఎక్స్ షోరూమ్ & ఆన్‌రోడ్ ధరలు</strong></p>
<p>హైదరాబాద్ నగరంలో కూడా Triumph Bonneville T4 ప్రారంభ ఎక్స్ షోరూమ్ ధర 2.55 లక్షల రూపాయలు. రిజిస్ట్రేషన్, ఇన్సూరెన్స్ సహా అవసరమైన ఛార్జీలు, ఫీజులు కలిపి ఇక్కడ ఆన్‌రోడ్ ధర సుమారు 3.16 లక్షల రూపాయలు అవుతుంది.</p>
<p><strong> కనీస డౌన్‌పేమెంట్ & బ్యాంక్ ఫైనాన్స్ ఆఫర్లు</strong></p>
<p>ఈ ప్రీమియం బైక్‌ను సొంతం చేసుకోవడానికి ప్రముఖ బ్యాంకులు & ఫైనాన్స్ కంపెనీలు కనీస డౌన్‌పేమెంట్ ఆఫర్లను అందిస్తున్నాయి. కస్టమర్‌ సిబిల్‌ స్కోర్‌ బాగా ఉంటే, ముందుగా కేవలం రూ.25,000 చెల్లించి ఈ బైక్‌ను డెలివరీ తీసుకోవచ్చు. మిగిలిన డబ్బును లోన్‌ రూపంలో అరేంజ్‌ చేయవచ్చు. ప్రస్తుతం ప్రముఖ బ్యాంకులు సంవత్సరానికి 8.5% నుంచి 14% వరకు వడ్డీతో ద్విచక్ర వాహన రుణాలు ఇస్తున్నాయి.</p>
<p>ఇది కూడా చదవండి: <a title="నెలకు రూ.2500 EMIతో TVS Apache RTR 160 4V కొనాలంటే ఎంత డౌన్‌పేమెంట్‌ చేయాలి, లోన్‌ ఎంత వస్తుంది?" href="https://telugu.abplive.com/auto/tvs-apache-rtr-160-4v-price-hyderabad-emi-down-payment-finance-offers-260832" target="_self">నెలకు రూ.2500 EMIతో TVS Apache RTR 160 4V కొనాలంటే ఎంత డౌన్‌పేమెంట్‌ చేయాలి, లోన్‌ ఎంత వస్తుంది?</a></p>
<p><strong>10% వార్షిక వడ్డీ రేటు చొప్పున వివిధ కాలపరిమితులకు EMI లెక్కలు</strong></p>
<p>మీరు <strong>కనీస డౌన్‌పేమెంట్ రూ.25000</strong> చెల్లించిన తర్వాత, మిగిలిన దాదాపు 2.91 లక్షల రూపాయలను రుణంగా తీసుకోవాలి. ఈ లోన్ మొత్తానికి 10% వడ్డీ రేటు అనుకుంటే, నెలకు చెల్లించాల్సిన EMI వివరాలు:</p>
<p>2 ఏళ్ల వ్యవధికి ‍‌(24 నెలలు): నెలకు రూ.14,532 EMI చెల్లించాలి.<br />3 ఏళ్ల వ్యవధికి (36 నెలలు): నెలకు రూ.10,495 EMI చెల్లించాలి.<br />4 ఏళ్ల వ్యవధికి (48 నెలలు): నెలకు రూ.8,477 EMI చెల్లించాలి.<br />5 ఏళ్ల వ్యవధికి (60 నెలలు): నెలకు రూ.7,266 EMI చెల్లించాలి.</p>
<p>ఒకవేళ మీరు <strong>రూ.1 లక్ష డౌన్‌పేమెంట్</strong> చెల్లిస్తే, మిగిలిన దాదాపు 2.16 లక్షల రూపాయలు లోన్‌ అవుతుంది. ఈ లోన్‌పై 10% వడ్డీ అనుకుంటే, నెలకు చెల్లించాల్సిన EMI వివరాలు:</p>
<p>2 ఏళ్ల వ్యవధికి ‍‌(24 నెలలు): నెలకు రూ.10,782 EMI చెల్లించాలి.<br />3 ఏళ్ల వ్యవధికి (36 నెలలు): నెలకు రూ.7,787 EMI చెల్లించాలి.<br />4 ఏళ్ల వ్యవధికి (48 నెలలు): నెలకు రూ.6,289 EMI చెల్లించాలి.<br />5 ఏళ్ల వ్యవధికి (60 నెలలు): నెలకు 5,391 EMI చెల్లించాలి.</p>
<p>ఇది కూడా చదవండి: <a title="Honda తీసుకొచ్చిన 2 అడ్వెంచర్ బైక్స్ XR300L, XR300 Rally.. ధర, ఫీచర్లు చూసి కొనేయండి" href="https://telugu.abplive.com/auto/honda-company-adventure-push-2-new-bikes-stir-up-the-segment-know-price-260868" target="_self">Honda తీసుకొచ్చిన 2 అడ్వెంచర్ బైక్స్ XR300L, XR300 Rally.. ధర, ఫీచర్లు చూసి కొనేయండి</a></p>
<p>బైక్ లోన్ తీసుకునేముందు వేర్వేరు బ్యాంకులు అందించే ప్రాసెసింగ్ ఫీజులు & హిడెన్ ఛార్జీలను సరిచూసుకోవడం మరిచిపోవద్దు. క్రెడిట్ స్కోర్ ఆధారంగా వడ్డీ రేట్లలో స్వల్ప మార్పులు ఉండే అవకాశం ఉంటుంది. లోన్ కాలపరిమితిని ఎంచుకునేటప్పుడు, వీలైనంత ఎక్కువ డౌన్‌పేమెంట్‌ చేసి & మీ నెలవారీ బడ్జెట్‌కు తగిన విధంగా 3 ఏళ్లు లేదా 4 ఏళ్ల ప్లాన్‌ను ఎంచుకోవడం ఆర్థికంగా సురక్షితం.</p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
3 weeks ago
2 
