<p style="text-align: justify;" data-pm-slice="0 0 []">భారతదేశంలో మిడ్ సైజ్ SUV మార్కెట్ చాలా వేగంగా పెరుగుతోంది. ఇప్పటికే దాదాపు 13 మోడల్స్ విక్రయాలు జరుపుకుంటున్నాయి. టాటా మోటార్స్ తన కొత్త టాటా సియెర్రాను ప్రారంభించింది. అయితే మారుతి సుజుకి గ్రాండ్ విటారా తర్వాత విక్టోరిస్ కూడా ప్రవేశపెట్టింది. ఇప్పుడు, రెనాల్ట్, నిస్సాన్ కూడా మధ్య సైజ్ ఎస్‌యూవీ విభాగంలో తమ కొత్త మోడల్స్ తీసుకురావడానికి సిద్ధమవుతున్నాయి. రెండు కంపెనీలు 2026లో రెండు కొత్త SUVలను మార్కెట్లోకి విడుదల చేస్తాయి. వాటి రాకతో, ఇప్పటికే ఉన్న బ్రాండ్లు, ముఖ్యంగా చెప్పాలంటే మారుతి సుజుకిపై ఒత్తిడి పెరగవచ్చు.</p>
<h3 style="text-align: justify;">కొత్త తరం రెనాల్ట్ డస్టర్ 2026లో మార్కెట్లోకి</h3>
<p>రెనాల్ట్ కొత్త తరం డస్టర్ జనవరి 26, 2026న భారత మార్కెట్లో లాంచ్ అవుతుందని ధృవీకరించింది. 3వ తరం డస్టర్ డిజైన్ గ్లోబల్ మోడల్‌ను పోలి ఉంటుంది. అయితే భారత రోడ్లకు అనుగుణంగా కొన్ని స్థానిక మార్పులు చేయవచ్చు. ఈ SUV CMF-B ప్లాట్ఫారమ్ మీద రూపొందించారు. దాదాపు 4,360 mm పొడవు, 2,673 mm వీల్ బేస్‌తో వస్తుంది. భారతదేశంలో పాత డస్టర్ ప్రజాదరణకు ప్రధాన కారణం దాని డీజిల్ ఇంజిన్ అని చెప్పవచ్చు. అయితే కొత్త డస్టర్ మోడల్స్‌లో డీజిల్ ఆప్షన్ ఉండదు. అందుకు బదులుగా, కంపెనీ పెట్రోల్ పవర్ స్టెయిన్ మీద ఫోకస్ చేసింది.</p>
<h3 style="text-align: justify;">1.3 లీటర్ టర్బో పెట్రోల్ ఇంజిన్</h3>
<p>అంతర్జాతీయ మోడల్ కొత్త 1.2L మైల్డ్ హైబ్రిడ్ ఇంజిన్ కలిగి ఉంది. అయితే భారతదేశంలో కొత్త డస్టర్ కోసం 1.3-లీటర్ HR13 టర్బో పెట్రోల్ ఇంజిన్ అమర్చారు. ఇది 154 bhp శక్తిని, 250 Nm టార్క్ ఉత్పత్తి చేస్తుంది. ఈ ఇంజిన్ 6-స్పీడ్ మాన్యువల్, CVT ఆటోమేటిక్ గేర్ బాక్స్ రెండింటితోనూ లభిస్తుంది. రెనాల్ట్ భారతదేశంలో బలమైన హైబ్రిడ్ పవర్ స్ట్రెయిన్ గురించి కూడా పరిశీలిస్తోంది. </p>
<h3 style="text-align: justify;">నిస్సాన్ టెక్టాన్</h3>
<p>నిస్సాన్ కూడా భారతదేశంలో కొత్త మిడ్ సైజ్ SUVని విడుదల చేస్తుంది. దీని పేరు టెక్టాన్. ఇది రెనాల్ట్ డస్టర్ మాదిరిగానే CMF-B ప్లాట్ఫారమ్ మీద ఆధారపడి ఉంటుంది. డిజైన్లో మరింత ప్రీమియంగా కనిపిస్తుంది. నిస్సాన్ దాని కొన్ని ఫీచర్లను చూపించింది, ఇందులో ఈ SUV బ్రాండ్ గ్లోబల్ ఫ్లాగ్షిప్ పెట్రోల్ SUVల నుండి ప్రేరణ పొందినట్లు కనిపిస్తుంది. నిస్సాన్ టెక్టాన్ కూడా డస్టర్ 1.3L టర్బో పెట్రోల్ ఇంజిన్ ఉపయోగిస్తుంది. 2026 మొదటి అర్ధభాగంలో దీనిని విడుదల చేయనున్నారు.</p>
<p><iframe class="vidfyVideo" style="border: 0px;" src="https://telugu.abplive.com/web-stories/auto/tata-sierra-fuel-tank-capacity-5-seater-new-suv-price-power-engine-petrol-diesel-car-229180" width="631" height="381" scrolling="no"></iframe></p>
<h3 style="text-align: justify;"> దాదాపు ఒకేలా ఫీచర్లు..</h3>
<ul style="text-align: justify;">
<li style="text-align: justify;">నివేదికల ప్రకారం రెండు SUVలలో ఫీచర్ల సెట్ దాదాపు ఒకేలా ఉంటుంది. పెద్ద టచ్ స్క్రీన్, ADAS, 360 కెమెరా, డిజిటల్ క్లస్టర్, కనెక్టెడ్ కార్ ఫీచర్లు, పనోరమిక్ సన్రూఫ్ సహా 6 ఎయిర్ బ్యాగ్స్ ఉన్నాయి.</li>
</ul>
<h3 style="text-align: justify;">మిడ్ సైజ్ SUV విభాగంలో గట్టి పోటీ</h3>
<p>రెనాల్ట్, నిస్సాన్ రెండూ భారతదేశంలో మధ్య-పరిమాణ SUVల డిమాండ్ పెరుగుతుందని నమ్ముతున్నాయి. కొత్త డస్టర్, టెక్టాన్ రాకతో, హ్యుందాయ్ క్రెటా, కియా సెల్టోస్, మారుతి గ్రాండ్ విటారా, టయోటా హైరైడర్, టాటా కర్వ్, మహీంద్రా XUV700 వంటి SUVలకు గట్టి పోటీ ఇచ్చే అవకాశాలున్నాయి.</p>
<div id="article-hstick-inner" class="abp-story-detail ">
<p style="text-align: justify;"> </p>
</div>
4 days ago
1 
