<p><strong>SUV MPV comparison India:</strong> కారు కొనాలని అనుకునే చాలా మంది ముందుగా చూడాల్సింది రెండు ముఖ్యమైన అంశాలు - డ్రైవింగ్‌ కంఫర్ట్‌ & ఇంజిన్‌ పనితీరు. ఈ రెండు పాయింట్లను మాత్రమే తీసుకుని Honda Elevate & Kia Carens Clavis (పెట్రోల్‌ NA వెర్షన్‌) మధ్య ఏది బెస్ట్‌ అనేది పోలిస్తే, Honda Elevate కొంచెం ముందంజలో కనిపిస్తుంది. కానీ, ఇదే ఎందుకు అంటే? సింపుల్‌గా అర్థమయ్యేలా ఇక్కడే తెలుసుకుందాం.</p>
<p><strong>డ్రైవింగ్‌ కంఫర్ట్‌</strong></p>
<p>Kia Carens Clavis డ్రైవ్‌ క్వాలిటీ విషయానికి వస్తే, ఈ కారు కొంచెం సాఫ్ట్‌గా ఉంటుంది. ఈ సాఫ్ట్ సస్పెన్షన్‌ వల్ల సిటీ రోడ్లలో చిన్న చిన్న గుంతలు, స్పీడ్‌ బ్రేకర్‌లు వచ్చినా బాగా అబ్జార్బ్‌ చేస్తుంది. అంటే ప్యాసింజర్లకు మృదువైన రైడ్ ఫీలింగ్ ఇస్తుంది. కానీ హైవేలో హై స్పీడ్‌లో, పెద్ద కర్వ్‌లలో తిప్పేటప్పుడు ఈ సాఫ్ట్‌నెస్‌ కొంచెం ఇబ్బందిగా ఉంటుంది, తేలిపోతున్న ఫీలింగ్ ఇవ్వొచ్చు.</p>
<p>Honda Elevate విషయానికి వస్తే, దీని సస్పెన్షన్‌ Carens Clavis లా సాఫ్ట్‌ కాకపోయినా, కంఫర్ట్‌ + స్టెబిలిటీ రెండిటినీ బ్యాలన్స్ చేస్తుంది. నగరంలో బాగా సాఫ్ట్‌గా ఉంటుంది, హైవేలో అయితే మరింత స్థిరంగా, కట్టుదిట్టమైన డ్రైవ్‌ ఫీలింగ్ ఇస్తుంది.</p>
<p>Telugu రాష్ట్రాల్లో, ముఖ్యంగా హైదరాబాద్‌, వరంగల్‌, విజయవాడ, విశాఖ లాంటి పట్టణాల్లో వచ్చే రోడ్డు పరిస్థితులు, & రియల్-వ‌రల్డ్ డ్రైవింగ్‌కు Elevate ఇచ్చే ఈ స్టేబుల్ రైడ్‌ చాలా బాగా సరిపోతుంది.</p>
<p><strong>ఇంజిన్‌ పనితీరు</strong></p>
<p>Carens Clavis‌ లో 1.5-లీటర్‌ నేచురల్‌ ఆస్పిరేటెడ్‌ పెట్రోల్‌ ఇంజిన్‌ 115hp పవర్‌ ఇస్తుంది. ఇది పూర్తిగా ఫ్యామిలీ కంఫర్ట్‌ కోసం రూపొందించిన ఇంజిన్‌. స్మూత్‌గానే ఉన్నా, పవర్ డెలివరీలో ఎక్కువ ఎగ్జైట్‌మెంట్ అనిపించదు.</p>
<p>Honda Elevate‌ లో వచ్చే 1.5-లీటర్‌ i-VTEC ఇంజిన్‌ 120hp పవర్‌తో మరింత ఫ్రీగా రేవ్‌ అయ్యే, క్విక్‌ రెస్పాన్స్ ఇచ్చే ఇంజిన్‌. సిటీ డ్రైవింగ్‌లో లాగానే, హైవే ఓవర్‌టేకింగ్‌లో కూడా Elevate ఇంజిన్‌ మరింత కాన్ఫిడెన్స్ ఇస్తుంది. Honda i-VTEC ఇంజిన్‌ను ప్రత్యేకంచి స్మూత్ రేవింగ్‌, లీనియర్ పవర్ డెలివరీ & పెర్ఫార్మెన్స్ పంచ్‌ కోసం చాలా మంది ఇష్టపడతారు. అదే విషయం ఇక్కడ స్పష్టంగా కనిపిస్తుంది.</p>
<p><strong>స్టెబిలిటీ & హ్యాండ్లింగ్</strong></p>
<p>Carens Clavis‌ ఒక MPV తరహా వాహనం కావడంతో రైడ్ కంఫర్ట్‌కు ప్రాధాన్యం ఎక్కువ.</p>
<p>Elevate‌ ఒక SUV తరహా వాహనం కావడంతో రోడ్‌పై ఉండే స్టెబిలిటీ, కట్టుదిట్టమైన హ్యాండ్లింగ్‌ చాలా మెరుగ్గా అనిపిస్తాయి. ప్రత్యేకించి, హైవేలలో Elevate నడిపినప్పుడు సురక్షిత భావన, కంట్రోల్‌ ఎక్కువగా ఉంటుంది.</p>
<p><strong>మొత్తంగా చూస్తే ఏది బెస్ట్?</strong></p>
<p>మీరు ప్రత్యేకంగా రైడ్ కంఫర్ట్‌ + ఇంజిన్‌ పనితీరును మాత్రమే ఫోకస్‌ చేస్తే.. Honda Elevate స్పష్టంగా కొంచెం మెరుగ్గా ఉంటుంది.</p>
<p>Carens Clavis కూడా మంచి వాహనమే, కాదనలేము. ప్రత్యేకంగా కుటుంబాల దృష్టితో చూస్తే డ్రైవింగ్‌ కంఫర్ట్‌ అద్భుతమే. కానీ ఇంజిన్‌ రెస్పాన్స్‌, స్టెబిలిటీ, మొత్తంగా డ్రైవింగ్ ఫీలింగ్‌ విషయాల్లో Elevate ముందుంటుంది.</p>
<p><strong>తెలుగు రాష్ట్రాల కొనుగోలుదారులకు ఏది సరైనది?</strong></p>
<p>సిటీ డ్రైవింగ్‌ ఎక్కువగా చేస్తున్నవాళ్లకు Clavis మంచి ఎంపిక</p>
<p>హైవే డ్రైవింగ్‌, లాంగ్ ట్రావెల్స్ ఎక్కువగా చేసే వాళ్లకు Elevate బెస్ట్</p>
<p>పెర్ఫార్మెన్స్ ఫీలింగ్ కూడా కావాలంటే.. Elevate క్లియర్‌ విన్నర్.</p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
1 week ago
2 
