<p><strong>Indrakeeladri Kanakadurga Devasthanam:</strong> ఆలయంలో నిత్య కైంకర్యాలు, అర్చనలు, పూజలు జరిగే సమయంలో తెలిసి లేదా తెలియక జరిగే దోషాలు, స్పర్శ దోషాలు,లోపాలు,అశుచులు తొలగిపోయి ఆలయ పవిత్రత పరిపూర్ణంగా నిలిచేందుకు ఆగమ శాస్త్రోక్తంగా ఏటా నిర్వహించే విశేష మహోత్సవమే ఈ ‘పవిత్రోత్సవం’. విజయవాడ ఇంద్రకీలాద్రిపై కొలువైన శ్రీ దుర్గా మల్లేశ్వర స్వామి వార్ల దేవస్థానంలో శ్రీ పరాభవ నామ సంవత్సర ‘వార్షిక పవిత్రోత్సవాలు’ ఆగస్టు 27 గురువారం నుంచి అత్యంత శాస్త్రోక్తంగా, వైభవంగా ప్రారంభం కానున్నాయి. </p>
<p>రంగురంగుల పట్టు దారాలతో ప్రత్యేకంగా రూపొందించిన పవిత్ర మాలలను ప్రధాన దేవతలకు,పరివార దేవతలకు ధరింపజేసి, హోమ క్రతువులు నిర్వహించడం ద్వారా ఇంద్రకీలాద్రి క్షేత్రానికి విశేషమైన ఆధ్యాత్మిక తేజస్సు సమకూరుతుందని పురాణోక్తి.</p>
<p>ఉత్సవాల మొదటి రోజైన ఆగస్టు 27 గురువారం తెల్లవారుజామున 3:00 గంటలకు శ్రీ కనకదుర్గ అమ్మవారి ప్రధాన ఆలయంలో శాస్త్రోక్తంగా సుప్రభాత సేవ నిర్వహిస్తారు. అనంతరం శ్రీ అమ్మవారి మూలవిరాట్‌కు అర్చక పండితులు వేద మంత్రోచ్ఛారణల మధ్య దివ్యమైన స్నపనాభిషేకం, పవిత్ర మాలాధారణ మహోత్సవాన్ని జరిపిస్తారు.</p>
<p>ప్రధాన ఆలయంలో సుప్రభాత సేవ, స్నపనాభిషేకం, పవిత్రాలంకరణ క్రతువులు పూర్తయ్యేంత వరకు దర్శనాలు నిలిపేస్తారు. ఉదయం 8:00 గంటల తర్వాతే భక్తులకు శ్రీ అమ్మవారి సర్వదర్శనం కల్పించడం జరుగుతుందని దేవస్థాన ఈవో శీనానాయక్ చెప్పారు<br /> <br />పవిత్రోత్సవాల సందర్భంగా నిర్వహించే వివిధ వైదిక హోమాలు, జపాలు,మూల మంత్ర హవనములు తదితర కార్యక్రమాలకు దేవస్థానం సర్వసన్నద్ధమైంది.</p>
<h3 class="article-pg-title"><a title=" ఉదయాన్నే 5 తులసి ఆకులు నమిలితే కలిగే ఆరోగ్య, ఆధ్యాత్మిక ప్రయోజనాలివే!" href="https://telugu.abplive.com/photo-gallery/spirituality/chewing-five-tulsi-leaves-every-morning-boosts-your-immune-system-reduces-stress-and-improves-digestion-257211" target="_self"> ఉదయాన్నే 5 తులసి ఆకులు నమిలితే కలిగే ఆరోగ్య, ఆధ్యాత్మిక ప్రయోజనాలివే!</a></h3>
<p><strong>పవిత్రోత్సవాల పూర్తి షెడ్యూల్ - దర్శన సమయాల వివరాలు</strong></p>
<p>ప్రధాన ఉత్సవాల షెడ్యూల్ ఆగష్టు 26 బుధవారం సాయంత్రం 4 గంటలకు ఉదకశాంతి కార్యక్రమంతో పవిత్రోత్సవాలు ప్రారంభం</p>
<p>ఆగష్టు 27 గురువారం తెల్లవారుజామున 3 గంటలను సుప్రభాతం, స్నపనాభిషేకం నిర్వహిస్తారు..అనంతరం పవిత్రాల సమర్పణ జరగుతుంది</p>
<p>మూడు రోజుల పాటు జరిగే పవిత్రోత్సవాల్లో భాగంగా ఆగష్టు 27,28,29 తేదీల్లో వైదిక కమిటీ నిర్ణయం ప్రకారం ఉదయం 8 తర్వాతే సర్వదర్శనం కల్పిస్తారు </p>
<p>ప్రతిరోజూ మధ్యాహ్నం సమయంలో పూజా కార్యక్రమాల కోసం దర్శనాలు తాత్కాలికంగా నిలిపివేస్తారు</p>
<p>సాయంత్రం 4 గంటల నుంచి 6 గంటల వరకు మూలమంత్ర హవనాలు, వేద పారాయణాలు, నీరాజన మంత్రపుష్పాలు నిర్వహిస్తారు</p>
<p>పవిత్రోత్సవాలు జరిగే మూడు రోజులు ఆలయంలో ఆర్జిత సేవలు తాత్కాలికంగా రద్దు చేశారు</p>
<p>భక్తుల రద్దీని క్రమబద్దీకరించడానికి , వైదిక క్రతువులను శాస్త్రోక్తంగా నిర్వహించడానికి అంతరాలయ దర్శన సమయాల్లో స్వల్ప మార్పులు ఉంటాయి</p>
<p>ఆన్ లైన్ టికెట్ల బుకింగ్ లేదా ఇతర వివరాల కోసం భక్తులు శ్రీ దుర్గా మల్లేశ్వర స్వామివార్ల దేవస్థానం అధికారిక వెబ్ సైట్ ను దర్శించవచ్చు</p>
<p>ఈ ఉత్సవాల సమయంలో కనకదుర్గ అమ్మవారిని దర్శించుకున్నవారికి సకలపాపాలు తొలగిపోయి శుభాలు కలుగుతాయని భక్తుల విశ్వాసం. పవిత్రోత్సవాలు మూడు రోజుల తర్వాత దుర్గమ్మకు సమర్పించిన పవిత్రమాలను భక్తులను ప్రసాదంగా అందిస్తారు. ఇంద్రకీలాద్రి వైభవాన్ని చాటిచెప్పే పవిత్రమైన సంప్రదాయం ఇది.</p>
<h3 class="abp-article-title"><a title="Gold Price September 2026: సెప్టెంబర్‌లో బంగారం ధరలు పెరుగుతాయా, తగ్గుతాయా? కీలక అంచనా!" href="https://telugu.abplive.com/astro/gold-price-prediction-september-2026-dollar-interest-rates-global-tensions-257183" target="_self">Gold Price September 2026: సెప్టెంబర్‌లో బంగారం ధరలు పెరుగుతాయా, తగ్గుతాయా? కీలక అంచనా!</a></h3>
<h3 class="abp-article-title"><a title="Gold Rates: లక్ష్మీ స్వరూపంగా భావించే బంగారం ధరలు భారత్ తో పాటూ ఈ 10 దేశాల్లో మండిపోతున్నాయ్! కారణాలివే!" href="https://telugu.abplive.com/spirituality/which-10-countries-have-the-most-expensive-gold-prices-import-duties-taxes-local-demand-affect-know-names-and-details-in-telugu-240090" target="_self">Gold Rates: లక్ష్మీ స్వరూపంగా భావించే బంగారం ధరలు భారత్ తో పాటూ ఈ 10 దేశాల్లో మండిపోతున్నాయ్! కారణాలివే!</a></h3>
<p><iframe class="vidfyVideo" style="border: 0px;" src="https://telugu.abplive.com/web-stories/spirituality/chanakya-niti-telugu-if-you-want-success-do-not-reveal-these-things-in-life-257273" width="631" height="381" scrolling="no"></iframe></p>
2 months ago
3 
