<p><strong>Yamaha vs Royal Enfield New Bikes Comparison:</strong> భారత బైకింగ్‌ కమ్యూనిటీలో నేటి హాట్‌ టాపిక్‌ - Yamaha XSR 155 vs Royal Enfield Hunter 350. ఒక వైపు యంగ్‌ రైడర్స్‌కి ఫేవరెట్‌ అవుతున్న నియో-రెట్రో XSR 155, మరోవైపు అట్ట్రాక్టివ్‌ ప్రైసింగ్‌తో ఇప్పటికే మార్కెట్‌ హీట్‌ పెంచిన Hunter 350. ఈ రెండు బైక్‌లు ఫీచర్లలో, రోడ్‌పై ఎలా డిఫర్‌ అవుతాయో చూద్దాం.</p>
<p><strong>1. ఇంజిన్‌ పనితీరు: XSR 155 స్పోర్టీ, Hunter 350 రిలాక్స్‌డ్‌</strong></p>
<p>XSR 155లో ఉన్న 155cc లిక్విడ్‌-కూల్డ్‌ ఇంజిన్‌ అసలైన స్పోర్ట్స్‌ DNAతో ఉంటుంది. R15, MT-15లో ఉన్న మోటార్‌నే వాడటంతో ఇది హై రేవ్స్‌లో కూడా స్ట్రాంగ్‌ పెర్ఫార్మెన్స్‌ ఇస్తుంది. హయ్యర్‌ టాప్‌ స్పీడ్‌, రేవ్‌ చేయడానికి రెడీగా ఉండే ఇంజిన్‌, 6-స్పీడ్‌ గేర్‌బాక్స్‌ (Hunter లో లేదు) దీని సొంతం.</p>
<p>మరోవైపు, Hunter 350లో ఎయిర్‌-కూల్డ్‌ 349cc లాంగ్‌-స్ట్రోక్‌ ఇంజిన్‌ ఉంటుంది. లార్జ్‌ cc ఉన్నా, ఇది కంఫర్ట్‌ రైడ్స్‌ కోసం తక్కువ రేవ్స్‌ వద్దే మంచి టార్క్‌ ఇస్తుంది. సిటీ, చిల్‌ ఔట్‌ రైడింగ్‌ కోసం బెటర్‌.</p>
<p>క్లియర్‌గా చెప్పాలంటే... స్పీడ్‌, స్పోర్ట్‌ వైబ్‌ కోసం XSR 155. గ్రౌండ్‌తో దగ్గరగా, రిలాక్స్‌డ్‌ రైడ్‌ కోసం Hunter 350 పర్‌ఫెక్ట్‌గా వర్కవుట్‌ అవుతాయి.</p>
<p><strong>2. వెయిట్‌ & డైమెన్షన్స్‌: XSR 155 నిజంగా ఈజీ టు హ్యాండిల్‌</strong></p>
<p>ఈ విషయంలో XSR 155 ఎక్కువ స్కోర్‌ చేస్తుంది. Hunter కంటే XSR 155 బైక్‌ 40 కేజీలు తక్కువ బరువు. ఇది MT-15 కంటే కూడా 4 కిలోలు తక్కువ. డి-ల్టాబాక్స్‌ ఫ్రేమ్‌, అల్యూమినియం స్వింగ్‌ ఆర్మ్‌ వల్ల ఈ బైక్‌ చాలా లైట్‌గా ఉంటుంది.<br />హైదరాబాద్‌ లేదా విజయవాడ వంటి ట్రాఫిక్‌ సిటీల్లో లైట్‌ వెయిట్‌ అంటే పెద్ద ప్లస్‌ పాయింట్‌.</p>
<p>Hunter 350 లో స్టీల్‌-హెవీ చాసిస్‌ ఉండటంతో అది కొంచెం బరువుగా అనిపిస్తుంది. కానీ సీట్‌ హైట్‌ మాత్రం Hunterలో కొద్దిగా తక్కువగా ఉండటం వల్ల, కాస్త తక్కువ ఎత్తున్న రైడర్స్‌కు మేనేజ్‌ చేయడం ఈజీ.</p>
<p>గ్రౌండ్‌ క్లియరెన్స్‌ విషయానికి వచ్చేసరికి - చూడటానికి XSR 155 గ్రౌండ్‌ క్లియరెన్స్‌ కాస్త తక్కువగా కనిపించినా, క్లియరెన్స్‌ MT-15 (170mm) ఇది సమానంగా ఉంటుందని యమహా క్లారిఫై చేసింది.</p>
<p><strong>3. సస్పెన్షన్‌, టైర్లు & బ్రేక్స్‌: స్పోర్టీ వైపు XSR, కంఫర్ట్‌ వైపు Hunter</strong></p>
<p>XSR 155 లో... USD ఫోర్క్‌, రియర్‌లో మోనోషాక్‌, రియర్ టైర్‌ రేడియల్‌ ఇచ్చారు. </p>
<p>Hunter 350 లో... కన్వెన్షనల్‌ టెలిస్కోపిక్‌ ఫోర్క్‌, రియర్‌లో ట్విన్‌ షాక్‌ ఉన్నాయి. ఎన్‌ఫీల్డ్‌, ఈ ఏడాది ఈ బండి సస్పెన్షన్‌ ట్యూనింగ్‌ అప్‌డేట్‌ చేసి, కంఫర్ట్‌ను పెంచింది. Hunterలో, దాని హెవీ వెయిట్‌కి సరిపోయేలా రెండు పెద్ద డిస్కులు ఉంటాయి. </p>
<p>సిటీ బ్రేకింగ్‌లో రెండు బైక్‌లు కూడా మంచి కంట్రోల్‌ ఇస్తాయి.</p>
<p><strong>4. ఫీచర్లు: XSR 155 మరింత టెక్నాలజీ అడ్వాన్స్‌డ్‌</strong></p>
<p>Hunter 350 లో... డ్యూయల్‌ చానెల్‌ ABS, ట్రిప్పర్‌ నావిగేషన్‌ (టాప్‌ వేరియంట్‌), LED హెడ్‌ల్యాంప్‌, అనలాగ్‌ + డిజిటల్‌ మీటర్‌ చూడొచ్చు. </p>
<p>XSR 155 లో... డ్యూయల్‌ చానెల్‌ ABS, ట్రాక్షన్‌ కంట్రోల్‌ (బిగ్‌ ప్లస్‌), రౌండ్‌ LCD మీటర్‌ + Bluetooth కనెక్టివిటీ, ఫుల్‌ LED లైటింగ్‌ చూడొచ్చు. </p>
<p>టెక్‌ సైడ్‌లో, ఒకే ధర రేంజ్‌లో XSR 155 మెచ్చుకునేలా ఉంటుంది.</p>
<p><strong>5. ధరలో ఏది బెస్ట్‌?</strong></p>
<p>Hunter 350 బేస్‌ వేరియంట్‌ చాలా తక్కువకు దొరుకుతుంది, కానీ స్పోక్‌ రిమ్స్‌, హాలోజెన్‌ లైట్‌, రియర్‌ డ్రమ్‌ బ్రేక్‌ ఉంటాయి.</p>
<p>XSR 155 ఒకే వేరియంట్‌లో వచ్చింది. కానీ, Hunter 350 Dapper/Rebel (₹1.63 lakh) కంటే XSR 155 ₹12,000 తక్కువ.</p>
<p>దీంతో స్పోర్టీ-రెట్రో బైక్‌ కోసం చూసే యువతకు XSR 155 మంచి 'వాల్యూ ఫర్‌ మనీ' ఆప్షన్‌.</p>
<p>ఫైనల్‌గా చెప్పేదేమింటంటే... స్పోర్టీ పెర్ఫార్మెన్స్‌ + లైట్‌ వెయిట్‌ హ్యాండ్లింగ్ కోసం XSR 155 & రిలాక్స్‌డ్‌ టార్క్ + క్లాసిక్ రాయల్ ఎన్‌ఫీల్డ్ వైబ్ కోసం హంటర్ 350 తీసుకోవచ్చు. మీ రైడింగ్‌ స్టైల్‌ ఏదైనా, ఈ రెండు బైకులను ఒకసారి టెస్ట్‌ రైడ్‌ చేస్తేనే మీకు ఏది బెస్టో స్పష్టంగా తెలుస్తుంది. </p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
3 weeks ago
2 
