<p><strong>Yamaha Fascino 125 Fi Hybrid Launched in India:</strong> ప్రముఖ ద్విచక్ర వాహన తయారీ సంస్థ ఇండియా యమహా మోటార్, తన స్టైలిష్ స్కూటర్ ఫాసినో 125 ఎఫ్ఐ హైబ్రిడ్ (Fascino 125 Fi Hybrid) అప్‌డేటెడ్ వెర్షన్‌ను భారత మార్కెట్లోకి తాజాగా ప్రవేశపెట్టింది. ఈ స్కూటర్ ప్రారంభ ధర రూ. 76,500 (ఎక్స్‌షోరూమ్) గా నిర్ణయించారు. వినియోగదారుల అభిరుచులకు అనుగుణంగా దీనిని మూడు వేరియంట్లలో అందుబాటులోకి తెచ్చారు. అవి ఫాసినో ఎస్ (Fascino S), ఫాసినో డిస్క్ (Fascino Disc), ఫాసినో డ్రమ్ (Fascino Drum). వీటిలో టాప్ ఎండ్ వెర్షన్ అయిన ఫాసినో ఎస్ ధర రూ. 95,200 కాగా, మిడ్-లెవల్ డిస్క్ వేరియంట్ ధర రూ. 88,000 గా ఉంది. గత మోడల్స్ తో పోలిస్తే ఈసారి యమహా డిజైన్ పరంగా చాలా మార్పులు చేసింది.</p>
<p><strong>కొత్త డిజైన్ - ఆకర్షణీయమైన లుక్..</strong><br />ఈ 2026 మోడల్ లో ప్రధాన మార్పు దాని వెనుక భాగంలో (tail section) కనిపిస్తుంది. కొత్తగా రూపొందించిన టెయిల్ లైట్లు, టర్న్ ఇండికేటర్లు స్కూటర్ కు ఒక రిఫ్రెష్ లుక్ ఇస్తున్నాయి. దీనికి తోడుగా బాడీపై ఉన్న కొత్త డీకాల్స్ (Decals) స్కూటర్ అందాన్ని మరింత పెంచాయి. ముఖ్యంగా యువతను, స్టైల్ కోరుకునే కస్టమర్లను ఆకర్షించడమే లక్ష్యంగా యమహా ఈ మార్పులు చేపట్టింది. స్కూటర్ మొత్తం పొడవు 1780 మిమీ ఉండటం వల్ల పాత మోడల్ కంటే ఇది కొంచెం పొట్టిగా కనిపిస్తుంది, దీనివల్ల సిటీ ట్రాఫిక్ లో నడపడం మరింత సులభం అవుతుంది.</p>
<p><strong>ఇంజిన్ - హైబ్రిడ్ టెక్నాలజీ..</strong><br />పర్ఫార్మెన్స్ విషయానికి వస్తే, ఇందులో 125 సీసీ ఎయిర్-కూల్డ్, ఫ్యూయల్ ఇంజెక్టెడ్ ఇంజిన్ అమ‌ర్చారు. దీనికి ‘స్మార్ట్ మోటార్ జనరేటర్’ తో కూడిన హైబ్రిడ్ సిస్టమ్ సపోర్ట్ ఇస్తుంది. ఈ టెక్నాలజీ వల్ల స్కూటర్ స్టార్ట్ అయ్యేటప్పుడు చాలా నిశ్శబ్దంగా ఉంటుంది, అలాగే ట్రాఫిక్ లో ఆగినప్పుడు ఆటోమేటిక్ గా ఇంజిన్ ఆఫ్ అయ్యే ‘స్టార్ట్/స్టాప్’ ఫీచర్ మైలేజీని పెంచుతుంది. పర్యావరణ హితమైన E20 ఇంధనంతో కూడా ఈ స్కూటర్ నడుస్తుంది. సీటు కింద 21 లీటర్ల స్టోరేజ్ స్పేస్ ఉండటం వల్ల హెల్మెట్ లేదా ఇతర వస్తువులు పెట్టుకోవడానికి వీలుగా ఉంటుంది.</p>
<p><strong>స్మార్ట్ ఫీచర్లు - సెక్యూరిటీ..</strong><br />ప్రీమియం వెర్షన్ అయిన ఫాసినో ఎస్ లో కలర్ టీఎఫ్‌టీ (TFT) ఇన్స్ట్రుమెంట్ క్లస్టర్ ఉంది. ఇది బ్లూటూత్ కనెక్టివిటీ ద్వారా టర్న్-బై-టర్న్ నావిగేషన్ సౌకర్యాన్ని అందిస్తుంది. అలాగే మీ స్కూటర్ ఎక్కడ ఉందో కనుగొనడానికి ‘ఆన్సర్ బ్యాక్’ (Answer Back) ఫంక్షన్ కూడా ఉంది. భద్రత కోసం సైడ్ స్టాండ్ వేసి ఉన్నప్పుడు ఇంజిన్ స్టార్ట్ కాకుండా కట్-ఆఫ్ ఫీచర్ ఇచ్చారు. ముందు వైపు 190 మిమీ డిస్క్ బ్రేక్, వెనుక 130 మిమీ డ్రమ్ బ్రేక్ తో పాటు టెలిస్కోపిక్ సస్పెన్షన్ ప్రయాణాన్ని సుఖవంతం చేస్తాయి. తక్కువ ధరలో స్టైలిష్ హైబ్రిడ్ స్కూటర్ కావాలనుకునే వారికి యమహా ఫాసినో ఒక మంచి ఛాయిస్ అని విశ్లేష‌కులు పేర్కొంటున్నారు. </p>
<p> </p>
6 months ago
17 
