<p><strong>BCCI Confirms Auction And Season Dates For WPL 2027: </strong>మహిళల ప్రీమియర్ లీగ్ (డబ్ల్యూపీఎల్) ఐదో సీజన్ నిర్వహణకు సంబంధించి భారత క్రికెట్ నియంత్రణ మండలి (బీసీసీఐ) బుధవారం కీలక ప్రకటన విడుదల చేసింది. డబ్ల్యూపీఎల్ 2027 ఎడిషన్ మ్యాచ్‌లను 2027 జనవరి 14 నుంచి ఫిబ్రవరి 7 వరకు నిర్వహించనున్నట్లు స్పష్టం చేసింది. ఈ కొత్త సీజన్ కోసం ఆటగాళ్ల మినీ వేలాన్ని ఈ ఏడాది అక్టోబర్ 28న కేరళలోని కొచ్చి నగరంలో జరుపుతారు. అయితే ఈ టోర్నీ మ్యాచ్‌లకు ఆతిథ్యమిచ్చే వేదికల వివరాలను మాత్రం బీసీసీఐ ప్రస్తుతానికి వెల్లడించలేదు. మహిళల క్రికెట్‌లో ప్రపంచంలోనే అతిపెద్ద టీ20 లీగ్‌గా అవతరించిన డబ్ల్యూపీఎల్, సరికొత్త ప్రతిభను వెలికితీయడంలో కీలక పాత్ర పోషిస్తోందని బోర్డు తన అధికారిక ప్రకటనలో తెలిపింది. ఇండియా అంతర్జాతీయ స్టార్లతో పాటు వర్ధమాన క్రీడాకారిణులు తమ సత్తా చాటేందుకు ఈ లీగ్ గొప్ప వేదికగా నిలిచింది.</p>
<blockquote class="twitter-tweet">
<p dir="ltr" lang="en">🚨 News 🚨 <a href="https://x.com/hashtag/TATAWPL?src=hash&ref_src=twsrc%5Etfw">#TATAWPL</a> 2027 to be played from 14 January to 7 February 2027 🗓️<br /><br />Player Auction to be held on 28 October 2026 in Kochi 📍<br /><br />More details ▶️ <a href="https://t.co/tuEXkaaY6T">https://t.co/tuEXkaaY6T</a> <a href="https://t.co/mjLcSOJawp">pic.twitter.com/mjLcSOJawp</a></p>
— Women's Premier League (WPL) (@wplt20) <a href="https://x.com/wplt20/status/2100183451987227062?ref_src=twsrc%5Etfw">September 16, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>28లోగా గడువు..</strong><br />రాబోయే సీజన్ కోసం ఐదు ఫ్రాంచైజీలు తమ జట్లను సిద్ధం చేసుకోవడంపై కసరత్తు చేస్తున్నాయి. ప్రస్తుతం ఉన్న జట్ల నుంచి ఆటగాళ్లను అట్టిపెట్టుకోవడానికి బీసీసీఐ సెప్టెంబర్ 28ని ఆఖరి గడువుగా నిర్ణయించింది. ఈ గడువు లోగా ఫ్రాంచైజీలు తాము రిటైన్ చేసుకునే ఆటగాళ్ల జాబితాను సమర్పించాల్సి ఉంటుందని తెలుస్తోంది. రాబోయే సీజన్‌కు సరిపడే అత్యుత్తమ కాంబినేషన్‌లను ఎంపిక చేసుకోవడానికి జట్లకు ఇది మంచి అవకాశం.</p>
<blockquote class="twitter-tweet">
<p dir="ltr" lang="en">🚨 <a href="https://x.com/hashtag/%F0%9D%90%93%F0%9D%90%80%F0%9D%90%93%F0%9D%90%80%F0%9D%90%96%F0%9D%90%8F%F0%9D%90%8B?src=hash&ref_src=twsrc%5Etfw">#𝐓𝐀𝐓𝐀𝐖𝐏𝐋</a> 2️⃣0️⃣2️⃣7️⃣ 𝐈𝐒 𝐂𝐎𝐌𝐈𝐍𝐆 🚨<br /><br />⛏️ Auction: 2️⃣8️⃣th October, 2026. 🤩<br />📍Kochi. 🎬<br /><br />🗓️ 1️⃣4️⃣th January to 7️⃣th February 2027⚡️<br /><br />The quest for <a href="https://x.com/hashtag/TATAWPL?src=hash&ref_src=twsrc%5Etfw">#TATAWPL</a> Title No. 3️⃣ begins soon. 12th Man Army, excited? ❤️🔥<a href="https://x.com/hashtag/PlayBold?src=hash&ref_src=twsrc%5Etfw">#PlayBold</a> <a href="https://x.com/hashtag/%E0%B2%A8%E0%B2%AE%E0%B3%8D%E0%B2%AERCB?src=hash&ref_src=twsrc%5Etfw">#ನಮ್ಮRCB</a> <a href="https://t.co/5E3NY84NVt">pic.twitter.com/5E3NY84NVt</a></p>
— Royal Challengers Bengaluru (@RCBTweets) <a href="https://x.com/RCBTweets/status/2100191027735019645?ref_src=twsrc%5Etfw">September 16, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
</p>
<p><strong>హ్యాట్రిక్ పై గురి..</strong><br />2026 ఎడిషన్‌లో రాయల్ ఛాలెంజర్స్ బెంగళూరు (ఆర్సీబీ) సంచలన ఆటతీరుతో రెండోసారి డబ్ల్యూపీఎల్ ట్రోఫీని కైవసం చేసుకున్న సంగతి తెలిసిందే. స్టార్ ఓపెనర్ స్మృతి మంధాన సారథ్యంలో బరిలోకి దిగిన ఆర్సీబీ, అద్భుత ప్రదర్శనతో టైటిల్ నిలబెట్టుకుంది. ఆ సీజన్ మ్యాచ్‌లను నవీ ముంబై, బరోడాలలో విజయవంతంగా నిర్వహించారు. ఇప్పుడు జరగబోయే ఐదో సీజన్‌లోనూ విజేతగా నిలిచి హ్యాట్రిక్ సాధించాలని ఆర్సీబీ బృందం కృత‌నిశ్చ‌యంతో ఉంది. ఇందుకు తగిన కసరత్తు ముమ్మరం చేస్తోంది ఆ టీమ్ మేనేజ్మెంట్.</p>
<p><strong>చెరి రెండుసార్లు..</strong><br />2023లో ఆరంభమైన డబ్ల్యూపీఎల్ టోర్నమెంట్‌లో ఇప్పటివరకు ముంబై ఇండియన్స్, రాయల్ ఛాలెంజర్స్ బెంగళూరు జట్లు చెరో రెండుసార్లు ఛాంపియన్లుగా నిలిచాయి. కొచ్చిలో జరిగే వేలం తర్వాత ఐదు ఫ్రాంచైజీలు కొత్త వ్యూహాలతో బరిలోకి దిగనున్నాయని తెలుస్తోంది. ఇక మిగ‌తా జ‌ట్లు కూడా విజేత‌గా నిలిచేందుకు వ్యూహాలు ప‌న్నుతున్నాయి. </p>
1 month ago
3 
