<p><strong>World's Richest Cricketers 2026: </strong>క్రికెట్ అంటే భారత్‌లో కేవలం ఒక క్రీడ మాత్రమే కాదు. అది ఒక భావోద్వేగం. ఒక మతం. అయితే ఆధునిక కాలంలో క్రికెట్ అనేది కేవలం బ్యాట్, బాల్‌కు పరిమితం కాకుండా ఒక భారీ వ్యాపార సామ్రాజ్యంగా రూపాంతరం చెందింది. ప్రపంచవ్యాప్తంగా ఉన్న ఎలైట్‌ క్రికెటర్లు ఇప్పుడు కేవలం ప్రొఫెషనల్ కాంట్రాక్టుల ద్వారానే కాకుండా, అంతర్జాతీయ బ్రాండ్ ఎండార్స్‌మెంట్‌లు, తెలివైన వాణిజ్య పెట్టుబడుల ద్వారా భారీగా సంపదను ఆర్జిస్తున్నారు. 2026 నాటికి ప్రపంచంలోనే అత్యంత ధనిక క్రికెటర్ల జాబితాను పరిశీలిస్తే, భారతీయ ఆటగాళ్ల ఆధిపత్యం స్పష్టంగా కనిపిస్తోంది. </p>
<h3>వేల కోట్ల బ్రాండ్‌లకు ఐకాన్‌గా విరాట్ కోహ్లీ</h3>
<p>ప్రస్తుతం తరం క్రికెట్ దిగ్గజం విరాట్ కోహ్లీ ఆటతోపాటు స్టైల్ ఐకాన్‌గా ఉన్నారు. దీంతో కోహ్లీ ఒక గ్లోబల్ బ్రాండ్‌గా ఎదిగారు. కోహ్లీ నికర ఆస్తి విలువ దాదాపు వెయ్యికోట్లకుపైగా ఉంది. కోహ్లీ ఆదాయం కేవలం బీసీసీఐ కాంట్రాక్టులు లేదా ఐపీఎల్ పారితోషికాలకే పరిమితం కాలేదు. అతను ప్రీమియం ఫ్యాషన్‌ లేబుల్స్‌, ఫిట్‌నెస్‌ సెంటర్‌ చైన్‌లు, మిలియన్ డాలర్ల కార్పొరేట్‌ అడ్వర్టైజింగ్‌ క్యాంపెయిన్ల ద్వారా భారీ రెవెన్యూ జనరేట్ చేస్తున్నారు. కోహ్లీ కేవలం ఒక ఆటగాడిగానే కాకుండా, ఒక విజయవంతమైన వ్యాపారవేత్తగా తన ముద్రవేస్తున్నారు. </p>
<h3>మిస్టర్ కూల్ ఎంఎస్‌ ధోనీ స్మార్ట్ ఇన్వెస్టర్ </h3>
<p>భారత్ మాజీ సారథి మహీంద్ర సింగ్ ధోనీ తన ఆదాయ వనరులను వైవిధ్యంగా మార్చుకోవడంలో సిద్ధహస్తుడని నిరూపించుకున్నాడు. ప్రస్తుతం ధోనీ ఆస్తి విలువ కోహ్లీతో సమానంగా వెయ్యి కోట్లు ఉంది. ధోని తన ఆర్థిక పోర్ట్‌ఫోలియోను కేవలం క్రికెట్‌కే పరిమితం చేయలేదు. కమర్షియల్ ఆర్గానిక్ ఫార్మింగ్‌, ఫిట్‌నెస్‌ బ్రాండ్లు, బైక్ కలెక్షన్స్‌, డొమెస్టిక్‌ లీగ్ కాంట్రాక్టుల ద్వారా తన సంపదను నిరంతరం పెంచుకుంటున్నారు. ధోనీ పక్కా ప్లానింగ్‌తో రిటైర్మెంట్ తర్వాత కూడా ఆర్థికంగా ఎలా బలంగా ఉండాలో ప్రపంచానికి చూపిస్తున్నాడు. </p>
<h3>మాస్టర్ ప్లాన్‌తో 1400 కోట్లకు అధినేతగా సచిన్ </h3>
<p>క్రికెట్‌ గాడ్‌గా పిలుచుకునే సచిన్ టెండూల్కర్‌ అంతర్జాతీయ క్రికెట్ నుంచి రిటైర్మెంట్ తీసుకుని దశాబ్దం దాటినా, సంపాదనలో మాత్రం ఇప్పటికీ అగ్రస్థానంలో కొనసాగుతున్నారు. సచిన్ టెండూల్కర్‌ నికర ఆస్తుల విలువ సుమారు 1400కోట్లు దాటినట్టు అంచనా. సచిన్ తన కెరీర్‌ ముగిసిన తర్వాత కూడా హై ప్రొఫైల్ బ్రాండ్ అసోసియేషన్ల ద్వారా తన సంపద పెంచుకుంటున్నారు. కేవలం ప్రకటనలకే పరిమితం కాకుండా, వ్యూహాత్మక వ్యాపార పెట్టుబడులు పెట్టడం ద్వారా తన ఆర్థిక సామ్రాజ్యాన్ని పటిష్టం చేసుకున్నారు. క్రికెట్ ఆడుతున్నప్పుడు ఎంతటి క్రమశిక్షణతో ఉండేవారో,రిటైర్మెంట్ తర్వాత కూడా తన బ్రాండ్ వాల్యూ తగ్గకుండా జాగ్రత్త పడటమే సచిన్ విజయ రహస్యం. </p>
<h3>రికీ పాంటింగ్‌ ఆదాయం ఎంత అంటే?</h3>
<p>ఆస్ట్రేలియా మాజీ కెప్టెన్‌ రికీ పాంటింగ్‌ ప్రపంచ ధనిక క్రికెటర్ల జాబితాలో నాల్గో స్థానంలో ఉన్నారు. పాటింగ్‌ తన కెరీర్ ముగిసిన తర్వాత కూడా క్రికెట్‌తో విడదీయరాని బంధాన్ని కలిగి ఉన్నారు. అంతర్జాతీయ టోర్నమెంట్‌లకు కోచింగ్ కాంట్రాక్టులు, అత్యధిక పారితోషికం లభించే మీడియా కామెంటరీ ద్వారా తన సంపద పెంచుకుంటున్నారు. </p>
<h3>బ్రియాన్ లారా సంపద</h3>
<p>వెస్టిండీస్‌ బ్యాటింగ్ దిగ్గజం బ్రియాన్ లారా టాప్ 5 జాబితాలో ఉన్నారు. లారా తన లెజెండరీ హోదాను అద్భుతంగా వాడుకుంటున్నారు. బ్రాడ్ కాస్టింగ్ డీల్స్, ప్రీమియం కమర్షియల్‌ స్పాన్స్‌ర్‌షిప్‌ల ద్వారా డబ్బులు సంపాదిస్తున్నారు. </p>
<p>క్రికెట్ ప్రపంచంలో ఈ స్థాయి సంపద చేకూరడానికి ప్రధాన కారణం. గ్లోబలైజేషన్ గతంలో క్రికెటర్లు కేవలం మ్యాచ్‌ ఫీజులపైనే ఆధారపడే వారు. కానీ ఐపీఎల్ వంటి లీగ్‌లు ఆటగాళ్ల బ్రాండ్ వాల్యూను అమాంతం పెంచేశాయి. సోషల్ మీడియా ద్వారా ఆటగాళ్లు నేరుగా అభిమానులతో కనెక్ట్ అవ్వడం వల్ల బ్రాండ్‌ ఎండార్స్‌మెంట్లు కోట్లలో వస్తున్నాయి. నేటి క్రికెటర్లు సంపాదించిన డబ్బును స్టార్టప్‌లు, రియల్ ఎస్టేట్‌, స్టాక్ మార్కెట్‌లలో పెట్టుబడిగా పెడుతున్నారు. ఈ జాబితాలో టాప్‌ 3లో ఇండియన్ క్రికెటర్లే ఉన్నారు. ఇది భారత్ ఆటగాళ్ల బ్రాండ్ ఇమేజ్‌ను ప్రపంచానికి తెలియజేస్తుంది. </p>
1 week ago
2 
