Water Tax: వాటర్ కనెక్షన్ లేని ఇంటికి రూ.31 వేల బిల్లు.. ప్రభుత్వ ఆఫీసుల చుట్టూ యజమాని ప్రదక్షిణలు

<p>Water Tax: వాటర్ కనెక్షన్ లేని ఇంటికి వేల రూపాయల పన్ను వేశారు జీవీఎంసీ అధికారులు. ఎనిమిదేళ్లుగా పన్ను వేస్తూ దానికి వడ్డీ, ఫైన్ ఇలా అన్నీ రూ. 31వేలు కట్టాలని ఇంటి యజమానికి నోటీసులు ఇచ్చారు. దీంతో కంగారు పడ్డ యజమాని పన్ను రద్దు చేయాలని అధికారుల చుట్టూ తిరుగుతున్నాడు. అగనంపూడి పరిధి పినమడక కాలనీకి చెందిన సాయిన సన్యాసిరావు తన భార్య పైడికొండ పేరిట ఉన్న ఇంటికి 2018లో అమృత్&zwnj; పథకం కింద కుళాయి కోసం జీవీఎంసీకి అప్లై చేసుకున్నారు. అప్పట్లో పైపుల ఏర్పాటుకు రూ. 125 చెల్లించారు. అయితే ఆ ప్రాంతంలో భూగర్భ పైపులైను లేకపోవడంతో కుళాయి కనెక్షన్&zwnj; ఇవ్వలేదు అధికారులు. కానీ పత్రాల్లో మాత్రం ఆ ఇంటికి కుళాయి ఉన్నట్టుగా నమోదు చేసేశారు.&nbsp;<br /><br />Also Read: <a title="అన్నదానం కార్యక్రమంలో సాంబారు గిన్నెలో పడి మహిళ మృతి.. విజయవాడలో విషాదం" href="https://telugu.abplive.com/andhra-pradesh/vijayawada/woman-dies-after-accidentally-falling-into-hot-sambar-vessel-during-festival-event-in-vijayawada-259573" target="_self">అన్నదానం కార్యక్రమంలో సాంబారు గిన్నెలో పడి మహిళ మృతి.. విజయవాడలో విషాదం</a></p> <h3>చేతులెత్తేసిన అధికారులు</h3> <p>అప్పటి నుంచి ప్రతీ సంవత్సరం రూ. 1440 చొప్పున కుళాయి పన్ను విధిస్తున్నారు. కుళాయి లేకుండానే పన్ను వేయడంతో ఇంటి యజమాని దానిని చెల్లించలేదు. ఈ కారణంగా వడ్డీ, ఛార్జీలు వేసి రూ. 31 వేలు కట్టాలని తాజాగా డిమాండ్&zwnj; నోటీసులు ఇచ్చారు. కుళాయి లేకుండా పన్ను విధించారని, ఆ పన్ను రద్దుచేయాలని జీవీఎంసీ ఆఫీసులు, అధికారులు చుట్టూ తిరుగుతున్నారు యజమాని. రెండు సార్లు స్థానిక సచివాలయ సిబ్బంది ఇంటిని పరిశీలించి కుళాయి కనెక్షన్&zwnj; లేదని పై అధికారులకు తెలియజేశారు. విజయవాడ సీడీఎంఏ కార్యాలయానికి ఈ ఘటనపై సమాచారం ఇచ్చామని, తామ చేతిలో ఏం లేదని అధికారులు చెబుతున్నారు. సోమవారం ఈ సమస్యపై సన్యాసిరావు అగనంపూడి జోనల్&zwnj; ఆఫీసులో మరోసారి అధికారులకు తన సమస్యను చెప్పుకొని పరిష్కరించాలని వేడుకున్నారు.&nbsp;&nbsp;</p> <p>Also Read: <a title="విజయవాడలో శాప్ ఆఫీసు ఘటన.. వైసీపీ నేతలపై హత్యాయత్నం, ఎస్సీ ఎస్టీ అట్రాసిటీ కేసులు" href="https://telugu.abplive.com/andhra-pradesh/vijayawada/tension-in-vijayawada-cases-registered-against-ysrcp-leaders-and-rowdy-sheeters-over-attack-at-saap-office-259558" target="_self">విజయవాడలో శాప్ ఆఫీసు ఘటన.. వైసీపీ నేతలపై హత్యాయత్నం, ఎస్సీ ఎస్టీ అట్రాసిటీ కేసులు</a></p>