<p><strong>Vizag Investors Summit:</strong> ఆంధ్రప్రదేశ్ ప్రభుత్వం ఇండియా-యూరప్ బిజినెస్ & ఇన్వెస్ట్‌మెంట్ సమ్మిట్ సందర్భంగా భారీ పెట్టుబడులను ఆకర్షించింది. కాన్ఫెడరేషన్ ఆఫ్ ఇండియన్ ఇండస్ట్రీ సదస్సుకు ముందు రోజే 35 సంస్థలతో రాష్ట్ర ప్రభుత్వం ఎంఓయూలు చేసుకుంది. మొత్తం రూ.3.65 లక్షల కోట్ల విలువైన ఈ పెట్టుబడులు 1.26 లక్షల మందికి ఉద్యోగ అవకాశాలను కల్పిస్తాయని అధికారులు తెలిపారు.</p>
<p>విశాఖలోని నోవాటెల్ హోటల్‌లో జరిగిన సమ్మిట్‌లో ముఖ్యమంత్రి నారా చంద్రబాబు నాయుడు పాల్గొని పెట్టుబడిదారులకు హామీలు ఇచ్చారు. “45 రోజుల్లోనే అనుమతులు మంజూరు చేస్తాం, ఏపీలో పెట్టుబడులు పెట్టండి” అంటూ పిలుపునిచ్చారు. రెన్యూ పవర్ రూ.62 వేల కోట్లతో గ్రీన్ ఎనర్జీ ప్రాజెక్టులకు, eJoule రూ.19 వేల కోట్లతో రిన్యూవబుల్ ఎనర్జీ ఇన్‌ఫ్రాస్ట్రక్చర్‌కు, తైవాన్ ప్రైవేట్ ఇండస్ట్రీయల్ పార్క్ రూ.1,200 కోట్లతో ఇండస్ట్రియల్ పార్క్ అభివృద్ధికి, కోరమాండల్ రూ.2 వేల కోట్లతో ఫుడ్ ప్రాసెసింగ్ మరియు అగ్రి-బిజినెస్‌కు, హీరో ఫ్యూచర్ ఎనర్జీ రూ.15 వేల కోట్లతో సోలార్ మరియు విండ్ ఎనర్జీ ప్రాజెక్టులకు, JOOL రూ.1,500 కోట్లతో ఎనర్జీ స్టోరేజ్ మరియు టెక్ సొల్యూషన్స్‌కు ఒప్పందాలు చేసుకున్నారు. ఈ ఒప్పందాలు రాష్ట్ర ఆర్థిక వ్యవస్థకు మరో మైలురాయిగా మారనున్నాయి. </p>
<p>మొత్తం 35 ఎంఓయూలలో క్యాపిటల్ రీజన్ డెవలప్‌మెంట్ అథారిటీ 8 ఎంఓయూలు చేసుకుంటోంది, ఇవి అమరావతి, క్యాపిటల్ రీజన్ అభివృద్ధికి సంబంధించినవి. ఇంధన రంగంలో 5 ఎంఓయూలు రిఫైనరీలు, పైప్‌లైన్ ప్రాజెక్టులకు సంబంధించినవి. ఫుడ్ ప్రాసెసింగ్ రంగంలో 4 ఎంఓయూలు అగ్రి-ఎక్స్‌పోర్ట్ హబ్‌ల అభివృద్ధికి ఉపయోగపడతాయి. ఐ అండ్ ఐ (ఆర్టిఫిషియల్ ఇంటెలిజెన్స్ & ఇన్నోవేషన్) రంగంలో 3 ఎంఓయూలు డేటా సెంటర్లు, స్టార్టప్ ఎకోసిస్టమ్‌కు బలం చేకూరుస్తాయి. ఇతర ఇండస్ట్రీస్ రంగంలో 9 ఎంఓయూలు మాన్యుఫాక్చరింగ్, లాజిస్టిక్స్, టెక్స్‌టైల్స్ అభివృద్ధికి దోహదపడతాయి. </p>
<blockquote class="twitter-tweet">
<p dir="ltr" lang="te"><a href="https://twitter.com/hashtag/ChooseSpeedChooseAP?src=hash&ref_src=twsrc%5Etfw">#ChooseSpeedChooseAP</a> <a href="https://twitter.com/hashtag/CIIPartnershipSummit2025?src=hash&ref_src=twsrc%5Etfw">#CIIPartnershipSummit2025</a> <br />CII పార్టనర్ షిప్ సమ్మిట్ కంటే ముందుగానే భారీ ఎత్తున ఎంఓయూలు కుదుర్చుకుంది రాష్ట్ర ప్రభుత్వం. <br />రూ. 82 వేల కోట్లు పెట్టుబడులు పెట్టేందుకు సీఎం చంద్రబాబు, మంత్రి నారా లోకేష్ సమక్షంలో ఎంఓయూలు కుదుర్చుకున్న రెన్యూ పవర్ సంస్థ.<br />•… <a href="https://t.co/Nxxn0hF8A4">pic.twitter.com/Nxxn0hF8A4</a></p>
— Telugu Desam Party (@JaiTDP) <a href="https://twitter.com/JaiTDP/status/1988928618462937559?ref_src=twsrc%5Etfw">November 13, 2025</a></blockquote>
<p>సమ్మిట్‌లో పాల్గొన్న యూరప్ దేశాల ప్రతినిధులు, సీఐఐ అధికారులు ఈ ఒప్పందాలను స్వాగతించారు. “ఏపీ పాలసీలు, ఇన్‌ఫ్రా సౌకర్యాలు పెట్టుబడిదారులకు ఆకర్షణీయమైనవి. ఈ ఎంఓయూలు రాష్ట్రాన్ని గ్లోబల్ మ్యానుఫాక్చరింగ్ హబ్‌గా మారుస్తాయి” అని సీఐఐ అధ్యక్షుడు ప్రసంసించారు. ముఖ్యమంత్రి <a title="చంద్రబాబు" href="https://telugu.abplive.com/topic/Chandrababu" data-type="interlinkingkeywords">చంద్రబాబు</a> నాయుడు కూడా ఈ సందర్భంగా సంతోషం వ్యక్తం చేశారు. “ఈ పెట్టుబడులు రాష్ట్ర యువతకు ఉపాధి, పరిశ్రమల అభివృద్ధికి బలపడతాయి” అని అన్నారు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/today-dream-girl-for-netizens-is-girija-oak-226983" width="631" height="381" scrolling="no"></iframe></p>
3 weeks ago
2 
