<p><strong>Chiranjeevi Vishwambhara OTT Deal Locked : </strong>మెగాస్టార్ విశ్వంభర కోసం అటు ఫ్యాన్స్‌తో పాటు ఇటు ఇండస్ట్రీ వర్గాలు సైతం ఎంతో ఆసక్తిగా వెయిట్ చేస్తున్నాయి. షూటింగ్ ఎప్పుడో పూర్తైన గ్రాఫిక్స్, విజువల్స్ ఇలా వివిధ కారణాలతో రిలీజ్ వాయిదా పడింది. రోజుల కొద్దీ ఎలాంటి అప్డేట్ లేకపోవడంతో అసలు ఈ సినిమా ఉందనే మెగా ఫ్యాన్స్ మర్చిపోయారు. కొన్ని ఈవెంట్స్‌లో డైరెక్టర్ వశిష్ట మల్లిడి రిలీజ్ గురించి మాట్లాడినా క్లారిటీ ఇవ్వలేదు. తాజాగా, 'విశ్వంభర' గురించి లేటెస్ట్ బజ్ వినిపిస్తోంది.</p>
<p><strong>ఓటీటీ డీల్ ఫిక్స్</strong></p>
<p>'విశ్వంభర' ఓటీటీ డీల్ ఎట్టకేలకు ఫిక్స్ అయినట్లు టాక్ వినిపిస్తోంది. ప్రముఖ ఓటీటీ దిగ్గజం 'అమెజాన్ ప్రైమ్ వీడియో' (Amazon Prime Video) డిజిటల్ రైట్స్ దక్కించుకుందని సమాచారం. త్వరలోనే రిలీజ్ డేట్ కూడా అనౌన్స్ చేసేందుకు మేకర్స్ ప్లాన్ చేస్తున్నారట. లేటెస్ట్ అప్డేట్ ప్రకారం... సంక్రాంతికి మెగాస్టార్ సోషియో ఫాంటసీ మూవీని పాన్ ఇండియా స్థాయిలో విడుదల చేయాలని చూస్తున్నారట. త్వరలోనే దీనిపై అఫీషియల్ అనౌన్స్‌మెంట్ రావాల్సి ఉంది.</p>
<p>ఈ మూవీ నుంచి ఇప్పటికే రిలీజైన టీజర్, సాంగ్స్ భారీ హైప్ క్రియేట్ చేశాయి. అయితే, టీజర్‌లో విజువల్స్, గ్రాఫికల్ వర్క్స్‌పై సోషల్ మీడియాలో ట్రోలింగ్ సాగింది. సోషియో ఫాంటసీ డ్రామాగా తెరకెక్కుతోన్న విశ్వంభరలో రూ.75 కోట్లు కేవలం గ్రాఫిక్స్ కోసమే వెచ్చించినట్లు సమాచారం. ఈ క్రమంలో ఇంటర్నేషనల్ కంపెనీలకు గ్రాఫిక్ వర్క్స్ అప్పగించారు. దీంతో రిలీజ్ ఆలస్యం అవుతూ వచ్చింది.</p>
<p><iframe title="VISHWAMBHARA Official Teaser | Megastar Chiranjeevi | Trisha Krishnan | Vassishta | MM Keeravaani" src="https://www.youtube.com/embed/NCv-wz1nSnE" width="950" height="534" frameborder="0" allowfullscreen="allowfullscreen"></iframe></p>
<p><strong>Also Read : </strong><a title="Nayan Mahasakthi Teaser : అమ్మవారిగా నయనతార - ఈసారి ఉగ్రరూపమేనా?... ఇంట్రెస్టింగ్ అండ్ గ్రిప్పింగ్‌గా మహాశక్తి టీజర్" href="https://telugu.abplive.com/entertainment/cinema/maha-sakthi-teaser-telugu-review-starring-nayanthara-sundar-c-devotional-socio-fantacy-to-hit-theatres-on-6th-november-2026-258880" target="_self">Nayan Mahasakthi Teaser : అమ్మవారిగా నయనతార - ఈసారి ఉగ్రరూపమేనా?... ఇంట్రెస్టింగ్ అండ్ గ్రిప్పింగ్‌గా మహాశక్తి టీజర్</a></p>
<p>ఈ మూవీకి బింబిసార ఫేమ్ వశిష్ట మల్లిడి దర్శకత్వం వహిస్తుండగా... చిరు సరసన సౌత్ క్వీన్ త్రిష హీరోయిన్‌గా నటించారు. అలాగే, నా సామిరంగ ఫేమ్ ఆషికా రంగనాథ్ కీలకపాత్ర పోషించారు. కునాల్ కపూర్ విలన్ రోల్ చేస్తుండగా... ఇషా చావ్లా, సురభి, రమ్య పసుపులేటి కీలకపాత్రలు పోషించారు. యువీ క్రియేషన్స్ బ్యానర్‌పై రూ.400 కోట్ల భారీ బడ్జెట్‌తో విక్రమ్, వంశీ, ప్రమోద్ నిర్మిస్తున్నారు. ఆస్కార్ విన్నర్ కీరవాణి మ్యూజిక్ అందిస్తున్నారు.</p>
<p><strong>విశ్వంభర Vs కాకా?</strong></p>
<p>అటు, మెగాస్టార్ 158 మూవీ 'కాకా' కూడా సంక్రాంతికే రిలీజ్ కానుంది. ఈ మూవీకి బాబీ కొల్లి దర్శకత్వం వహించగా... గతంలో వీరిద్దరి కాంబోలో వచ్చిన వాల్తేరు వీరయ్య సంక్రాంతికే రిలీజై బాక్సాఫీస్ వద్ద సంచలన విజయం సాధించింది. రెండో మూవీ 'కాకా' కూడా జనవరి 13న పాన్ ఇండియా స్థాయిలో రిలీజ్ చేసేందుకు సన్నాహాలు చేస్తున్నారు. ఇప్పటికే రిలీజైన టైటిల్ గ్లింప్స్ భారీ హైప్ క్రియేట్ చేస్తుండగా.. షూటింగ్ శరవేగంగా సాగుతోంది. మరి విశ్వంభర సంక్రాంతికి రిలీజ్ చేస్తారా? లేదా ప్లాన్ మారుస్తారా? అనేది తెలియాల్సి ఉంది.</p>
<p>కాకాలో చిరు సరసన ప్రియమణి హీరోయిన్‌గా నటిస్తున్నారు. కన్నడ స్టార్ రచితా రామ్, నివేదా పేతురాజ్, చిరు మేనకోడలి పాత్రలో అనస్వర రాజన్ నటిస్తున్నారు. సునీల్, గెటప్ శ్రీను కీలకపాత్రలు పోషిస్తున్నారు. తమన్ మ్యూజిక్ అందిస్తుండగా... KVN ప్రొడక్షన్స్ బ్యానర్‌పై వెంకట్ కె నారాయణ, లోకేశ్ నిర్మిస్తున్నారు.</p>
<p><strong>Also Read : <a title="CM Vijay Ganesh Idols : సీఎం విజయ్ మోడల్ వినాయకుడు... ఇరుముడి గణేష్ - ఈ స్టార్ గణపయ్యలు వెరీ స్పెషల్" href="https://telugu.abplive.com/photo-gallery/entertainment/cinema-cm-vijay-model-ganesh-idols-in-chennai-rk-nagar-trending-irumudi-ganesh-watch-photos-258884" target="_self">CM Vijay Ganesh Idols : సీఎం విజయ్ మోడల్ వినాయకుడు... ఇరుముడి గణేష్ - ఈ స్టార్ గణపయ్యలు వెరీ స్పెషల్</a></strong></p>
<p><strong>NOTE :</strong> <a title="మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి." href="https://telugu.abplive.com/entertainment/cinema" target="_self">మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ లేటెస్ట్ ఎపిసోడ్స్ కోసం ఇక్కడ క్లిక్ చేయండి.</a></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/varanasi-behind-the-story-mahesh-babu-rajamouli-prithviraj-sukumaran-mythological-thriller-secrets-251582" width="631" height="381" scrolling="no"></iframe></p>
1 month ago
3 
