<p><strong>Virat Kohli and Rohit Sharma Equal MS Dhoni Record: </strong> క్రికెట్ ప్రపంచంలో రికార్డులకు కేరాఫ్ అడ్రస్ గా నిలిచే ముగ్గురు దిగ్గజాలు ఇప్పుడు ఒకే రికార్డు వద్ద నిలబడ్డారు. ఐపీఎల్ 2026 సీజన్ లో ఆదివారం జరిగిన ముంబై, బెంగళూరు మ్యాచ్ వీటికి వేదికైంది. ఈ మ్యాచ్ లో బరిలోకి దిగడం ద్వారా విరాట్ కోహ్లీ, రోహిత్ శర్మ తమ కెరీర్ లో 278వ ఐపీఎల్ మ్యాచ్ పూర్తి చేసుకున్నారు. గత సీజన్ వరకు చెన్నై సూపర్ కింగ్స్ మాజీ కెప్టెన్ ఎంఎస్ ధోనీ 278 మ్యాచ్ లతో టాప్ లో ఉండగా, ఇప్పుడు విరాట్, రోహిత్ ఆయన స‌ర‌స‌న చేరారు. ఈ సీజన్ లో ధోనీ ఇంకా మైదానంలోకి దిగకపోవడం వల్లే ఈ ఇద్దరు స్టార్ ప్లేయర్లు ఈ రికార్డును బ్రేక్ చేసే దిశగా సాగుతున్నారు. ఒకవేళ ధోనీ ఈ సీజన్ లో మిగిలిన మ్యాచ్ లకు కూడా దూరంగా ఉంటే, కోహ్లీ, రోహిత్ ఐపీఎల్ లో అత్యధిక మ్యాచ్ లు ఆడిన ప్లేయర్లుగా సరికొత్త చరిత్ర సృష్టిస్తారు.</p>
<blockquote class="twitter-tweet">
<p dir="ltr" lang="en">What a coincidence! 🤯💛💙❤️<br /><br />Today, RO-KO — Rohit Sharma and Virat Kohli — both mark their 278th IPL appearance, equalling MS Dhoni’s tally! 👑👕<a href="https://twitter.com/hashtag/IPL2026?src=hash&ref_src=twsrc%5Etfw">#IPL2026</a> <a href="https://twitter.com/hashtag/RCBvMI?src=hash&ref_src=twsrc%5Etfw">#RCBvMI</a> <a href="https://twitter.com/hashtag/Sportskeeda?src=hash&ref_src=twsrc%5Etfw">#Sportskeeda</a> <a href="https://t.co/QZt0xfzjTa">pic.twitter.com/QZt0xfzjTa</a></p>
— Sportskeeda (@Sportskeeda) <a href="https://twitter.com/Sportskeeda/status/2053493826480935344?ref_src=twsrc%5Etfw">May 10, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p><strong>గాయం వల్ల తగ్గిన గ్యాప్..</strong><br />నిజానికి ఈ రికార్డు విషయంలో కోహ్లీ కంటే రోహిత్ కొంచెం ముందుండేవాడు. కానీ ఈ సీజన్ మధ్యలో రోహిత్ కు హ్యామ్‌స్ట్రింగ్ గాయం కావడంతో అతను ఐదు మ్యాచ్ లకు దూరం కావాల్సి వచ్చింది. మరోవైపు విరాట్ కోహ్లీ ఆర్సీబీ ఆడిన మొత్తం 11 మ్యాచ్ ల్లోనూ అందుబాటులో ఉన్నాడు. దీనివల్ల రోహిత్, కోహ్లీ ఇద్దరూ సరిగ్గా ఒకే రోజున ధోనీ రికార్డును సమం చేయడం విశేషం. విరాట్ తన ఐపీఎల్ ప్రయాణం మొదలైనప్పటి నుంచి ఇప్పటివరకు కేవలం రాయల్ ఛాలెంజర్స్ బెంగళూరు త‌ర‌పునే ఆడుతుండటం ఒక గొప్ప రికార్డు. రోహిత్ తన మొదటి మూడు ఏళ్లు డెక్కన్ చార్జర్స్ టీమ్ కు ఆడి, ఆ తర్వాత ముంబై ఇండియన్స్ కు షిఫ్ట్ అయ్యాడు. ఇక ధోనీ విషయానికి వస్తే, చెన్నై టీమ్ పై నిషేధం ఉన్న రెండేళ్ల కాలంలో రైజింగ్ పూణే సూపర్‌జెయింట్ తరపున ఆడాడు.</p>
<p><strong>పరుగుల వేటలోనూ దిగ్గజాలే..</strong><br />ఈ ముగ్గురు ప్లేయర్లు కేవలం మ్యాచ్ ల సంఖ్యలోనే కాదు, పరుగుల విషయంలోనూ టాప్ లో ఉన్నారు. విరాట్ కోహ్లీ ఐపీఎల్ చరిత్రలోనే అత్యధిక పరుగులు చేసిన బ్యాటర్ గా అగ్రస్థానంలో కొనసాగుతున్నాడు. రోహిత్ శర్మ ఈ జాబితాలో రెండో స్థానంలో ఉన్నాడు. ఇక ఫినిషర్ గా పేరుగాంచిన ధోనీ మిడిల్ ఆర్డర్ లో బ్యాటింగ్ కు వస్తూ ఏడో స్థానంలో నిలిచాడు. లీగ్ లో ఎన్నో మైలురాళ్లను అందుకున్న ఈ ముగ్గురు క్రికెటర్లు ఐపీఎల్ బ్రాండ్ వాల్యూను పెంచడంలో కీలక పాత్ర పోషించారు.</p>
<p><strong>ట్రోఫీలతో సత్తా చాటిన రోహిత్, ధోనీ..</strong><br />ఐపీఎల్ టైటిల్స్ విషయానికి వస్తే రోహిత్ శర్మ అందరికంటే ముందున్నాడు. అతను ఒకసారి డెక్కన్ చార్జర్స్ ప్లేయర్ గా, ఐదుసార్లు ముంబై ఇండియన్స్ కెప్టెన్ గా మొత్తం ఆరు ట్రోఫీలు గెలుచుకున్నాడు. ధోనీ తన కెప్టెన్సీలో చెన్నైకి ఐదు ట్రోఫీలు అందించాడు. ఇక విరాట్ కోహ్లీ తన 18 ఏళ్ల ట్రోఫీ నిరీక్షణను 2025 సీజన్ లో ఆర్సీబీని విజేతగా నిలబెట్టి పూర్తి చేసుకున్నాడు. ఇలా ప్రతి విషయంలోనూ పోటీ పడే ఈ ముగ్గురు ప్లేయర్లు ఇప్పుడు అత్యధిక మ్యాచ్ ల రికార్డు వద్ద కలవడం ఫ్యాన్స్ కు పండగలా మారింది. ఈ సీజన్ ముగిసే లోపు ఎవరు ఈ జాబితాలో నంబర్ వన్ గా నిలుస్తారో చూడాలి.</p>
<p><strong>ముంబై డీసెంట్ స్కోరు..</strong><br />ఇక ఆదివారం ఆర్సీబీతో జ‌రిగిన మ్యాచ్ లో ముంబై ఇండియ‌న్స్ డీసెంట్ స్కోరు సాధించింది. టాస్ ఓడి ఫ‌స్ట్ బ్యాటింగ్ చేసిన ముంబై నిర్ణీత 20 ఓవ‌ర్ల‌లో 7 వికెట్ల‌కు 166 ప‌రుగులు చేసింది. తెలుగు స్టార్ తిల‌క్ వ‌ర్మ స్టన్నింగ్ ఫిఫ్టీ (42 బంతుల్లో 57, 3 ఫోర్లు, 2 సిక్స‌ర్లు)తో టాప్ స్కోర‌ర‌ర్ గా నిలిచాడు. బౌల‌ర్ల‌లో భువ‌నేశ్వ‌ర్ కుమార్ నాలుగు వికెట్లు తీసి, ప‌ర్పుల్ క్యాప్ ను సొంతం చేసుకున్నాడు. <a title="ఇక ఈ మ్యాచ్ లో గెలిస్తే, ఆర్సీబీ టాప్ ప్లేస్ కు చేరుతుంది. ఇక ఈ మ్యాచ్ లో ముంబై ఓడిపోతే, టోర్నీ నుంచి నిష్క్ర‌మిస్తుంది." href="https://telugu.abplive.com/sports/ipl/rohit-sharma-set-for-television-debut-with-high-impact-teaser-246769" target="_self">ఇక ఈ మ్యాచ్ లో గెలిస్తే, ఆర్సీబీ టాప్ ప్లేస్ కు చేరుతుంది. ఇక ఈ మ్యాచ్ లో ముంబై ఓడిపోతే, టోర్నీ నుంచి నిష్క్ర‌మిస్తుంది.</a></p>
3 weeks ago
4 
