<p><strong>Tamilnadu cm vijay appoints astrologer as osd political:</strong> తమిళనాడు సీఎం జోసెఫ్ విజయ్ ఇప్పుడు ముఖ్యమంత్రి పీఠాన్ని అధిష్టించి పరిపాలనలో తనదైన ముద్ర వేసేందుకు సిద్ధమవుతున్నారు. ఈ క్రమంలో ఆయన తీసుకుంటున్న నిర్ణయాలు, ముఖ్యంగా తన టీమ్ ఎంపిక ఇప్పుడు దేశవ్యాప్తంగా చర్చనీయాంశంగా మారింది. <a title="ముఖ్యమంత్రిగా బాధ్యతలు చేపట్టిన రెండు రోజులకే విజయ్ తన పరిపాలనా యంత్రాంగంలో కీలక నియామకాలు చేపట్టారు. " href="https://telugu.abplive.com/news/tamil-nadu-cm-vijay-meets-former-cm-mk-stalin-day-after-oath-taking-246967" target="_self">ముఖ్యమంత్రిగా బాధ్యతలు చేపట్టిన రెండు రోజులకే విజయ్ తన పరిపాలనా యంత్రాంగంలో కీలక నియామకాలు చేపట్టారు. </a>ఇందులో అత్యంత ఆసక్తికరమైన అంశం ఏమిటంటే.. విజయ్ వ్యక్తిగత జ్యోతిష్యుడు, ఆధ్యాత్మిక సలహాదారు అయిన రికీ రాధన్ పండిట్ వెట్రివేల్‌ను ముఖ్యమంత్రి ప్రత్యేక అధికారిగా ( నియమించారు. దీనికి సంబంధించిన అధికారిక ఉత్తర్వులను ప్రభుత్వ ప్రధాన కార్యదర్శి రీటా హరీష్ థక్కర్ జారీ చేశారు.</p>
<p><strong> ఎవరీ రాధన్ పండిట్? విజయ్‌తో అనుబంధం ఏమిటి? </strong></p>
<p>రాధన్ పండిట్ గత నాలుగు దశాబ్దాలుగా వేద జ్యోతిష్యం, సంఖ్యాశాస్త్రంలో నిష్ణాతుడిగా పేరుగాంచారు. విజయ్ రాజకీయాల్లోకి రాకముందు నుండే ఆయనకు అత్యంత సన్నిహితుడిగా ఉన్నారు. 2026 ఎన్నికల్లో విజయ్ నేతృత్వంలోని తమిళగ వెట్రి కళగం సునామీ తరహా విజయాన్ని అందుకుంటుందని,<a title=" విజయ్ ఖచ్చితంగా ముఖ్యమంత్రి అవుతారని పండిట్ ఏడాది క్రితమే జోస్యం " href="https://telugu.abplive.com/news/india/vijay-s-wife-children-absence-at-swearing-in-ceremony-sparks-amid-roumours-of-an-affair-with-trisha-krishnan-246968" target="_self"> విజయ్ ఖచ్చితంగా ముఖ్యమంత్రి అవుతారని పండిట్ ఏడాది క్రితమే జోస్యం </a>చెప్పారు. తమిళగ వెట్రి కళగం అనే పార్టీ పేరును విజయ్ పుట్టిన తేదీ, నక్షత్రం , సంఖ్యాశాస్త్రం ప్రకారం ఆయనే సూచించారని సమాచారం. ఈ పేరు విజయ్ జాతకానికి వంద శాతం సరిపోతుందని ఆయన అప్పట్లోనే వివరించారు.</p>
<p><strong> రాజకీయ వ్యూహాల్లో జ్యోతిష్యం? </strong></p>
<p> విజయ్ తన రాజకీయ జీవితంలోని ప్రతి కీలక నిర్ణయాన్ని పండిట్ సూచించిన శుభ ముహూర్తాల్లోనే తీసుకుంటున్నారు. పార్టీ ప్రకటన నుండి, నామినేషన్ దాఖలు వరకు అన్నీ గ్రహాల స్థితిగతులను బట్టే జరిగాయి. విజయ్ జాతకంలో నాయకత్వ లక్షణాలు , అఖండ రాజకీయ విజయం పొందే బలమైన గ్రహ బలాలు ఉన్నాయని పండిట్ పదేపదే చెబుతుంటారు. ఇప్పుడు ఆయనను నేరుగా ముఖ్యమంత్రి కార్యాలయంలోనే నియమించడం ద్వారా, భవిష్యత్తులో ప్రభుత్వ నిర్ణయాల్లో కూడా ఈ ఆధ్యాత్మిక నిఘా ఉండబోతోందని స్పష్టమవుతోంది.</p>
<p><strong> గతంలోనూ ఇదే సంప్రదాయం! </strong></p>
<p>తమిళనాడు రాజకీయాల్లో జ్యోతిష్యులకు ప్రాధాన్యత ఇవ్వడం ఇదేం మొదటిసారి కాదు. గతంలో మాజీ ముఖ్యమంత్రి జయలలిత కూడా కీలక నిర్ణయాల కోసం తన వ్యక్తిగత జ్యోతిష్యుల సలహాలు తీసుకునేవారు. స్టాలిన్ జాతకం గురించి కూడా గతంలో పండిట్ చెప్పిన అంచనాలు నిజమయ్యాయి. అయితే, ఒక జ్యోతిష్యుడిని అధికారికంగా ఓఎస్డీ పొలిటికల్ హోదాలో నియమించడం మాత్రం ఇప్పుడు చర్చకు దారితీస్తోంది. </p>
<blockquote class="twitter-tweet">
<p dir="ltr" lang="en">TN govt has appointed Rickey Radhan Pandit Vettrivel as OSD (Political) to CM <a href="https://twitter.com/hashtag/CJosephVijay?src=hash&ref_src=twsrc%5Etfw">#CJosephVijay</a>. Known as Vijay’s astrologer and spiritual advisor, Radhan Pandit was one of the visible faces supporting <a href="https://twitter.com/hashtag/TVK?src=hash&ref_src=twsrc%5Etfw">#TVK</a> during the elections. He grabbed attention after predicting a “tsunami… <a href="https://t.co/MiS2270TZu">pic.twitter.com/MiS2270TZu</a></p>
— Ashish (@KP_Aashish) <a href="https://twitter.com/KP_Aashish/status/2054116749923197331?ref_src=twsrc%5Etfw">May 12, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
<br />విజయ్ విజయం వెనుక ఉన్న శక్తి గా భావిస్తున్న రాధన్ పండిట్.. ఇప్పుడు నేరుగా అధికార యంత్రాంగంలో భాగం కావడంతో, సీఎం విజయ్ పరిపాలన ఏ దిశగా సాగుతుందోనని రాజకీయ విశ్లేషకులు ఆసక్తిగా గమనిస్తున్నారు. ఆయన రాజ్యాంగేతర శక్తిగా మారవచ్చన్న అనుమానాలు కూడా ప్రారంభమయ్యాయి. </p>
<p><iframe class="vidfyVideo" style="border: 0px;" src="https://telugu.abplive.com/web-stories/health/these-are-the-mistakes-you-should-not-make-when-trying-to-lose-weight-246955" width="631" height="381" scrolling="no"></iframe><br /> </p>
3 weeks ago
5 
