<p><strong>Anil Ravipudi's Venkatesh Kalyan Ram Multistarrer Heroines Fixed : </strong>ప్రతీ సంక్రాంతికి క్రేజీ కాంబో... ఫ్యామిలీ ఎంటర్టైనర్స్ తీస్తూ బ్లాక్ బస్టర్ హిట్ కొట్టడం స్టార్ డైరెక్టర్ అనిల్ రావిపూడి స్పెషల్. గతేడాది సంక్రాంతికి వస్తున్నాం, ఈ ఏడాది మెగాస్టార్ 'మన శంకర వరప్రసాద్ గారు'తో బిగ్ సక్సెస్ అందుకున్నారు. అదే జోష్‌లో వచ్చే ఏడాది సంక్రాంతికి కూడా మల్టీ స్టారర్ ఇప్పటికే అనౌన్స్ చేశారు.</p>
<p><strong>వెంకటేశ్, కల్యాణ్ రామ్‌తో మూవీ</strong></p>
<p>తనకు ఫస్ట్ డైరెక్షన్ ఛాన్స్ ఇచ్చిన హీరో కల్యాణ్ రామ్, హిట్ కాంబోగా పేరొందిన విక్టరీ వెంకటేశ్‌తో కలిసి మల్టీ స్టారర్ తీయబోతున్నారు అనిల్ రావిపూడి. రీసెంట్‌గా ఈ ప్రాజెక్ట్ అనౌన్స్ చేసినప్పటి నుంచే బిగ్ హైప్ క్రియేట్ అవుతోంది. ఫస్ట్ మూవీ పటాస్‌తోనే బాక్సాఫీస్ వద్ద సంచలన విజయం అందుకున్నారు అనిల్. అలాగే, వెంకీతో ఎఫ్ 2, ఎఫ్ 3, సంక్రాంతికి వస్తున్నాం మూవీస్‌తో రికార్డు కలెక్షన్స్ సాధించారు.</p>
<p>ఇప్పుడు లేటెస్ట్‌గా తీయబోయే మూవీలో ఇద్దరు స్టార్ల కోసం స్టార్ హీరోయిన్స్ కోసం చూస్తున్నట్లు తెలుస్తోంది. ప్రస్తుతం ప్రీ ప్రొడక్షన్ పనులు జరుగుతుండగా... ఇద్దరు హీరోయిన్లను ఎంపిక చేసినట్లు ఫిలింనగర్ వర్గాల టాక్.</p>
<p><strong>Also Read : <a title="మెచ్యూర్ కానీ అమ్మాయిల కిడ్నాప్ మిస్టరీ - ఓటీటీలోకి రాణి ముఖర్జీ క్రైమ్ థ్రిల్లర్ మర్దానీ 3" href="https://telugu.abplive.com/entertainment/ott-webseries/mardaani-3-ott-streaming-rani-mukherjee-crime-action-thriller-available-to-watch-on-netflix-242198" target="_self">మెచ్యూర్ కానీ అమ్మాయిల కిడ్నాప్ మిస్టరీ - ఓటీటీలోకి రాణి ముఖర్జీ క్రైమ్ థ్రిల్లర్ మర్దానీ 3</a></strong></p>
<p><strong>ఆ హీరోయిన్లు ఎవరంటే?</strong></p>
<p>వెంకీ సరసన మహానటి కీర్తి సురేష్‌ను సెలక్ట్ చేసినట్లు టాక్ వినిపిస్తోంది. ఇప్పటివరకూ వీరిద్దరూ కలిసి నటించలేదు. ఈ క్రమంలో కీర్తి సురేశ్ అయితే కొత్తగా ఉంటుందని అనిల్ ఆలోచన చేస్తున్నారట. మరి దీనిపై అధికారిక ప్రకటన రావాల్సి ఉంది. ఇక, కల్యాణ్ రామ్ సరసన కృతి శెట్టి కానీ కయాదు లోహర్‌ను కానీ తీసుకునే ఛాన్స్ ఉందని తెలుస్తోంది. ఉప్పెన, శ్యామ్ సింగరాయ్, బంగార్రాజు వంటి మూవీస్‌తో ఫుల్ క్రేజ్ సంపాదించుకున్న బేబమ్మ పేరు బలంగా వినిపిస్తోంది.</p>
<p>ఆమె అయితే కల్యాణ్ రామ్‌కు పర్ఫెక్ట్ జోడీ అంటూ అటు సోషల్ మీడియాలోనూ కామెంట్స్ వస్తున్నాయి. కయాదు లోహర్ పేరు కూడా వినిపిస్తోంది. డ్రాగన్, అల్లూరి, ఫంకీ చిత్రాల్లో ఆమె నటించారు. మరి ఇద్దరిలో ఎవరిని ఫైనల్ చేస్తారో తెలియాల్సి ఉంది. వెంకీతో అనిల్‌కు ఇది ఐదో మూవీ. మరి ఈసారి కల్యాణ్ రామ్ కూడా జోడీ కావడంతో మరింత ఫన్, ఎంటర్టైన్మెంట్ అందించనున్నారు. వచ్చే సంక్రాంతికి సూపర్బ్ ఎంటర్టైనర్‌ను ప్రేక్షకుల ముందుకు తీసుకురానున్నట్లు అర్థమవుతోంది. త్వరలోనే షూటింగ్ ప్రారంభం కానుంది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/anil-ravipudi-as-writer-he-penned-dialogues-screenplay-for-9-films-before-stepping-into-direction-197460" width="631" height="381" scrolling="no"></iframe></p>
2 weeks ago
3 
