<p><strong>Vaibhav Sooryavanshi Records Highest Strike Rate and Most Sixes:</strong> ఇండియన్ ప్రీమియర్ లీగ్ (IPL) 2026 సీజన్ లో రాజస్థాన్ రాయల్స్ (RR) టీనేజ్ సెన్సేషన్ వైభవ్ సూర్యవంశీ తన రికార్డుల పరంపరను కొనసాగిస్తున్నాడు. మంగళవారం రాత్రి జైపూర్‌లో లక్నో సూపర్ జెయింట్స్ (LSG) విధించిన 221 పరుగుల భారీ టార్గెట్‌ను ఛేదించే క్రమంలో సూర్యవంశీ కేవలం 38 బంతుల్లోనే 93 పరుగులతో విరుచుకుపడ్డాడు. ఈ క్రమంలోనే ఒక ఐపీఎల్ సీజన్ లో 500 పరుగుల మార్కును అందుకున్న అత్యంత పిన్న వయస్కుడిగా రికార్డు సృష్టించాడు. ఇంతకుముందు 2018 లో ఢిల్లీ డెర్‌డెవిల్స్ తరపున 20 ఏళ్ల వయసులో ఈ ఘనత సాధించిన రిషభ్ పంత్ రికార్డును ఈ యువ ఆటగాడు అధిగమించాడు. ప్రస్తుత ఎడిషన్‌లో కనీసం 500 కంటే ఎక్కువ పరుగులు చేసిన బ్యాటర్లలో 236.3 అత్యధిక స్ట్రైక్ రేట్‌తో సూర్యవంశీ మొదటి స్థానంలో నిలిచాడు.</p>
<p>Read Also: <strong><a title="IPL 2026 RR VS LSG Result Update: వైభ‌వ్ సిక్స‌ర్ల సునామీ.. రాజ‌స్థాన్ ఈజీ విక్ట‌రీ.. ప్లే ఆఫ్స్ ఆశ‌లు స‌జీవం.. రాణించిన జురేల్, జైస్వాల్" href="https://telugu.abplive.com/sports/ipl/ipl-2026-rr-vs-lsg-rajasthan-royals-beats-lucknow-super-giants-vaibhav-sooryavanshi-dhruv-jurel-247799" target="_self">IPL 2026 RR VS LSG Result Update: వైభ‌వ్ సిక్స‌ర్ల సునామీ.. రాజ‌స్థాన్ ఈజీ విక్ట‌రీ.. ప్లే ఆఫ్స్ ఆశ‌లు స‌జీవం.. రాణించిన జురేల్, జైస్వాల్</a> </strong></p>
<p><strong>ఒకే సీజన్ లో 50 సిక్సర్లు కొట్టిన తొలి భారతీయ బ్యాటర్..</strong></p>
<p>ఈ ఇన్నింగ్స్ ద్వారా ఒకే ఐపీఎల్ సీజన్ లో 50 సిక్సర్లు బాదిన మొట్టమొదటి భారతీయ బ్యాటర్‌గా వైభవ్ సూర్యవంశీ సరికొత్త చరిత్ర సృష్టించాడు. ప్రస్తుతం ఈ 2026 సీజన్ లో ఆయన ఖాతాలో మొత్తం 53 సిక్సర్లు ఉన్నాయి. ఒకే ఇన్నింగ్స్‌లో 10 లేదా అంతకంటే ఎక్కువ సిక్సర్లు రెండుసార్లు కొట్టిన రేర్ రికార్డును కూడా ఆయన దక్కించుకున్నాడు. తాజా డేటా ప్రకారం, పవర్‌ప్లేలో అత్యధిక సిక్సర్లు (60 సిక్సర్లు) కొట్టిన జట్టుగా రాజస్థాన్ రాయల్స్ సరికొత్త ఐపీఎల్ రికార్డు నెలకొల్పింది. ఇందులో సూర్యవంశీ ఒక్కడే 37 సిక్సర్లు బాదగా, యశస్వి జైస్వాల్ 12, మిగిలిన టీమ్ సభ్యులు 11 సిక్సర్లు కాంట్రిబ్యూట్ చేశారు.</p>
<p>Read Also: <strong><a title="MS Dhoni IPL Future: ధోని ఐపీఎల్ భవిష్యత్తుపై వీడని సస్పెన్స్: వచ్చే సీజన్ లో ఆడ‌టంపై కోచ్ ఫ్లెమింగ్ కీలక వ్యాఖ్యలు" href="https://telugu.abplive.com/sports/ipl/ms-dhoni-ipl-future-remains-uncertain-as-coach-stephen-fleming-clarifies-management-role-247795" target="_self">MS Dhoni IPL Future: ధోని ఐపీఎల్ భవిష్యత్తుపై వీడని సస్పెన్స్: వచ్చే సీజన్ లో ఆడ‌టంపై కోచ్ ఫ్లెమింగ్ కీలక వ్యాఖ్యలు</a></strong></p>
<p><strong>లక్నో భారీ స్కోరు కొట్టినా..</strong></p>
<p>అంతకుముందు టాస్ ఓడి మొదట బ్యాటింగ్ చేసిన లక్నో సూపర్ జెయింట్స్ జట్టు నిర్ణీత ఓవర్లలో 220/5 పరుగుల భారీ స్కోరు చేసింది. ఓపెనర్లు జోష్ ఇంగ్లిస్, మిచెల్ మార్ష్ మొదటి వికెట్‌కు 109 పరుగుల భాగస్వామ్యాన్ని నెలకొల్పారు. ఇంగ్లిస్ 30 బంతుల్లో 60 పరుగులు చేయగా, మిచెల్ మార్ష్ మరింత అగ్రెసివ్‌గా ఆడుతూ 57 బంతుల్లో 96 పరుగులు సాధించాడు. ఆఖరి ఓవర్లలో కెప్టెన్ రిషభ్ పంత్ వేగంగా ఆడటంతో లక్నో స్కోరు 200 దాటింది. రాజస్థాన్ బౌలర్లలో యశ్ రాజ్ పుంజా రెండు వికెట్లు పడగొట్టాడు.</p>
<p><strong>పాయింట్ల పట్టికలో ఎగ‌బాకిన రాయ‌ల్స్..</strong></p>
<p>భారీ లక్ష్యంతో బరిలోకి దిగిన రాజస్థాన్ రాయల్స్ జట్టుకు వైభవ్ సూర్యవంశీ (93 పరుగులు, 10 సిక్సర్లు, 7 ఫోర్లు) బ్లిస్టరింగ్ స్టార్ట్ ఇచ్చాడు. <a title="ఆయనతో పాటు ధ్రువ్ జురెల్ కూడా 38 బంతుల్లో 53 పరుగులతో రాణించడంతో రాయల్స్ జట్టు కేవలం 3 వికెట్లు కోల్పోయి సులువుగా విజయాన్ని అందుకుంది. ఈ అద్భుత విజయంతో రాజస్థాన్ రాయల్స్ టీమ్ 14 పాయింట్లతో ఐపీఎల్ పాయింట్ల పట్టికలో నాలుగో స్థానానికి దూసుకెళ్లింది." href="https://telugu.abplive.com/sports/ipl/vaibhav-sooryavanshi-breaks-abhishek-sharma-record-for-most-sixes-in-an-ipl-season-247609" target="_self">ఆయనతో పాటు ధ్రువ్ జురెల్ కూడా 38 బంతుల్లో 53 పరుగులతో రాణించడంతో రాయల్స్ జట్టు కేవలం 3 వికెట్లు కోల్పోయి సులువుగా విజయాన్ని అందుకుంది. ఈ అద్భుత విజయంతో రాజస్థాన్ రాయల్స్ టీమ్ 14 పాయింట్లతో ఐపీఎల్ పాయింట్ల పట్టికలో నాలుగో స్థానానికి దూసుకెళ్లింది.</a></p>
2 weeks ago
3 
