<p><strong>Harish Shankar About Pawan Kalyan Ustaad Bhagat Singh :</strong> <a title="పవన్ కల్యాణ్" href="https://telugu.abplive.com/topic/Pawan-Kalyan" data-type="interlinkingkeywords">పవన్ కల్యాణ్</a> 'ఉస్తాద్ భగత్ సింగ్' రీమేక్ కాదని క్లారిటీ ఇచ్చారు డైరెక్టర్ హరీష్ శంకర్. ఈ నెల 26న మూవీ ప్రేక్షకుల ముందుకు రానుండగా... టైటిల్ ఛేంజ్, స్టోరీ బ్యాక్ డ్రాప్, సాంగ్స్‌పై ఇంట్రెస్టింగ్ విషయాలు షేర్ చేసుకున్నారు.</p>
<p><strong>టైటిల్ ముందే లీక్</strong></p>
<p>'భవదీయుడు భగత్ సింగ్' అనే టైటిల్ తాము అనౌన్స్ చేయక ముందే లీక్ అయ్యిందని చెప్పారు హరీష్ శంకర్. 'నేను పవన్‌కు బిగ్ ఫ్యాన్ అని అందరికీ తెలిసిందే. గబ్బర్ సింగ్‌లో ఆయనది ఫుల్ మాస్ రోల్. దాదాపు 80 శాతం పోలీస్ యూనిఫాంలోనే ఉంటారు. ఫస్ట్ డిఫరెంట్‌గా కాలేజీ బ్యాక్ డ్రాప్ స్టోరీ అనుకున్నాం. 'భవదీయుడు భగత్ సింగ్' టైటిల్ పవన్‌కు చాలా నచ్చింది. భవదీయుడు అంటే ఏంటి? అంటూ చాలా మంది సోషల్ మీడియాలో అడిగారు.</p>
<p>టైటిలే అర్థం కాకుంటే ఎలా? అనే ఆలోచన వచ్చింది. దీంతో పాటే మా కాంబో అంటేనే ఫుల్ మాస్ అంశాలు ఎక్స్ పెక్ట్ చేస్తారు. దీనికి కాలేజీ స్టోరీ సెట్ కాలేదు. యూనివర్స్ ట్రెండ్ అనుగుణంగా 'గబ్బర్ సింగ్' ఆలోచన నుంచే పవర్ ఫుల్ పోలీస్ అధికారి రోల్‌తో స్టోరీ రూపొందించాంం. అలా టైటిల్ ఉస్తాద్ భగత్ సింగ్‌గా మారింది. మూవీ స్టార్టింగ్‌లోనే ఈ టైటిల్ ఎందుకు పెట్టామో అందరికీ అర్థమవుతుంది.' అంటూ చెప్పారు.</p>
<p><strong>రీమేక్ రూమర్స్... క్లారిటీ</strong></p>
<p>తనకు ఏదైనా మూవీ నచ్చితే అది రీమేక్ చేయాల్సి వస్తే ముందే చెబుతానని చెప్పారు హరీష్ శంకర్. 'గబ్బర్ సింగ్ రీమేక్ కాబట్టి... టైటిల్ కార్డులో మాటలు, మార్పులు, దర్శకత్వం అని పెట్టాను. ఓ రీమేక్ మూవీకి మార్పులు అంటూ పెట్టడం ఇదే ఫస్ట్ టైం. ఉస్తాద్ భగత్ సింగ్ రీమేక్ కాదు.' అని చెప్పారు.</p>
<p><strong>Also Read : <a title="విరోష్ కపుల్ గొప్ప మనసు - విద్యార్థులకు విజయ్ దేవరకొండ స్కాలర్షిప్స్" href="https://telugu.abplive.com/telangana/karimnagar/vijay-deverakonda-rashmika-mandanna-couple-announces-scholarships-to-school-children-in-his-own-mandal-239769" target="_self">విరోష్ కపుల్ గొప్ప మనసు - విద్యార్థులకు విజయ్ దేవరకొండ స్కాలర్షిప్స్</a></strong></p>
<p><strong>మొత్తం 4 పాటలు</strong></p>
<p>ఈ సినిమాలో మొత్తం 4 పాటలుంటాయని త్వరలోనే మరో సాంగ్ రిలీజ్ చేస్తామని చెప్పారు హరీష్ శంకర్. 'మూవీలో పవన్ డ్యాన్స్ మూమెంట్స్ ఫ్యాన్స్‌కు గుర్తుండిపోతాయి. దేఖ్ లేంగే సాలా సాంగ్‌లో చూలే ఉంటారు. ఆ పాటకు పవన్ 350 మందితో కలిసి డ్యాన్స్ చేశారు. ఓ మూమెంట్ దగ్గర సెట్‌లో క్లాప్స్, విజిల్స్‌తో మార్మోగిపోయింది. నేను మాత్రం దగ్గరికి వెళ్లి వన్ మోర్ సార్ అన్నా. 'ఇంత మందికి నచ్చింది కదా. వన్ మోర్ ఎందుకు అన్నారు?'.</p>
<p>మీరు డ్యాన్స్ వేస్తున్నప్పుడు జుట్టు ఎగరాలి. అలా జరగలేదు అన్నా. 'డ్యాన్స్ కావాలి... జుట్టు ఎగరాలి... మామూలు డిమాండ్స్ కావు.' అంటూనే మళ్లీ ఆ మూమెంట్ చేశారు. దటీజ్ పవర్ స్టార్.' అంటూ ప్రశంసించారు.</p>
<p><strong>నో పొలిటికల్ డైలాగ్స్</strong></p>
<p>మూవీలో పాలిటిక్స్ గురించి ఎక్కడా ప్రస్తావించలేదని చెప్పారు హరీష్ శంకర్. 'గాజు గ్లాస్ డైలాగ్ కూడా వ్యక్తిగతంగా రాసిందే తప్ప పాలిటిక్స్‌తో సంబంధం లేదు.' అని పేర్కొన్నారు.</p>
<p>ఇప్పటికే ఈ మూవీ నుంచి రిలీజ్ అయిన రెండు పాటలు ట్రెండ్ అవుతున్నాయి. పవన్ సరసన రాశీ ఖన్నా, శ్రీలీల హీరోయిన్లుగా నటిస్తున్నారు. అలాగే, తమిళ సీనియర్ హీరో పార్తీబన్ విలన్ రోల్ చేస్తున్నారు. మైత్రీ మూవీ మేకర్స్ బ్యానర్‌పై నవీన్ యెర్నేని, వై రవిశంకర్ నిర్మిస్తున్నారు.</p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/know-ajay-devgn-education-qualification-238620" width="631" height="381" scrolling="no"></iframe></p>
1 month ago
5 
