<p><strong>UK Education Expenses Explained :</strong> విదేశాలలో చదువుకోవాలని డ్రీమ్ చాలామందికి ఉంటుంది. అలా వెళ్లాలనుకునే విద్యార్థులకు యూకే ఒక ప్రధాన ఎంపిక. కానీ ఇక్కడ చదువుకోవడానికి ఫిక్స్ అయ్యే ముందు.. అక్కడ మీ చదువుకోసం అయ్యే మొత్తం <a href="https://telugu.abplive.com/lifestyle/shrekking-trend-explained-why-gen-z-is-choosing-love-over-looks-246229" target="_blank" rel="noopener">ఖర్చు</a> గురించి తెలుసుకోవడం చాలా ముఖ్యం. స్టడీ కోసం అంటే కేవలం యూనివర్సిటీ ఫీజులే కాకుండా.. లైఫ్స్టైల్, రోజువారీ ఖర్చులు కూడా బడ్జెట్‌లో ఉండాలి. సరైన సమాచారం ఉంటే.. మీరు మెరుగైన ఆర్థిక ప్రణాళికతో ముందుకు వెళ్లొచ్చు. </p>
<h3>డిగ్రీ కోసం..</h3>
<p>యునైటెడ్ కింగ్‌డమ్‌లో బ్యాచిలర్ డిగ్రీ ఫీజులు కోర్సు, విశ్వవిద్యాలయాన్ని బట్టి మారుతూ ఉంటాయి. విద్యార్థులు సాధారణంగా ట్యూషన్ ఫీజు 11,000 పౌండ్ల నుంచి 38,000 పౌండ్ల వరకు ఉంటుంది. ఇంగ్లాండ్, వేల్స్, ఉత్తర ఐర్లాండ్‌లలో ఈ కోర్సు పూర్తి చేయడానికి సుమారు మూడు సంవత్సరాలు పడుతుంది. అయితే స్కాట్లాండ్‌లో దీనికి నాలుగు సంవత్సరాల వరకు పట్టవచ్చు.</p>
<h3>మాస్టర్ డిగ్రీ కోసం.. </h3>
<p>మాస్టర్స్ డిగ్రీకి కోసం స్టూడెంట్స్ 9,000 నుంచి 30,000 పౌండ్ల వరకు ఖర్చు చేయాల్సి ఉంటుంది. ఇక్కడ ముఖ్యమైన విషయం ఏమిటంటే.. చాలా మాస్టర్స్ కోర్సులు ఒకే సంవత్సరంలోనే పూర్తవుతాయి. దీనివల్ల సమయం, డబ్బు రెండూ ఆదా అవుతాయి.</p>
<h3>లైఫ్ స్టైల్ కోసం..</h3>
<p>యూకేలో జీవన వ్యయం నగరాన్ని బట్టి మారుతూ ఉంటుంది. లండన్‌లో నివసించే విద్యార్థులు నెలకు సుమారుగా 1,300 నుంచి 1,400 పౌండ్ల వరకు ఖర్చు చేయాల్సి ఉంటుంది. ఇతర నగరాల్లో ఈ ఖర్చు 900 నుంచి 1,300 పౌండ్ల వరకు ఉంటుంది. అద్దె అనేది అతిపెద్ద ఖర్చు. ఆహారం, రోజువారీ అవసరాల కోసం కూడా ఖర్చులు ఉంటాయి. </p>
<h3>ఫుడ్, ఇతర ఖర్చులు</h3>
<p>విద్యార్థులు ఆహారం కోసం నెలకు సుమారు 100 పౌండ్లు ఖర్చు చేస్తారు. ఇది కాకుండా ట్రిప్, సామాజిక కార్యక్రమాల కోసం ఓ 50 పౌండ్లు ఖర్చు చేస్తారు. యూకేలో ప్రజా రవాణా సర్వసాధారణం. విద్యార్థులు నెలకు సుమారు 50 పౌండ్ల నుంచి 60 పౌండ్ల వరకు ఖర్చు అవుతుంది. దీనికి అదనంగా చిన్న చిన్న అవసరాలు, షాపింగ్‌కు సంబంధించిన అదనపు ఖర్చులు కూడా ఉంటాయి.</p>
<p>అన్నింటినీ కలిపి చూస్తే.. యూకేలో చదవాలనుకునే ఇండియన్ స్టూడెంట్స్కు సంవత్సరానికి సుమారు 20,000 నుంచి 55,000 పౌండ్ల వరకు ఖర్చు అవుతుంది. ఈ మొత్తం కోర్సు, విశ్వవిద్యాలయం, నగరాన్ని బట్టి మారుతూ ఉంటుంది. ఒక పౌండ్ విలువ ఇండియన్ రూపాయల్లో 128 ఉంది. దానిని బట్టి మీరు బడ్జెట్ అంచనా వేసుకోవచ్చు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/education/which-country-offers-free-education-from-lkg-to-phd-215217" width="631" height="381" scrolling="no"></iframe></p>
4 weeks ago
5 
