<p><strong>Tulsi Gabbard Resignation:</strong> అమెరికా రాజకీయాల్లో కీలక పరిణామం చోటుచేసుకుంది. అధ్యక్షుడు డొనాల్డ్ ట్రంప్‌నకు అత్యంత సన్నిహితురాలు, గూఢచారి విభాగాల సమన్వయకర్త (DNI) తులసీ గబ్బార్డ్ తన పదవికి రాజీనామా చేస్తున్నట్టు ప్రకటించారు. ఈ మేరకు ఆమె తన రాజీనామా లేఖను ట్రంప్‌కు సమర్పించినట్లు ఫాక్స్ న్యూస్, రాయిటర్స్ సంస్థలు రిపోర్ట్ చేశాయి.</p>
<p>గత శుక్రవారం ఓవల్ ఆఫీస్‌లో అధ్యక్షుడు ట్రంప్‌తో జరిగిన సమావేశంలో తులసీ గబ్బార్డ్ తన నిర్ణయాన్ని ప్రకటించారు. అధ్యక్షుడికి ఆమె ఇచ్చిన రాజీనామా లేఖ ప్రకారం, జూన్ 30, 2026 నుంచి పదవీ బాధ్యతల నుంచి తప్పుకోనున్నారు. గత ఒకటిన్నర ఏళ్లుగా ఈ అత్యున్నత బాధ్యతలను నిర్వహిస్తున్నారు.</p>
<p><img src="https://pbs.twimg.com/media/HI8M9w0bgAARxht?format=png&name=360x360" alt="Image" /></p>
<p><iframe title="Tulsi Gabbard met PM Modi | ప్రధాని మోదీతో అమెరికా ఇంటిలెజెన్స్ చీఫ్ తులసీ గబ్బార్డ్ భేటీ |ABP Desam" src="https://www.youtube.com/embed/aGSjkv39wmE" width="919" height="517" frameborder="0" allowfullscreen="allowfullscreen"></iframe></p>
<h3>రాజీనామాకు అసలు కారణం ఏమిటి? </h3>
<p>తులసీ గబ్బార్డ్ రాజీనామా వెనుక ఎలాంటి రాజకీయ విభేదాలు లేవని తెలుస్తోంది. తన రాజీనామా లేఖలో వ్యక్తిగత కారణాలు స్పష్టంగా పేర్కొన్నారు. ఆమె భర్తకు అరుదైన రకానికి చెందిన ఎముకల క్యాన్సర్ (Bone Cancer) సోకినట్లు తేలింది. ఈ క్లిష్ట సమయంలో భర్తకు తోడుగా, కుటుంబానికి సమయం కేటాయించాలనే ఈ నిర్ణయం తీసుకున్నట్టు పేర్కొన్నారు. </p>
<p>ట్రంప్‌కు రాసిన లేఖలో, "గత ఒకటిన్నర ఏళ్లుగా ఆఫీస్ ఆఫ్ ది డైరెక్టర్ ఆఫ్ నేషనల్ ఇంటెలిజెన్స్‌కు నాయకత్వం వహించే అవకాశం కల్పించినందుకు, నాపై నమ్మకం ఉంచినందుకు మీకు కృతజ్ఞతలు" అని తులసీ గబ్బార్డ్‌ పేర్కొన్నారు.</p>
<h3>డైరెక్టర్ ఆఫ్ నేషనల్ ఇంటెలిజెన్స్ (DNI) అంటే ఏమిటి? </h3>
<p>సాధారణ ప్రజలకు అర్థమయ్యేలా చెప్పాలంటే, అమెరికాలో CIA, FBI వంటి సుమారు 18 గూఢచారి సంస్థలు ఉంటాయి. ఈ సంస్థలన్నింటినీ సమన్వయం చేస్తూ, కీలక సమాచారాన్ని సేకరించి నేరుగా అధ్యక్షుడికి నివేదించే అత్యున్నత పదవే 'డైరెక్టర్ ఆఫ్ నేషనల్ ఇంటెలిజెన్స్'. దేశ రక్షణ పరంగా ఇది అత్యంత సున్నితమైన, బాధ్యతాయుతమైన పదవి.</p>
<blockquote class="twitter-tweet" data-media-max-width="560">
<p dir="ltr" lang="en">US Director of National Intelligence Tulsi Gabbard tenders resignation, citing the health of his husband, Abraham, who has been diagnosed with an extremely rare form of bone cancer<br /><br />She tweets, "...I must submit my resignation, effective June 30, 2026. My husband, Abraham, has… <a href="https://t.co/yEUvuiXiWi">https://t.co/yEUvuiXiWi</a> <a href="https://t.co/iSx9kYzeEo">pic.twitter.com/iSx9kYzeEo</a></p>
— ANI (@ANI) <a href="https://twitter.com/ANI/status/2057878101078720918?ref_src=twsrc%5Etfw">May 22, 2026</a></blockquote>
<script src="https://platform.twitter.com/widgets.js" async="" charset="utf-8"></script>
<p>తులసీ గబ్బార్డ్ రాజీనామా ట్రంప్ ప్రభుత్వానికి ఒక పెద్ద లోటు. ట్రంప్ తన రెండో విడత పాలనలో ఆమెకు అత్యంత ప్రాధాన్యతనిచ్చారు. గతంలో డెమోక్రాటిక్ పార్టీలో ఉండి, ఆ తర్వాత రిపబ్లికన్ పార్టీకి మద్దతుగా నిలిచిన గబ్బార్డ్, తనదైన శైలిలో గూఢచారి విభాగంలో సంస్కరణలు తీసుకురావడానికి ప్రయత్నించారు.</p>
<p>ట్రంప్ యంత్రాంగం నుంచి తప్పుకుంటున్న మరో హై-ప్రొఫైల్ అధికారిణిగా తులసీ గబ్బార్డ్ సంచలనం సృష్టించారు. ఇప్పుడు ఆమె స్థానంలో ట్రంప్ ఎవరిని నియమిస్తారనేది వాషింగ్టన్ రాజకీయాల్లో ఆసక్తికరంగా మారింది.</p>
2 weeks ago
3 
