<p>త్రిపురనేని చిట్టిబాబు పేరు తెలుగు ప్రజలకు సుపరిచితమే. ఈతరం ప్రేక్షకులు ఆయన్ను రాజకీయ విశ్లేషకులుగా చూస్తారు. అయితే ఆయన దర్శకుడు, నిర్మాత, నటులు కూడా! భారతీయ జనతా పార్టీలో కొన్నేళ్ల పాటు కొనసాగారు. తనదైన విశ్లేషణలు, అప్పటి సంగతులు చెబుతూ పాపులరైన చిత్తుబాబు ఇకలేరు.</p>
<p><strong>పదిహేడేళ్ల వయసులో సినీ ప్రయాణం...</strong><br /><strong>డబ్భై ఏళ్ళ వయసులో తిరిగిరాని లోకాలకు!</strong><br />ఏప్రిల్ 21... మంగళవారం సాయంత్రం 5:30 గంటలకు చిట్టిబాబు త్రిపురనేని ఈ లోకం విడిచి వెళ్లారు. ఆయన వయసు 70 ఏళ్ళు. 17 ఏళ్ల వయసులో తన సినీ ప్రస్థానాన్ని ఆయన ప్రారంభించారు. తెలుగు, తమిళ చిత్రసీమల్లోని పలువురు ప్రముఖులతో కలిసి పనిచేశారు.</p>
<p>Also Read<strong>: <a title="Balakrishna: అబ్బాయితో 'దేవర 2' కంటే ముందు... బాబాయి బాలకృష్ణతో!" href="https://telugu.abplive.com/entertainment/cinema/koratala-siva-balakrishna-movie-after-devara-update-245000" target="_self">Balakrishna: అబ్బాయితో 'దేవర 2' కంటే ముందు... బాబాయి బాలకృష్ణతో!</a></strong></p>
<p>ఏసి తిరులోక్‌ చందర్, భారతి రాజా, కెఎస్ఆర్ దాస్, కన్నదాసన్, వాలి, ఎంఎస్ విశ్వనాథన్, టి రాజేందర్, శ్రీశ్రీ, ఆచార్య ఆత్రేయ, సిరివెన్నెల సీతారామ శాస్త్రి వంటి మహనీయులతో చిట్టిబాబుకు అనుబంధం ఉంది. దర్శకుడిగా మారక ముందు... తెలుగు, తమిళ, కన్నడ భాషల్లో మొత్తం 47 సినిమాలకు దర్శకత్వ శాఖలో పని చేశారు.</p>
<p>Also Read<strong>: <a title="Ram Charan Remuneration: వంద కోట్లకు మించి... 'పెద్ది' కోసం రామ్ చరణ్ ఎన్ని కోట్లు తీసుకుంటున్నాడంటే?" href="https://telugu.abplive.com/entertainment/cinema/ram-charan-remuneration-peddi-movie-100-crore-plus-salary-244942" target="_self">Ram Charan Remuneration: వంద కోట్లకు మించి... 'పెద్ది' కోసం రామ్ చరణ్ ఎన్ని కోట్లు తీసుకుంటున్నాడంటే?</a></strong></p>
<p>దర్శకుడిగా చిట్టిబాబు తొలి సినిమా 'సంతానం'. విజయం సాధించడంతో పాటు విమర్శకుల ప్రశంసలు, పురస్కారాలు సాధించింది. ఆ తర్వాత మరో 12 చిత్రాలకు ఆయన దర్శకత్వం వహించారు. నటుడిగానూ చిట్టిబాబు తెరపై మెరిశారు. తెలుగు, తమిళ భాషల్లో దాదాపు 30 చిత్రాలలో నటించారు. కృష్ణవంశీ దర్శకత్వం వహించిన 'రాఖీ' ఈతరం ప్రేక్షకులకు గుర్తుండి ఉంటుంది.</p>
<p>చిట్టిబాబు త్రిపురనేనికి భార్య ఉషా లత, ముగ్గురు సంతానం - నరోత్తం, భాస్వంత్, మోనిషా ఉన్నారు. ఆయన మరణం పట్ల చిత్రసీమలో పలువురు ప్రముఖులు సంతాపం వ్యక్తం చేశారు.</p>
<p>Also Read<strong>: <a title="Vijay Deverakonda Nani: నాని, విజయ్ బాండింగ్‌కు ఇదుగో ఎగ్జాంపుల్... ఫ్యాన్స్‌ ఇప్పటికైనా వార్ ఆపుతారా?" href="https://telugu.abplive.com/entertainment/cinema/vijay-deverakonda-nani-friendship-on-display-vd-x-shouryuv-movie-launch-will-fans-finally-end-fan-wars-244862" target="_self">Vijay Deverakonda Nani: నాని, విజయ్ బాండింగ్‌కు ఇదుగో ఎగ్జాంపుల్... ఫ్యాన్స్‌ ఇప్పటికైనా వార్ ఆపుతారా?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/balakrishna-birthday-special-top-10-and-experimental-films-in-nandamuri-hero-career-166119" width="631" height="381" scrolling="no"></iframe></p>
1 month ago
6 
