<p><strong>Trinadha Rao Nakkina Role In Anakapalli Movie:</strong> నిర్మాత లగడపాటి శ్రీధర్ కుమారుడు విక్రమ్ సహిదేవ్ కథానాయకుడిగా రూపొందిన సినిమా 'అనకాపల్లి'. ఆగస్టు 7న థియేటర్లలో విడుదల. సినిమా స్పెషాలిటీ ఏమిటంటే... ఇందులో హీరో తండ్రి పాత్రలో దర్శకుడు త్రినాథ రావు నక్కిన నటించారు. అంతే కాదు... కథ అందించడంతో పాటు తన స్నేహితుడు కాండ్రేగుల కుమార్ రాజాతో కలిసి ప్రొడ్యూస్ చేశారు. శుక్రవారం సినిమా విడుదల కానున్న నేపథ్యంలో 'అనకాపల్లి' గురించి త్రినాథ రావు నక్కిన చెప్పిన విశేషాలు... </p>
<p><strong>'అనకాపల్లి'లో షూట్ చేశాం... నా కథతో తీశాం</strong><br />'అనకాపల్లి' కథను నేనే రాశా. దర్శకుడిగా ప్రయాణం మొదలైన తర్వాత ఎందుకో తీయడం కుదరలేదు. అలా పక్కన పెట్టేశాను. నేను దర్శకుడు అయ్యాక లెక్కలు మారుతూ వచ్చాయి. అందుకే నా దగ్గరున్న కథలతో నక్కిన నెరేటివ్స్ సంస్థలో సినిమాలు నిర్మించాలనుకున్నా. ఈ సినిమానూ నేనే తీసినట్టు చెప్పుకోవచ్చు. చిత్రీకరణ అంతా అనకాపల్లిలో చేశాం. లొకేషన్స్ రియల్‌గా ఉండాలని మా సొంత ఊర్లో సినిమా తీశాం. ఓ పట్టణంలో జరిగే ప్రేమ కథా చిత్రమిది. యాక్షన్ కూడా ఉంటుంది. కథకు 'అనకాపల్లి' టైటిల్ యాప్ట్. దానికి తోడు సొంతూరిపై మమకారం ఉంటుంది కదా.</p>
<p>Also Read<strong>: <a title="Sundeep Kishan Karikaala First Look - యోధుడిగా సందీప్ కిషన్... 'శంబాల' దర్శకుడితో సందీప్ కిషన్ 'కరికాల' - ఫస్ట్ లుక్ రిలీజ్" href="https://telugu.abplive.com/entertainment/cinema/sundeep-kishan-karikaala-first-look-revealed-both-parts-release-dates-locked-ugandhar-muni-255503" target="_self">Sundeep Kishan Karikaala First Look - యోధుడిగా సందీప్ కిషన్... 'శంబాల' దర్శకుడితో సందీప్ కిషన్ 'కరికాల' - ఫస్ట్ లుక్ రిలీజ్</a></strong></p>
<p><strong>ఫ్యామిలీ ఎమోషన్స్ సినిమాకు మెయిన్ ప్లస్!</strong><br />'అనకాపల్లి'కి మెయిన్ ప్లస్ పాయింట్ ఫ్యామిలీ ఎమోషన్స్. ఇప్పుడు ఉన్న 'జెన్ జీ' తరానికి ఎమోషన్స్ తెలియడం లేదు. వాళ్ళకు మళ్ళీ మన ఎమోషన్స్ గుర్తు చేయాలని తీసిన చిత్రమిది. ఈతరానికి సైతం ఫ్యామిలీ డ్రామా కనెక్ట్ కావాలని తీశాం. సినిమాలో యాక్షన్ ఎక్కువ ఉన్నప్పటికీ... ఫ్యామిలీ డ్రామా డామినేట్ చేస్తుంది. నా వంతు బాధ్యతగా ఓ సందేశాన్ని కూడా ఇచ్చాను. నేనూ దర్శకుడిని కావడంతో కథకు తగ్గట్టు బడ్జెట్ పెంచుకుంటూ వెళ్ళా. ముందు అనుకున్న దాని కంటే పదిశాతం బడ్జెట్ పెరిగిందంతే. అమెజాన్ ప్రైమ్ వీడియోతో డిస్కషన్స్ జరుగుతున్నాయి. త్వరలో ఓటీటీ డీల్ పూర్తి అవుతుంది. సినిమా చూసి విడుదల చేసేందుకు మైత్రి శశి ముందుకు వచ్చారు.</p>
<p><strong>నాకూ యాక్టింగ్ వచ్చు... ప్రతి దర్శకుడిలోనూ నటుడు!</strong><br />ప్రతి దర్శకుడిలోనూ ఓ నటుడు ఉంటాడు. 'అనకాపల్లి'లో తండ్రి పాత్ర నేను చేస్తే బావుంటుందని మా దర్శకుడు, హీరో కలిసి ఒప్పించారు. తండ్రి పాత్ర కనుక ఇంకా పొట్ట ఉంటే బావుంటుందని దర్శకుడు అనడంతో సెట్‌కి వెళ్లేటప్పుడు బిర్యానీ ఫుల్లుగా తినేవాడిని. </p>
<p>Also Read<strong>: <a title="Korean Kanakaraju First Review - కొరియన్ కనకరాజు ఫస్ట్ రివ్యూ... వరుణ్ తేజ్ హారర్ కామెడీ సినిమా సెన్సార్ టాక్, ఇన్‌సైడ్ రిపోర్ట్ ఎలా ఉందంటే?" href="https://telugu.abplive.com/entertainment/cinema/varun-tej-korean-kanakaraju-first-review-in-telugu-255482" target="_self">Korean Kanakaraju First Review - కొరియన్ కనకరాజు ఫస్ట్ రివ్యూ... వరుణ్ తేజ్ హారర్ కామెడీ సినిమా సెన్సార్ టాక్, ఇన్‌సైడ్ రిపోర్ట్ ఎలా ఉందంటే?</a></strong></p>
<p>ఇంద్రజ, విక్రమ్, సంధ్య అద్భుతంగా నటించారు. నటీనటులు అందరూ ఒకరితో ఒకరు పోటీ పడుతూ చేశారు. మా సినిమాకు దేవ్‌జండ్ అద్భుతమైన మ్యూజిక్ ఇచ్చాడు. 'ధమాకా' చేసేటప్పుడు కార్తీక్ ద్వారా అతను పరిచయం. 'చౌర్యపాఠం'కి నేను, 'ఈగల్'కి రవితేజ గారు అవకాశం ఇచ్చారు. మళ్ళీ 'అనకాపల్లి' కోసం అతడిని పిలిచా.</p>
<p>దర్శకుడిగా నేను చేసిన 'నేను రెడీ' పూర్తయింది. ఆ సినిమా విడుదల తేదీ త్వరలో ప్రకటిస్తాం. కొన్ని స్క్రిప్ట్‌లు రెడీ చేశా. నిర్మాతగా కాస్త గ్యాప్ తీసుకుంటా. 'ధమాకా'ను మించిన కథ కుదిరితే 'ధమాకా 2' గురించి ఆలోచిస్తాను. లేదంటే లేదు.</p>
<p>Also Read<strong>: <a title="Rashmi Gautam Adopts Abused Dog - చీరాలలో కుక్కపై దాడి... కాలు తీసేశారు... ఇప్పుడు సేఫ్‌గా రష్మీ గౌతమ్ చేతుల్లోకి" href="https://telugu.abplive.com/entertainment/tv/rashmi-gautam-adopts-abused-dog-injured-pet-finds-safe-home-after-leg-amputation-255466" target="_self">Rashmi Gautam Adopts Abused Dog - చీరాలలో కుక్కపై దాడి... కాలు తీసేశారు... ఇప్పుడు సేఫ్‌గా రష్మీ గౌతమ్ చేతుల్లోకి</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/chiyaan-vikram-straight-telugu-movies-list-did-you-know-vikram-acted-in-more-than-ten-tollywood-films-202240" width="631" height="381" scrolling="no"></iframe></p>
2 months ago
6 
