<p>TPCC Chief Mahesh Kumar Goud: మంత్రి కొండా సురేఖ వివాదంపై టీపీసీసీ అధ్యక్షుడు మహేష్ కుమార్ గౌడ్ స్పందించారు. దిల్లీలో శుక్రవారం మీడియాతో మాట్లాడుతూ.. కొండా సురేఖను మంత్రి వర్గం నుంచి బర్తరఫ్ చేయడం పార్టీ పరంగా బాధాకరమైన విషయమే అయినప్పటికీ, పార్టీ క్రమశిక్షణను ఉల్లంఘించినప్పుడు ఇటువంటి కఠిన చర్యలు తప్పవన్నారు. ఇందుకు ఏఐసీసీ స్పష్టమైన సంకేతాలు ఇచ్చిందని ఆయన తెలిపారు. పార్టీ అంతర్గత విషయాలను, అసంతృప్తులను చర్చించానికి అనేక వేదికలు ఉన్నాయన్నారు. అలా కాకుండా బహిరంగ వేదికలపై వ్యాఖ్యలు చేయడం క్షమించరాని తప్పు అవుతుందన్నారు. క్రమశిక్షణ దాటితే మాట్లాడితే ఎవరైనా చర్యలు ఉంటాయని ఆయన హెచ్చరించారు.</p>
<p>కొండా సురేఖ తీరుతోనే కాంగ్రెస్‌ అధిష్ఠానం చర్యలు తీసుకుందని మహేష్ కుమార్‌ గౌడ్‌ తెలిపారు. కాంగ్రెస్‌లో ప్రజాస్వామిక స్వేచ్ఛ ఉంటుందన్నారు. అయితే క్రమశిక్షణ విషయంలో పార్టీ అంతే కఠినంగా వ్యవహరిస్తుందని చెప్పారు. దిల్లీలో మీడియాతో ఆయన మాట్లాడారు. కొండా సురేఖ కాంగ్రెస్‌లో కొనసాగుతానని చెప్పారని, పార్టీలో ఉంటే తప్పకుండా అవకాశం ఇస్తామన్నారు. </p>
<p><br />Also Read: <a title="నా నిరీక్షణ ముగిసింది.. త్వరలోనే బిగ్ అప్డేట్: కొండా సురేఖ ఆసక్తికర పోస్ట్" href="https://telugu.abplive.com/telangana/warangal/the-wait-is-almost-over-big-update-is-coming-soon-konda-surekha-facebook-post-258053" target="_self">నా నిరీక్షణ ముగిసింది.. త్వరలోనే బిగ్ అప్డేట్: కొండా సురేఖ ఆసక్తికర పోస్ట్</a></p>
<h3>ఇష్టారాజ్యంగా మాట్లాడితే పార్టీ సహించదు</h3>
<p>గురువారం కొండా సురేఖ ఆవేశం, ఆవేదనతో మాట్లాడారని మహేష్ కుమార్ గౌడ్ అన్నారు. ఇకపై అలా మాట్లాడకూడదని సూచిస్తున్నానన్నారు. పార్టీలో ఎవరికైనా ఇబ్బందులుంటే నేరుగా పీసీసీ అధ్యక్షుడితో మాట్లాడవచ్చని తెలిపారు. ఏఐసీసీ రాష్ట్ర వ్యవహారాల ఇన్‌ఛార్జి, పార్టీ ప్రధాన కార్యదర్శి, అధిష్ఠానం పెద్దలను కలిసి తమ ఆవేదన వ్యక్తం చేయొచ్చని చెప్పారు. అంతే తప్ప ఇష్టారాజ్యంగా మాట్లాడితే కాంగ్రెస్‌ పార్టీ సహించదని చెప్పారు. కొండ సురేఖ వ్యవహారంపై ఏఐసీసీ ఒక సంకేతాన్ని ఇచ్చిందన్నారు. ఏ <a title="కాంగ్రెస్" href="https://telugu.abplive.com/topic/Congress" data-type="interlinkingkeywords">కాంగ్రెస్</a>‌ నాయకుడైనా హద్దులు దాటి మాట్లాడితే చర్యలు తప్పవని మహేష్ కుమార్‌ గౌడ్‌ అన్నారు. <br /><br />Also Read: <a title="రేవంత్ రెడ్డిని ఆపకపోతే మీరంతా ఇంటికే.. కేసీఆర్‌కు ముందే చెప్పా- ఎంపీ అసదుద్దీన్ ఒవైసీ" href="https://telugu.abplive.com/telangana/asaduddin-owaisi-reveals-what-he-told-kcr-about-revanth-reddy-before-telangana-elections-258024" target="_self">రేవంత్ రెడ్డిని ఆపకపోతే మీరంతా ఇంటికే.. కేసీఆర్‌కు ముందే చెప్పా- ఎంపీ అసదుద్దీన్ ఒవైసీ</a></p>
<h3>సీఎంకు ఆ అవసరంలేదు </h3>
<p>కొండా సురేఖ తన కుమార్తె చేసిన వ్యాఖ్యలను ఖండించాల్సి ఉందని, అయితే ఆమె ఆ పని చేయకపోవడాన్ని ఏఐసీసీ తీవ్రంగా పరిగణించిందని మహేష్ కుమార్ గౌడ్ అన్నారు. క్రమశిక్షణా సంఘం ఈ వ్యవహారంపై లోతుగా విచారించి హైకమాండ్ ఈ నిర్ణయం తీసుకుందన్నారు. సీఎం <a title="రేవంత్ రెడ్డి" href="https://telugu.abplive.com/topic/Revanth-Reddy" data-type="interlinkingkeywords">రేవంత్ రెడ్డి</a>కి ఎవరినీ బ్లాక్‌మెయిల్ చేయాల్సిన అవసరం ఏ మాత్రం లేదని స్పష్టం చేశారు. ప్రస్తుతం క్యాబినెట్ విస్తరణ తమకు ప్రాధాన్యత కాదన్నారు. వచ్చే అసెంబ్లీ సమావేశాలు, అందులో జరిగే ప్రజా సమస్యల చర్చలే పార్టీకి అత్యంత కీలకమన్నారు. </p>
<p>Also Read: </p>
1 month ago
4 
