<p>రాకింగ్ స్టార్ యష్ (Rocking Star Yash) హీరోగా నటించిన పాన్ ఇండియా యాక్షన్ థ్రిల్లర్ 'టాక్సిక్' (Toxic Movie). నయనతార సోదరి పాత్రలో... కియారా అద్వానీ, రుక్మిణీ వసంత్, తారా సుతారియా, హుమా ఖురేషి హీరోయిన్లుగా నటించారు. గీతూ మోహన్ దాస్ దర్శకత్వం వహించిన చిత్రమిది. అమెరికాలో ప్రీమియర్ షోలు కంప్లీట్ అయ్యాయి. మరి అక్కడ నుంచి వచ్చిన రిపోర్ట్ ఏమిటి? ట్విట్టర్ టాక్ ఏంటి? యష్ మళ్ళీ హిట్టు కొట్టాడా? లేదా? ట్వీట్లలో తెలుసుకోండి.</p>
<p><strong>తండ్రీ కొడుకుల మధ్య యుద్ధం...</strong><br /><strong>యష్ డ్యూయల్ రోల్, లుక్స్ హైలైట్!</strong><br />'టాక్సిక్' ప్రచార చిత్రాల్లో రొమాంటిక్ సీన్స్ హైలైట్ అయ్యాయి. సినిమాలో మాత్రం తండ్రీ కొడుకుల యుద్ధం హైలైట్ అవుతుందని ఆల్రెడీ సినిమా చూసిన వాళ్ళు చెబుతున్నారు. అంతకు మించి యష్ డ్యూయల్ రోల్, లుక్స్ హైలైట్ అవుతాయని పేర్కొన్నారు.</p>
<p>'టాక్సిక్'లో యష్ డ్యూయల్ రోల్ చేశారు. అదీ తండ్రీ కొడుకులుగా! ట్రైలర్‌లో ఆ విషయం చెప్పేశారు. అయితే... ఆ రెండు క్యారెక్టర్ల మధ్య యష్ డిఫరెన్స్ చూపించారట. 'కేజీఎఫ్'తో యష్ గడ్డం లుక్ వైరల్ అయ్యింది. తండ్రి పాత్ర కోసం ఆ గడ్డం మైంటైన్ చేశారు. డ్రస్సింగ్ పరంగా కొత్త యష్ ను చూపించారట. కొడుకు పాత్ర కోసం గడ్డం తీసేశారు. కాస్త సన్నబడ్డాడు. ఆ పాత్రలో అగ్రేషన్ చూపించారని అంటున్నారు. తండ్రి పాత్ర యంగ్ నుంచి ఓల్డ్ అవుతుందని, ఆ పాత్ర వయసు పెరిగే కొలదీ యష్ నటనలోనూ మార్పు కనిపించిందట. ఆయన స్టైల్ ఈ సినిమాకు మెయిన్ ప్లస్ అంటున్నారు.</p>
<p>Also Read<strong>: <a title="Mahesh Babu Next Movie After Varanasi - సంక్రాంతి హిట్స్ స్పెషలిస్టుతో మహేష్... 'వారణాసి' తర్వాత ఫుల్ ఎంటర్‌టైన్‌మెంట్ సినిమా?" href="https://telugu.abplive.com/entertainment/cinema/mahesh-babu-next-movie-after-varanasi-super-star-to-reunite-with-anil-ravipudi-257204" target="_self">Mahesh Babu Next Movie After Varanasi - సంక్రాంతి హిట్స్ స్పెషలిస్టుతో మహేష్... 'వారణాసి' తర్వాత ఫుల్ ఎంటర్‌టైన్‌మెంట్ సినిమా?</a></strong></p>
<p><strong>యాక్షన్ సీక్వెన్సుల్లో వయలెన్స్... రొమాన్స్!</strong><br />'టాక్సిక్'లో యష్ తర్వాత ఎక్కువగా హైలైట్ అయ్యేది యాక్షన్ సీక్వెన్సుల్లో చూపించిన వయలెన్స్, ఆ తర్వాత హీరోయిన్లతో రొమాన్స్. సినిమాలోని ప్రతి యాక్షన్ సీక్వెన్స్ బాగా డిజైన్ చేశారట. 'కేజీఎఫ్'తో వచ్చిన ఇమేజ్, యష్ బాడీ కటౌట్ దృష్టిలో పెట్టుకుని ఫైట్స్ కంపోజ్ చేశారని ప్రీమియర్స్ రిపోర్ట్. మేల్, ఫిమేల్ అని తేడా లేదు... యాక్షన్ సీక్వెన్సుల్లో అడ్డు వచ్చిన వాళ్ళను యష్ కొట్టిన కొట్టుడు, ఆ వయలెన్స్ నెక్స్ట్ లెవల్ అంటున్నారు. సినిమాలో ప్రతి ఫ్రేమ్ హాలీవుడ్ స్టైల్ లో తీశారని ఎన్నారై ఆడియన్స్ చెబుతున్నారు.</p>
<p>'టాక్సిక్'లో హీరోయిన్లతో రొమాంటిక్ సీన్స్ ఉన్నాయని, అయితే టీజర్ - ట్రైలర్, పాటల్లో చూపించిన వాటికి మించి అన్నట్టు రొమాన్స్ ఉందట. 'టాక్సిక్' అంటే రొమాన్స్ ఒక్కటే కాదని ఈ సినిమా చూశాక అర్థం అవుతుందట. రొమాన్స్ కంటే యాక్షన్, యాక్షన్ సీక్వెన్సుల్లో వయలెన్స్ ఉందట.</p>
<p>Also Read<strong>: <a title="Toxic Ticket Price Hike - ఆరున్నరకు ఏపీ, తెలంగాణలో 'టాక్సిక్' ఫస్ట్ షోలు... తెలుగు రాష్ట్రాల్లో టికెట్ రేట్లు ఎంత పెంచారంటే?" href="https://telugu.abplive.com/entertainment/cinema/toxic-ticket-price-hike-in-telangana-ap-yash-movie-single-screens-multiplex-rates-morning-show-timing-revealed-257195" target="_self">Toxic Ticket Price Hike - ఆరున్నరకు ఏపీ, తెలంగాణలో 'టాక్సిక్' ఫస్ట్ షోలు... తెలుగు రాష్ట్రాల్లో టికెట్ రేట్లు ఎంత పెంచారంటే?</a></strong></p>
<p><strong>మూడు గంటల లెంగ్త్ చాలా ఎక్కువ!</strong><br />'టాక్సిక్' చూసిన జనాల నుంచి వచ్చిన మేజర్ కంప్లైంట్ మూవీ లెంగ్త్ గురించి, ఆ తర్వాత గీతూ మోహన్ దాస్ స్టోరీ & డైరెక్షన్ గురించి. మూడు గంటలకు పైగా లెంగ్త్ ఉన్న సినిమా ఇది. అంత నిడివి అవసరం లేదని, అనవసరమైన యాక్షన్ సీక్వెన్సులతో సినిమాను నింపేశారని కొంత మంది విమర్శిస్తున్నారు.</p>
<p>గీతూ మోహన్ దాస్ కథలో కొత్తదనం లేదని వినబడుతోంది. హీరో క్యారెక్టర్ కోసం 'కేజీఎఫ్' స్టైల్ బాగా ఫాలో అయ్యారని టాక్. యష్ స్టైల్, ఆయన యాక్షన్ బావున్నా కథలో సత్తా కనిపించలేదట. మాఫియా నేపథ్యంలో కథను సరిగా ఎస్టాబ్లిష్ చేయలేదట. యష్ వన్ మ్యాన్ షో సినిమాను నిలబెడుతుందని అంటున్నారు. రాయ పాత్రలో యష్ నటించగా... ఆయన సిస్టర్ గంగగా నయనతార కనిపించేది కూడా తక్కువేనట. </p>
<p>Also Read<strong>: <a title="Toxic Advance Booking - టాక్సిక్ @ 50 కోట్లు... అడ్వాన్స్ బుకింగ్స్‌లో యశ్ జోరు... 'పెద్ది', 'రాజా సాబ్'ను బీట్ చేసి మరీ!" href="https://telugu.abplive.com/entertainment/cinema/toxic-advance-booking-yash-movie-crosses-rs-50-crore-before-release-beats-jana-nayagan-peddi-the-raja-saab-257182" target="_self">Toxic Advance Booking - టాక్సిక్ @ 50 కోట్లు... అడ్వాన్స్ బుకింగ్స్‌లో యశ్ జోరు... 'పెద్ది', 'రాజా సాబ్'ను బీట్ చేసి మరీ!</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/kgf-chapter-2-movie-yash-powerful-dialogues-in-kgf-2-telugu-29597" width="631" height="381" scrolling="no"></iframe></p>
2 months ago
3 
