<p><strong>The Kerala Story 2 Movie Review In Telugu : </strong>ఈ ఏడాది వివాదాల మధ్య విడుదలైన సోషల్ డ్రామా 'ది కేరళ స్టోరీ 2'. 'ది కేరళ స్టోరీ'కి సీక్వెల్‌గా తెరకెక్కిన ఈ మూవీ ట్రైలర్‌తోనే కాంట్రవర్సీ క్రియేట్ చేయగా... రిలీజ్‌కు ఒక్క రోజు ముందు హైకోర్టు విడుదలపై స్టే ఇచ్చింది. ఆ తర్వాతి రోజే డివిజన్ బెంచ్ రిలీజ్‌కు గ్రీన్ సిగ్నల్ ఇవ్వడంతో శనివారం ప్రేక్షకుల ముందుకు వచ్చింది. మరి ఫస్ట్ పార్ట్ తరహాలోనే సీక్వెల్‌లోనూ అవే వివాదాంశాలున్నాయా? సీక్వెల్ దర్శకుడు ఏం చూపించాడు అనేది ఓసారి చూస్తే...</p>
<p><strong>స్టోరీ ఏంటంటే?</strong></p>
<p>పేరుకే కేరళ స్టోరీ అయినా ఈ మూవీ మూడు వేర్వేరు ప్రాంతాల్లో జరుగుతుంది. స్వతంత్ర భావాలు కలిగిన నేటి తరం అమ్మాయిలు సురేఖ (ఉల్కా గుప్త), దివ్య (అదితి భాటియా), నేహా (ఐశ్వర్య ఓజా). ముగ్గురమ్మాయిలవి వేర్వేరు కలలు. జీవితంలో ఏదో సాధించాలని కలలు కంటారు. అయితే, వీరికి పరిచయమైన స్నేహాలు ప్రేమగా మారతాయి. అలా ముగ్గురూ ముగ్గరబ్బాయిలను లవ్ చేసి తల్లిదండ్రుల మాటను కాదని వారితో వెళ్లిపోతారు.</p>
<p>ఆ తర్వాత ఊహించని పరిణామాలు ఎదురవుతాయి. రోజులు గడుస్తున్న కొద్దీ ప్రేమ మోసమని గ్రహిస్తారు. ఆ తర్వాత ఏం జరిగింది? తాము ప్రేమించిన వారి వల్ల వీరు ఎలాంటి ఇబ్బందులు ఎదుర్కొన్నారు? తాము అనుకున్న లక్ష్యాలను వీరు సాధించగలిగారా? చివరకు ఏం జరిగింది? అనేది మూవీ చూసి తెలుసుకోవాలి.</p>
<p><strong>ఎలా ఉందంటే?</strong></p>
<p>అమ్మాయిలకు మాయ మాటలు చెప్పి మతం మార్చి విదేశాలకు పంపే కథతో '<a title="కేరళ స్టోరీ" href="https://telugu.abplive.com/topic/The-Kerala-Story" data-type="interlinkingkeywords">కేరళ స్టోరీ</a>'ని రూపొందించగా వివాదాస్పదమైంది. ఇప్పుడు దీనికి సీక్వెల్‌గా తెరకెక్కిన కథ నిజమైన సంఘటనల ఆధారంగా రూపొందించబడిందని తెలిపే డిస్క్లైమర్‌తో ప్రారంభమవుతుంది. ఆ తర్వాత ముగ్గురమ్మాయిల విషాద కథ వస్తుంది. నేటి యువత పెడ ధోరణులను ఎత్తి చూపించడంతో పాటు తల్లిదండ్రుల మాటలు వినకుంటే జరిగే పరిణామాలను కళ్లకు కట్టినట్లు చూపించారు.</p>
<p>ఫస్ట్ హాఫ్ కాస్త సాగదీతగా ఉన్నా సెకండాఫ్ పర్వాలేదనిపిస్తుంది. కొన్ని వాస్తవ ఘటనల ఆధారంగా మూవీ రూపొందించినట్లు డైరెక్టర్ కామాఖ్య నారాయణ్ సింగ్ ముందుగానే చెప్పారు. ఇంటర్వెల్ తర్వాత ఏం జరుగుతుందా అనే ఆసక్తిని కలిగించారు. అమ్మాయిల పట్ల కొందరు కఠినంగా వ్యవహరించే సీన్స్ కొన్ని భయపెడతాయి. క్లైమాక్స్ అతిగా ఉంటుంది. అయితే, అమ్మాయిలకు అన్యాయం చేసే అబ్బాయిలు వారి కుటుంబాలకు పోలీస్ ట్రీట్మెంట్‌కు క్లైమాక్స్‌లో ఆడియన్స్ ఫుల్‌గా కనెక్ట్ అవుతారు. కొంత రియాలిటీ, కొంత కల్పితం అనేలా మూవీ ఉంటుంది.</p>
<p><strong>Also Read : <a title="ఓటీటీలోకి హిట్ బొమ్మ 'విత్ లవ్' - రొమాంటిక్ కామెడీ ఎంటర్టైనర్ ఎప్పుడు, ఎందులో స్ట్రీమింగ్ అంటే?" href="https://telugu.abplive.com/entertainment/ott-webseries/with-love-ott-release-date-when-to-watch-abishan-jeevinth-anaswara-rajan-romantic-drama-on-netflix-239634" target="_self">ఓటీటీలోకి హిట్ బొమ్మ 'విత్ లవ్' - రొమాంటిక్ కామెడీ ఎంటర్టైనర్ ఎప్పుడు, ఎందులో స్ట్రీమింగ్ అంటే?</a></strong></p>
<p><strong>ఎవరెలా చేశారంటే?</strong></p>
<p>బాధిత మహిళలుగా ఉల్కా గుప్తా, అదితి భాటియా, ఐశ్వర్య ఓజా హార్ట్ టచింగ్ నటన అద్భుతం. ఈ ముగ్గురి నటనే ఈ చిత్రానికి హైలెట్ అని చెప్పొచ్చు. అమ్మాయిలను ట్రాప్ చేసే యువకుల పాత్రలో సుమిత్ గహ్లావత్, అర్జున్ సింగ్, యుక్త ఖోస్లా తమ రోల్స్‌కు పూర్తి న్యాయం చేశారు. కొన్ని సీన్స్‌లో వారు అమ్మాయిలపై ప్రవర్తించిన తీరు రియల్‌గానే ఆడియన్స్‌కు ఆవేశం తెప్పిస్తుంది. క్లైమాక్స్ మాత్రం కాస్త అతిగా అనిపిస్తుంది.</p>
<p><strong>రచన, దర్శకత్వం -</strong> విపుల్ షా, అమర్‌నాథ్ ఝా రచన బాగుంది, వారు ఏం అనుకున్నారో అదే పర్ఫెక్ట్‌గా ప్రజెంట్ చేశారు. కామాఖ్య నారాయణ సింగ్ దర్శకత్వం అద్భుతంగా ఉంది. జెన్ జీ యువత పెడ ధోరణులకు అద్దం పట్టేలా కొన్ని సీన్స్ ఓ వార్నింగ్ లాంటివే. మొత్తానికి తన అభిప్రాయాన్ని మూవీలో స్పష్టంగా తెలియజేశారు.</p>
<p><strong>రేటింగ్ -</strong> 2.5/5</p>
<p><iframe class="vidfyVideo" style="border: 0px;" src="https://telugu.abplive.com/web-stories/lifestyle/kerala-stories-what-is-the-hindu-population-in-kerala-239272" width="631" height="381" scrolling="no"></iframe></p>
1 month ago
4 
