<p><strong>Cognitive Cities Infrastructure Telangana: </strong>హైదరాబాద్ నగరాన్ని అంతర్జాతీయ స్థాయి కోగ్నిటివ్ సి గా మార్చే దిశగా తెలంగాణ ప్రభుత్వం మరో అడుగు ముందుకు వేసింది. నెక్స్ట్ జనరేషన్ ఇంటెలిజెంట్ ఇన్‌ఫ్రాస్ట్రక్చర్, ఆర్టిఫిషియల్ ఇంటెలిజెన్స్ ఆధారిత పట్టణ పరిష్కారాల అభివృద్ధి కోసం తెలంగాణ ప్రభుత్వం, ప్రముఖ గ్లోబల్ టెక్నాలజీ సంస్థ అనలాగ్ , మౌలిక సదుపాయాల దిగ్గజం మేఘా ఇంజనీరింగ్ అండ్ ఇన్‌ఫ్రాస్ట్రక్చర్స్ లిమిటెడ్ సంస్థల మధ్య ఒక కీలక అవగాహన ఒప్పందం కుదిరింది. ముఖ్యమంత్రి ఎనుముల రేవంత్ రెడ్డి సమక్షంలో, అనలాగ్ వ్యవస్థాపకుడు , సీఈఓ అలెక్స్ కిప్‌మన్, ఎంఈఐఎల్ మేనేజింగ్ డైరెక్టర్ పి. కృష్ణా రెడ్డిల ఉన్నత స్థాయి సమావేశం అనంతరం ఈ ఒప్పందంపై సంతకాలు జరిగాయి. తెలంగాణలో సాంకేతిక సహకారాన్ని బలోపేతం చేయడం, ఆవిష్కరణల ఆధారిత మౌలిక సదుపాయాల అభివృద్ధిని వేగవంతం చేయడమే ఈ ఒప్పందం ముఖ్య ఉద్దేశం.<br /> <br /><strong> హైదరాబాద్ ట్రాఫిక్ పైలట్ ప్రాజెక్ట్ </strong></p>
<p>ఈ సమావేశంలో అనలాగ్, మేఘా సంస్థల ప్రతినిధులు ముఖ్యమంత్రి రేవంత్ రెడ్డికి ప్రతిపాదిత హైదరాబాద్ ట్రాఫిక్ పైలట్ ప్రాజెక్ట్ బ్లూప్రింట్‌ను వివరించారు. అధునాతన సాంకేతిక పరిజ్ఞానాన్ని ఉపయోగించి నగరంలో రవాణా సౌకర్యాలను మెరుగుపరచడం, సిటీ మేనేజ్‌మెంట్‌ను సులభతరం చేయడంపై ఈ ప్రాజెక్ట్ దృష్టి సారించనుంది. సెన్సార్లు, రోబోటిక్స్, ఆర్టిఫిషియల్ ఇంటెలిజెన్స్ కలయికతో మరింత సురక్షితమైన, స్మార్ట్ , స్పందించే పట్టణ మౌలిక సదుపాయాలను ఎలా సృష్టించవచ్చో కంపెనీలు ప్రజెంటేషన్ ద్వారా ప్రదర్శించాయి. ప్రస్తుతం అనలాగ్, ఎంఈఐఎల్ సంయుక్తంగా చేపడుతున్న పలు ప్రాజెక్టుల పురోగతిపై కూడా ఈ సందర్భంగా చర్చించారు.</p>
<p><strong> ఏఐ అడాప్టివ్ సిగ్నల్స్.. అంబులెన్స్‌లకు గ్రీన్ ఛానల్ ప్రాధాన్యత! </strong></p>
<p>ఈ నెక్స్ట్ జనరేషన్ కోగ్నిటివ్ సిటీస్ కాన్సెప్ట్‌లో భాగంగా పలు అద్భుతమైన ఫీచర్లను ముఖ్యమంత్రికి వివరించారు. అందులో ముఖ్యంగా ఏఐ-ఎనేబుల్డ్ అడాప్టివ్ ట్రాఫిక్ సిగ్నల్స్, రియల్ టైమ్ ట్రాఫిక్ జామ్‌ల తక్షణ నియంత్రణ , పైప్‌లైన్లలో నీటి లీకేజీలను ముందే గుర్తించే సాంకేతికత, స్మార్ట్ ఎనర్జీ మేనేజ్‌మెంట్ ఉన్నాయి. అన్నింటికంటే ముఖ్యంగా అత్యవసర సమయాల్లో అంబులెన్స్‌లు, ఫైర్ సర్వీస్ వాహనాలకు ట్రాఫిక్ చిక్కులు లేకుండా ప్రాధాన్యత మార్గాలను కేటాయించే వ్యవస్థను ఇందులో పొందుపరిచారు. డేటా ఆధారిత ఇన్‌ఫ్రాస్ట్రక్చర్ ప్లానింగ్ ద్వారా పారదర్శకమైన పాలనను అందించవచ్చని, పౌర సేవలను మరింత వేగవంతం చేయవచ్చని కంపెనీలు స్పష్టం చేశాయి. </p>
<blockquote class="twitter-tweet">
<p dir="ltr" lang="en">Hon'ble Chief Minister Sri <a href="https://x.com/revanth_anumula?ref_src=twsrc%5Etfw">@revanth_anumula</a> held a meeting with a delegation led by Mr. <a href="https://x.com/akipman?ref_src=twsrc%5Etfw">@akipman</a>, Founder & CEO of Analog, and Mr. P. Krishna Reddy, Managing Director of <a href="https://x.com/MEIL_Group?ref_src=twsrc%5Etfw">@MEIL_Group</a>, to discuss the deployment of next-generation intelligent infrastructure solutions in Telangana.… <a href="https://t.co/zkSX3JlPuZ">pic.twitter.com/zkSX3JlPuZ</a></p>
— Telangana CMO (@TelanganaCMO) <a href="https://x.com/TelanganaCMO/status/2072310595731517682?ref_src=twsrc%5Etfw">July 1, 2026</a></blockquote>
<p>
<script src="https://platform.x.com/widgets.js" async="" charset="utf-8"></script>
<br /><strong> వాతావరణాన్ని బట్టి మారే సిగ్నల్ టైమింగ్స్! </strong></p>
<p>కంపెనీల ప్రజెంటేషన్‌పై సానుకూలంగా స్పందించిన ముఖ్యమంత్రి రేవంత్ రెడ్డి.. హైదరాబాద్ నగరంలోని అన్ని ట్రాఫిక్ సిగ్నల్స్‌ను ఒకే గొడుగు కిందికి తెస్తూ యూనిఫైడ్ ఇంటెలిజెంట్ సిస్టమ్ గా అనుసంధానించాలని అధికారులను ఆదేశించారు. నగరంలో ఎక్కడైనా ట్రాఫిక్ రద్దీ పెరిగినా, లేదా వర్షం వంటి వాతావరణ పరిస్థితులు మారినా.. దానికి అనుగుణంగా సిగ్నల్ టైమింగ్స్ స్వయంచాలకంగా మారిపోయేలా ఏఐ ఆధారిత ట్రాఫిక్ మేనేజ్‌మెంట్‌ను రూపొందించాలని సీఎం <a title="రేవంత్ రెడ్డి" href="https://telugu.abplive.com/topic/Revanth-Reddy" data-type="interlinkingkeywords">రేవంత్ రెడ్డి</a> సూచించారు. దీనివల్ల నగరవాసులకు ప్రయాణ సమయం కలిసిరావడంతో పాటు కాలుష్యం కూడా తగ్గుతుందని ఆయన అభిప్రాయపడ్డారు. </p>
<p><strong> విశ్వనగరంగా హైదరాబాద్‌కు నయా హంగులు! </strong></p>
<p>ఈ అవగాహన ఒప్పందం కేవలం ట్రాఫిక్ నియంత్రణకే పరిమితం కాకుండా, రాబోయే రోజుల్లో హైదరాబాద్ నగర రూపురేఖలను మార్చే ఒక మైలురాయిగా నిలవనుంది. అంతర్జాతీయ సాంకేతిక పరిజ్ఞానం కలిగిన అనలాగ్ సంస్థ, ప్రాజెక్టుల నిర్మాణంలో అపార అనుభవం ఉన్న మేఘా సంస్థలు చేతులు కలపడం వల్ల ఈ ఐటీ హబ్ మరింత బలోపేతం కానుంది. భౌతిక మౌలిక సదుపాయాలకు ఆర్టిఫిషియల్ ఇంటెలిజెన్స్‌ను జోడించడం ద్వారా గ్లోబల్ డిజిటల్ సిటీల సరసన హైదరాబాద్ నిలవడానికి ఈ సరికొత్త ప్రాజెక్ట్ ఎంతగానో దోహదపడనుంది.</p>
<p><iframe class="vidfyVideo" style="border: 0px;" src="https://telugu.abplive.com/web-stories/health/watching-too-many-reels-here-are-the-many-problems-it-causes-252031" width="631" height="381" scrolling="no"></iframe><br /> </p>
4 months ago
4 
