<p><strong>Telangana Gaddar Awards 2026 Event : </strong>ఉగాది సందర్భంగా తెలంగాణ గద్దర్ ఫిల్మ్ అవార్డుల ప్రధానోత్సవ వేడుక ఘనంగా జరిగింది. మాదాపూర్ హైటెక్ కన్వెన్షన్ సెంటర్ వేదికగా ఈ వేడుక వైభవంగా జరిగింది. మెగాస్టార్ చిరంజీవితో పాటు తెలంగాణ డిప్యూటీ సీఎం భట్టి విక్రమార్క, మంత్రి జూపల్లి కృష్ణారావు జ్యోతి ప్రజ్వలన చేసి ఈవెంట్ ప్రారంభించారు. ఈ వేడుకకు టాలీవుడ్ టాప్ హీరోస్‌తో పాటు విజేతలు వారి కుటుంబ సభ్యులతో సందడి చేశారు. ఈ సందర్భంగా ఏర్పాటు చేసిన సాంస్కృతిక కార్యక్రమాలు అలరించాయి.</p>
<p>గతేడాది విడుదలై సత్తా చాటిన మూవీస్‌కు అవార్డులు ఇప్పటికే అనౌన్స్ చేశారు. ఉత్తమ చిత్రంగా రాజు వెడ్స్ రాంబాయి, ఉత్తమ నటుడిగా నాగ చైతన్య (తండేల్), ఉత్తమ నటిగా రష్మిక మందన్న (ది గర్ల్ ఫ్రెండ్) అవార్డు అందుకున్నారు. విజేతలకు డిప్యూటీ సీఎం భట్టి పురస్కారాలు అందజేశారు. </p>
<p><strong>జ్యూరీ కమిటీకి...</strong></p>
<p>అలాగే, మెగాస్టార్ చిరంజీవికి ఎన్టీఆర్ నేషనల్ అవార్డ్, ప్రముఖ రచయిత సుద్దాల అశోక్ తేజకు సినారె అవార్డ్, సహజ నటి జయసుధకు అక్కినేని నాగేశ్వరరావు అవార్డు, ఆర్ నారాయణమూర్తికి కాంతారావు అవార్డు వరించింది. జ్యూరీ కమిటీకి గోల్డెన్ మెమెంటో, ప్రశంసా పత్రంతో పాటు లక్ష నగదు ప్రోత్సాహకాన్ని TFDC ఛైర్మన్, నిర్మాత దిల్ రాజు అందజేశారు.</p>
<p><strong>Also Read : <a title="అమెజాన్ ప్రైమ్ వీడియో మెగా లైనప్ - 55కి పైగా కొత్త సిరీస్‌లు... మీర్జాపూర్ నుంచి గూఢచారి 2 వరకూ కంప్లీట్ లిస్ట్" href="https://telugu.abplive.com/entertainment/ott-webseries/amazon-prime-video-upcoming-new-web-series-new-movies-latest-complete-list-241485" target="_self">అమెజాన్ ప్రైమ్ వీడియో మెగా లైనప్ - 55కి పైగా కొత్త సిరీస్‌లు... మీర్జాపూర్ నుంచి గూఢచారి 2 వరకూ కంప్లీట్ లిస్ట్</a></strong></p>
3 weeks ago
4 
