Taslima Nasrin Back To Kolkata: రెండు దశాబ్దాల తరువాత కోల్‌కతాకు తస్లీమా నస్రీన్.. 3 ప్రభుత్వాలపై ఆసక్తికర వ్యాఖ్యలు

<p>Writer Taslima Nasrin | కోల్&zwnj;కతా: బంగ్లాదేశ్ ప్రభుత్వం బహిష్కరించిన వివాదాస్పద రచయిత్రి తస్లీమా నస్రీన్ పశ్చిమ బెంగాల్ ప్రభుత్వాన్ని ప్రశంసించారు. దాదాపు 19 ఏళ్ల తరువాత ఆమె పశ్చిమ బెంగాల్&zwnj;లో కాలుపెట్టారు. ఒక ప్రభుత్వం నన్ను దేశం విడిచిపెట్టేలా చేసింది, మరొక ప్రభుత్వం నన్ను రానివ్వలేదు.. మూడవ ప్రభుత్వం నాకు స్వాగతం పలికింది. ప్రస్తుతం నేను చాలా సంతోషంగా ఉన్నాను అని తస్లీమా నస్రీన్ అన్నారు.</p> <p>బంగ్లాదేశ్ బహిష్కరించిన తరువాత ఆమె ఢిల్లీకి వచ్చి నివాసం ఉంటున్నారు. దాదాపు రెండు దశాబ్దాల తరువాత కోల్&zwnj;కతాలో కాలుపెట్టిన తస్లీమా నస్రీన్ మాట్లాడుతూ.. 'నేను బెంగాల్ సీఎం సువేందు అధికారికి ఈ సందర్భంగా ధన్యవాదాలు తెలుపుతున్నాను. ఆయన నాకు భద్రతను కల్పిస్తామని హామీ ఇచ్చారు. ఎలాంటి ఇబ్బంది లేకుండా చూస్తామని భరోసా ఇచ్చారు. నేను కోల్&zwnj;కతాలోనే ఉంటానా లేదా అనే విషయంపై ఇంకా నిర్ణయం తీసుకోలేదు. అయితే రెండు దేశాల మధ్య సంబంధాలు బాగుంటాయని ఆశిస్తున్నాను. 1971లో భారత ప్రభుత్వం మా (బంగ్లాదేశ్) కోసం ఏం చేసిందో మేం ఎల్లప్పుడూ గుర్తుంచుకుంటాం. కానీ కొందరు పాకిస్థానీ జిహాదీలు భారత్&zwnj;కు వ్యతిరేకంగా ప్రవర్తిస్తున్నారు&rsquo; అని మహిళా రచయిత్రి పేర్కొన్నారు.</p> <p><strong>కేంద్ర ప్రభుత్వం భావప్రకటనా స్వేచ్ఛను నమ్ముతుంది: తస్లీమా</strong></p> <p>తస్లీమా నస్రీన్ దాదాపు రెండు దశాబ్దాల తర్వాత కోల్&zwnj;కతాకు తిరిగి వచ్చిన తరువాత ఆదివారం మీడియాతో మాట్లాడారు. గత 19 ఏళ్లలో వివిధ ప్రభుత్వాల హయాంలో తనకు ఎదురైన అనుభవాల గురించి మాట్లాడారు. లెఫ్ట్ ఫ్రంట్, తృణమూల్ కాంగ్రెస్, ప్రస్తుత బిజెపి ప్రభుత్వాల మధ్య ఉన్న స్పష్టమైన వ్యత్యాసాన్ని తస్లీమా షేర్ చేసుకున్నారు. పనిలో పనిగా కేంద్ర ప్రభుత్వ వైఖరిని ఆమె ప్రశంసించారు. &lsquo;ప్రస్తుత భారత ప్రభుత్వం భావప్రకటనా స్వేచ్ఛను నమ్ముతుంది. నేను చేసే కార్యక్రమంలో ఎలాంటి రాజకీయం లేదు. ఈ ఒక్క మాట కోసం నేను ఎన్నో ఏళ్లుగా ఎదురు చూశానని&rsquo; ఆమె అన్నారు.</p> <p><strong>2007లో కోల్&zwnj;కతాను వీడాల్సి వచ్చింది</strong></p> <p>చాలా ఏళ్ల కిందటే బెంగాల్&zwnj;ను వీడిన తస్లీమా నస్రీన్ రెండు దశాబ్దాల తర్వాత కోల్&zwnj;కతాకు తిరిగి వచ్చారు. 2003లో ప్రచురితమైన ఆమె రచన, జ్ఞాపకాల పుస్తకం ద్విఖోందితోపై తీవ్ర నిరసనలు వ్యక్తమవ్వడంతో ఆమె ఆ నగరాన్ని విడిచిపెట్టాల్సి వచ్చింది. మతపరమైన భావాలను దెబ్బతీసిందనే ఆరోపణలతో ద్విఖోందితో పుస్తకాన్ని నిషేధించింది. మత విమర్శలు, సమాజంలో స్త్రీల అణచివేతపై ఆమె రాసిన భావాలు ఇందులో ఉన్నాయి. ఈ పుస్తకంలోని కొన్ని వ్యాఖ్యల వల్ల మత వివాదాలు చెలరేగుతున్న సమయంలో అప్పటి బెంగాల్ ప్రభుత్వం తస్లీమా నస్రీన్ రచనపై ఆంక్షలు విధించింది. దాంతో 2007లో కోల్&zwnj;కతాను వీడిన తరువాత నగరంలో ఆమె చేసిన మొదటి పర్యటన ఇదే. బెంగాల్&zwnj;లోకి ఆమె ప్రవేశం కల నెరవేరడంపౌై ప్రస్తుత బీజేపీ ప్రభుత్వం, కేంద్ర ప్రభుత్వాలకు ఆమె ధన్యవాదాలు తెలిపారు.</p>