<p><strong>DMDK Join DMK alliance: త</strong>మిళనాడు రాజకీయాల్లో కీలక పరిణామం చోటుచేసుకుంది. 2026 అసెంబ్లీ ఎన్నికల నేపథ్యంలో అధికార డీఎంకే కూటమిలోకి విజయకాంత్ స్థాపించిన డీఎండీకే పార్టీ అధికారికంగా చేరింది. గురువారం చెన్నైలోని డీఎంకే ప్రధాన కార్యాలయం అరివాలయం లో ముఖ్యమంత్రి ఎం.కే. స్టాలిన్‌తో డీఎండీకే ప్రధాన కార్యదర్శి ప్రేమలత విజయకాంత్ భేటీ అయ్యారు. ఈ సమావేశం అనంతరం ఆమె విలేకరులతో మాట్లాడుతూ డీఎంకేతో తమ పొత్తు ఖరారైనట్లు ప్రకటించారు.<br /> <br /><strong>మొదటిసారి డీఎంకేతో పొత్తు </strong></p>
<p>డీఎండీకే పార్టీ చరిత్రలో మొదటిసారిగా డీఎంకేతో జతకడుతోంది. 2011 నుండి ఇప్పటివరకు ఆ పార్టీ ప్రధానంగా అన్నాడీఎంకే తోనే పొత్తులో ఉంది. అయితే, ఈసారి తమ పార్టీ క్యాడర్ కోరిక మేరకు డీఎంకేతో వెళ్లాలని నిర్ణయించుకున్నట్లు ప్రేమలత తెలిపారు. కార్యకర్తల నిర్ణయమే నా నిర్ణయం. కెప్టెన్ విజయకాంత్ బతికున్నప్పుడే ఈ పొత్తు కుదరాల్సి ఉంది అని ఆమె పేర్కొన్నారు. దివంగత నేతలు విజయకాంత్, కరుణానిధి మధ్య ఉన్న సాన్నిహిత్యాన్ని ప్రేమలత ఈ సందర్భంగా గుర్తు చేసుకున్నారు. </p>
<blockquote class="twitter-tweet">
<p dir="ltr" lang="ta">முத்தமிழறிஞர் தலைவர் கலைஞர் மேல் மாறாத அன்பு கொண்டவர் நமது தலைவர் ‘கேப்டன்’ விஜயகாந்த் அவர்கள்.<a href="https://twitter.com/hashtag/DravidianModel?src=hash&ref_src=twsrc%5Etfw">#DravidianModel</a> ஆட்சி தொடரவும், தமிழ்நாடு அனைத்து வகையிலும் முன்னேறவும் இணைந்து பயணிப்போம்!<a href="https://twitter.com/hashtag/%E0%AE%B5%E0%AF%86%E0%AE%B2%E0%AF%8D%E0%AE%B5%E0%AF%8B%E0%AE%AE%E0%AF%8D_%E0%AE%92%E0%AE%A9%E0%AF%8D%E0%AE%B1%E0%AE%BE%E0%AE%95?src=hash&ref_src=twsrc%5Etfw">#வெல்வோம்_ஒன்றாக</a>!<a href="https://twitter.com/hashtag/dmdk?src=hash&ref_src=twsrc%5Etfw">#dmdk</a> <a href="https://twitter.com/hashtag/dmk?src=hash&ref_src=twsrc%5Etfw">#dmk</a> <a href="https://t.co/GyLN47Pwpp">pic.twitter.com/GyLN47Pwpp</a></p>
— Premallatha Vijayakant (@PremallathaDmdk) <a href="https://twitter.com/PremallathaDmdk/status/2024359998143549911?ref_src=twsrc%5Etfw">February 19, 2026</a></blockquote>
<p><strong>సీట్ల సర్దుబాటుకు కమిటీ </strong></p>
<p>పొత్తు ఖరారైనందున, సీట్ల సర్దుబాటుపై చర్చించేందుకు డీఎండీకే ఒక ప్రత్యేక కమిటీని ఏర్పాటు చేయనుంది. ఈ కమిటీ డీఎంకే నియమించిన బృందంతో చర్చలు జరిపి, ఎన్ని స్థానాల్లో పోటీ చేయాలనే దానిపై స్పష్టతనిస్తుంది. తమ పార్టీ హక్కుల గురించి ఇప్పటికే స్టాలిన్‌తో చర్చించామని, గౌరవప్రదమైన స్థానాలు లభిస్తాయని ప్రేమలత ఆశాభావం వ్యక్తం చేశారు. అన్నాడీఎంకే కంటే కలైజ్ఞర్ కుటుంబమే కెప్టెన్‌కు అత్యంత సన్నిహితంగా ఉండేదని, అందుకే ఈ నిర్ణయం తీసుకున్నామని ఆమె వివరించారు. ఈ కూటమి రాబోయే ఎన్నికల్లో 200కు పైగా స్థానాల్లో విజయం సాధించి, డీఎంకే మళ్లీ ప్రభుత్వాన్ని ఏర్పాటు చేస్తుందని ధీమా వ్యక్తం చేశారు. </p>
<blockquote class="twitter-tweet">
<p dir="ltr" lang="en"><a href="https://twitter.com/hashtag/WATCH?src=hash&ref_src=twsrc%5Etfw">#WATCH</a> | Chennai | On her party's alliance with DMK for Tamil Nadu Assembly polls, DMDK General Secretary Premalatha Vijayakanth says," We are forming an alliance with DMK for the first time. Since 2011, we were with AIADMK, but this time our party cadres wanted that we should… <a href="https://t.co/5jIBRoVsy8">pic.twitter.com/5jIBRoVsy8</a></p>
— ANI (@ANI) <a href="https://twitter.com/ANI/status/2024391225818980649?ref_src=twsrc%5Etfw">February 19, 2026</a></blockquote>
<p><strong>అన్నాడీఎంకేకు మైనస్ </strong></p>
<p>డీఎండీకే రాకతో డీఎంకే నేతృత్వంలోని సెక్యులర్ ప్రోగ్రెసివ్ అలయన్స్ మరింత బలోపేతమైంది. గత ఎన్నికల్లో వేర్వేరుగా పోటీ చేసిన ఈ రెండు పార్టీలు ఇప్పుడు ఏకం కావడం తమిళ రాజకీయాల్లో ఆసక్తి రేపుతోంది. మరోవైపు, తమ మిత్రపక్షం చేజారిపోవడం అన్నాడీఎంకేకు కొంత ప్రతికూల అంశంగా మారే అవకాశం ఉంది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/crime/do-you-know-what-really-happened-in-the-film-actress-pratyusha-case-238379" width="631" height="381" scrolling="no"></iframe></p>
1 month ago
7 
