<p><strong>Kalavari Kodalu Kanaka Mahalakshmi Serial Today Episode</strong> | బుల్లితెర ప్రేక్షకులను విశేషంగా ఆకట్టుకుంటున్న "కలవారి కోడలు కనకమహాలక్ష్మీ" సీరియల్ రోజు రోజుకూ ట్విస్ట్‌లు టర్న్‌లతో ఆసక్తికరంగా మారుతోంది. ఈ రోజు(అక్టోబరు 31న) ప్రసారం కానున్న ఎపిసోడ్‌లో ఏం జరగనుందో ఎలాంటి ఆసక్తికరమైన పరిణామాలు చోటు చేసుకోనున్నాయో ఇప్పుడు తెలుసుకుందాం. </p>
<p><strong>విహారిని బలి ఇచ్చేయాలి.. </strong></p>
<p>సుభాష్ తన మనుషులతో గుడి దగ్గరకు వచ్చేస్తాడు. అంబికను కలుస్తాడు. అంబిక సుభాష్‌ ఈ రోజు ఆ విహారిని ఎలా అయినా బలి ఇచ్చేయాలి.. అన్నీ ఏర్పాట్లు చేసుకోండి.. ఎట్టి పరిస్థితుల్లో వాడు మిస్ అవ్వకూడదు అని అంటుంది. అన్నీ ఏర్పాటు చేశాం విహారిని ఆ గుంపులో నుంచి నువ్వు బయటకు తీసుకురా అని సుభాష్ అంబికకు చెప్తాడు. అంబిక సరే అని విహారిని బయటకు తీసుకురావడానికి వెళ్తుంది. విహారికి ఓ ఫోన్ వచ్చి మాట్లాడటానికి పక్కకి వెళ్తే అంబిక విహారి దగ్గరకు వెళ్లి మీ అమ్మ ఇన్‌ హేలర్ కారులో మర్చిపోయింది.. తీసుకొచ్చేయ్ అని పంపిస్తుంది. విహారి అంబిక మాటతో కారు దగ్గరకు వెళ్తాడు. అంబిక సుభాష్‌కి కాల్ చేసి విహారి వస్తున్నాడని చెప్తుంది. </p>
<p><strong>విహారి మీద దాడి.. </strong></p>
<p>మహా సహస్ర వాళ్ల దగ్గర ఉంటుంది. ఇంతలో ఒకావిడ పక్కనే ఉన్న నాగదేవతకి ఐదు కొబ్బరికాయలు కొట్టి కోరిక కోరుకుంటే నెరవేరుతుంది అని మరొకావిడతో చెప్పడం మహా విని తాను కూడా అక్కడికి వెళ్తుంది. నాగ దేవత దగ్గరకు వెళ్లి దండం పెట్టుకుంటూ ఉంటుంది. అటుగా విహారి కారు దగ్గరకు వెళ్లి ఇన్‌హేలర్ తీసుకొస్తూ ఉంటాడు. ఉత్సవాల్లో రకరకాల నాటకాల్లో సుభాష్‌ మనుషులు కలిసిపోయి విహారి వెనకాలే పెద్ద కత్తులు తీసుకొని వెళ్తారు. మొదట లక్ష్మీ ఓ కొబ్బరి కాయ కొట్టగానే ఒక రౌడీ పడిపోతాడు. సుభాష్ చూసి అయ్యో అనుకుంటాడు. తర్వాత మహా సహస్ర వాళ్ల దగ్గరకు వెళ్లి విహారి కనిపించకపోవడంతో ఎక్కడున్నాడా అని వెతుకుతుంది. </p>
<p><strong>మరో ప్లాన్.. </strong></p>
<p>విహారి మీద ఈ సారి సుభాష్ గునపం విసురుతాడు. అప్పుడే మహా విహారిని చూసి విహారి దగ్గరకు వెళ్లి ఢీ కొట్టడంతో ఇద్దరూ కింద పడిపోతారు. ఆ గునపం పూలకి తగిలి ఇద్దరినీ ఆశీర్వదించినట్లు మీద పూలు పడతాయి. విహారి వెనకాలే రౌడీని మహా చూసి అనుమానంతో ఎవరు మీరు అని అడుగుతుంది. విహారి యమున దగ్గరకు వెళ్లి ఇన్‌ హేలర్ ఇస్తాడు. అంబిక విహారిని చూసి షాక్ అయిపోతుంది. సుభాష్‌కి కాల్ చేసి ఎందుకు విహారిని చంపలేదు అని అడిగితే మహా అడ్డు వచ్చింది.. మహాని డైవర్ట్ చేయ్ అని సుభాస్ చెప్పడంతో అంబిక మరో ప్లాన్ ఇస్తుంది. </p>
<p><strong>సహస్రకు ప్రమాదం..</strong></p>
<p>సహస్రకు స్వామీజీ బిందె ఇచ్చి 108 బిందెల నీరు తీసుకొచ్చి అమ్మవారికి అభిషేకం చేయమని చెప్తారు. సహస్ర తప్పించుకునే మార్గమే లేకుండా పోతుంది. బావి దగ్గరకు వెళ్లి నీటిని తోడి బిందెలో వేసి సహస్ర నీరు మోసుకుంటూ అమ్మవారి వరకు తీసుకొస్తూ మొదటిలోనే అంతరాయం కలిగితే ఎవరూ ఏం చేయలేరు అని అనుకుంటూ ఏం చేయాలా అనుకుంటూ ఉంటుంది. ఇంతలో అమ్మవారి ముందు వేసిన మ్యాట్‌లో కాలు ఇరుక్కుపోయి పడిపోతుంది. కాలు బెనికిపోతుంది. ఈ పూజ చేయలేవు అని చెప్పా కదా అయినా వినవా అని పద్మాక్షి అంటే బావ కోసం చేస్తా అని సహస్ర అంటుంది. కానీ కాలు నొప్పికి నడవలేకపోతుంది. పద్మాక్షి ఫస్ట్ ఎయిడ్ చేస్తా అని సహస్రని పక్కకి తీసుకెళ్తుంది. విహారి సహస్రతో నీకు కాలే బెనికింది కదా.. నేను నీకు సాయం చేస్తా పద పూజ పూర్తి చేద్దువు అని అంటాడు. అలా అంటావేంట్రా అని పద్మాక్షి అంటుంది. ఇక మహా తాను ఈ దీక్ష పూర్తి చేస్తానని అనుకుంటుంది. దీంతో ఇవాళ్టి ఎపిసోడ్ పూర్తయిపోతుంది. </p>
<p><a title="<strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong>" href="https://telugu.abplive.com" target="_self"><strong>ఇలాంటి మరిన్ని ఆసక్తికరమైన సీన్స్‌తో పాటు తదుపరి ఎపిసోడ్‌లో ఏం జరుగుతుందో తెలుసుకోవాలి అనుకుంటే ఏబీపీ దేశం పేజీని ఫాలో అవ్వండి. </strong></a></p>
1 hour ago
1 
