<p><strong>Tamil Nadu Crime News: </strong>చెన్నైలోని OMRలోని చెమ్మంచెరి ప్రాంతంలో నివసిస్తున్న 50 ఏళ్ల మహిళ 14వ తేదీన చెట్టుపట్‌లోని మెకానికల్స్ రోడ్‌లోని ఒక కల్యాణ మండపంలో జరిగిన పెళ్లికి హాజరైంది. మండపానికి చేరుకున్న తర్వాత బాత్రూమ్‌కు వెళ్లి రిఫ్రెష్ అయ్యింది. బాత్రూంలో బట్టలు మార్చుకుంటుండగా, కిటికీలోంచి ఒక వ్యక్తి తన సెల్ ఫోన్‌లో వీడియో తీస్తున్నట్లు ఆమె గమనించింది. </p>
<p>ఆ సీన్ చూసిన మహిళ భయంతో గట్టిగా కేకలు వేసింది. వెంటనే అక్కడే ఉన్న వారంతా అలర్ట్ అయ్యారు. ఆ వ్యక్తిని వారు పట్టుకొని కొట్టారు. పోలీసులకు సమాచారం అందించి అతన్ని అప్పగంచారు. <br /> <br />బాధితురాలు చెట్టుపేట్ పోలీస్ స్టేషన్‌లో ఇచ్చిన ఫిర్యాదు ఆధారంగా, పోలీసులు భారతీయ న్యాయ సంహిత చట్టం (BNS చట్టం), సమాచార సాంకేతిక చట్టం (IT చట్టం) కింద కేసు నమోదు చేసి దర్యాప్తు చేపట్టారు. చెట్టుపేట్ పోలీస్ స్టేషన్ ఇన్‌స్పెక్టర్ నేతృత్వంలోని పోలీసు బృందం ఘటనా స్థలంలో ముమ్మర దర్యాప్తు నిర్వహించారు. వేలచేరికి చెందిన ప్రభు (వయస్సు 29) ఈ నేరానికి పాల్పడినట్టు నిర్దారించారు. </p>
<p>అతని నుంచి సెల్‌ఫోన్‌ స్వాధీనం చేసుకున్నారు. దర్యాప్తులో కీలక విషయాలు వెలుగులోకి వచ్చాయి. వివాహ డెకరేషన్‌కు వచ్చిన మహిళ భర్తే ఈ దారుణానికి పాల్పడినట్టు తేల్చారు. అతని సెల్ ఫోన్‌ను పరిశీలించినప్పుడు, గత రెండు రోజులుగా పెళ్లి మండప టాయిలెట్‌లో ఇలాంటి వీడియోలను చాలా సార్లు తీశాడని తేలింది. దర్యాప్తు తర్వాత అరెస్టు చేసిన ప్రభును<br />కోర్టులో హాజరుపరిచారు. </p>
<h3>విదేశీ సిగరెట్లు అనుమతి లేకుండా అమ్ముతున్న వ్యక్తులు అరెస్టు </h3>
<p>చెన్నైలోని నార్త్ బీచ్ పోలీస్ స్టేషన్ ఇన్‌స్పెక్టర్ నేతృత్వంలోని పోలీసు బృందం, రాజాజీ రోడ్‌లోని నార్త్ బీచ్‌లోని బర్మా బజార్ ప్రాంతంలో ఇద్దరి వ్యక్తులను అరెస్టు చేశారు. అనుమానాస్పదంగా బ్యాగులతో నిలబడి ఉన్న ఇద్దరు వ్యక్తులను విచారించగా అసలు విషయం వెలుగులోకి వచ్చింది. వారు అక్రమంగా విదేశీ సిగరెట్లు దాచి పెట్టి అమ్ముతున్నారని తేలింది. </p>
<p>నార్త్ కోస్ట్ పోలీస్ స్టేషన్‌లో కేసు నమోదు అయ్యింది. వ్యాసర్పాడి ప్రాంతానికి చెందిన ప్రభాకరన్ (32 ఏళ్ల వయస్సు), ప్రకాష్ (30 ఏళ్ల వయస్సు) అనే ఇద్దరు వ్యక్తులను అక్రమంగా విదేశీ సిగరెట్లు అమ్ముతున్నందుకు అరెస్టు చేశారు. వారి నుంచి సుమారు రూ.10,800 విలువైన 360 ప్యాకెట్ల విదేశీ సిగరెట్లు, ESSE స్పెషల్ గోల్డ్, ESSE లైట్, విన్‌ స్వాధీనం చేసుకున్నారు. అరెస్టు చేసిన ఇద్దరినీ విచారణ తర్వాత కోర్టులో హాజరుపరిచి, కోర్టు ఆదేశం ప్రకారం రిమాండ్‌కు తరలించారు.</p>
1 month ago
5 
