<p>Talliki Vandanam Eligibility Status: ఆంధ్రప్రదేశ్ ప్రభుత్వం 1వ తరగతి నుంచి ఇంటర్ వరకు చదువుతున్న విద్యార్థులకు తల్లికి వందనం పథకం అమలు చేస్తుంది. ఈ పథకం ప్రతి ఏటా రూ.15 వేలు నేరుగా ఖాతాల్లో జమ చేస్తున్నారు. వీటిలో రూ.13 వేలు విద్యార్థి తల్లి బ్యాంక్ ఖాతాలో జమ చేస్తారు. మిగిలిన రూ.2 వేలు మాత్రం సూళ్ల నిర్వహణ కోసం వినియోగిస్తారు. 2026-27 విద్యా సంవత్సరం ప్రారంభం జూన్ లో తల్లికి వందనం డబ్బులు లబ్దిదారుల ఖాతాల్లో జమ చేయాలని ప్రభుత్వం నిర్ణయించింది. అయితే తల్లికి వందనం స్కీమ్ కు మీరు అర్హులా, కాదా అనే తెలుసుకోవచ్చు. అదేలానో చూద్దాం. </p>
<h3>తల్లికి వందనం పథకం స్టేటస్ తనిఖీ విధానం</h3>
<p>2026-27 కొత్త విద్యా సంవత్సరానికి సంబంధించిన “తల్లికి వందనం” పథకం అర్హతను ఆన్‌లైన్‌లో ఈ కింద విధంగా చెక్ చేసుకోవచ్చు. </p>
<p>1. అధికారిక వెబ్‌సైట్ https://bm-sgsw.ap.gov.in/BM/Schemeout లింక్ ను ఓపెన్ చేయండి<br />2. కుటుంబ పెద్ద లేదా తల్లి ఆధార్ నెంబర్ నమోదు చేయండి<br />3. స్కీమ్ టైప్ లో “తల్లికి వందనం” సెలెక్ట్ చేయండి<br />4. సంవత్సరం 2026-27 సెలెక్ట్ చేయండి<br />5. "Get Details" పై క్లిక్ చేయండి<br />6. ఆధార్‌కు లింక్ అయిన మొబైల్ నెంబర్‌కు ఓటీపీ వస్తుంది<br />7. OTP నమోదు చేయండి<br />8. 'Verify'పై క్లిక్ చేయండి</p>
<p><iframe title="YouTube video player" src="https://www.youtube.com/embed/BRuYDG_1V-k?si=pENc6ond3CN6BPhJ" width="560" height="315" frameborder="0" allowfullscreen="allowfullscreen"></iframe></p>
<p>Also Read: <a title=" రోజుకు రూపాయితో రూ.6,00,00 బీమా.. ఈ ప్రభుత్వ పథకాల గురించి తెలుసా?" href="https://telugu.abplive.com/telangana/hyderabad/government-insurance-schemes-how-pmjjby-pmsby-rupay-provide-rs-6-lakh-cover-248055" target="_self"> రోజుకు రూపాయితో రూ.6,00,00 బీమా.. ఈ ప్రభుత్వ పథకాల గురించి తెలుసా?</a></p>
<h3>వెరిఫై చేసిన తర్వాత మూడు విభాగాలు కనిపిస్తాయి. అవి </h3>
<ol>
<li>సిటిజన్ డీటైల్స్ </li>
<li>ఫ్యామిలీ డీటైల్స్ </li>
<li>స్కీమ్ ఎలిజిబిలిటీ కాలిక్యులేటర్</li>
</ol>
<p> ఎలిజిబిలిటీ కాలిక్యులేటర్ లో వాలిడేషన్ స్టేటస్ 'Satisfied' అని ఉంటే మీరు తల్లికి వందనం పథకానికి అర్హులు అవుతారు. వివరాల్లో తప్పులు ఉంటే వెంటనే సంబంధిత సచివాలయం లేదా పాఠశాలలో సంప్రదించి సరిచేసుకోవాలి. </p>
<p>Also Read: <a title="రూ.50 లక్షల లోన్, రూ.17 లక్షల సబ్సిడీ.. PMEGP Scheme అర్హతలు, అప్లై ప్రాసెస్ ఇలా" href="https://telugu.abplive.com/telangana/hyderabad/pmegp-scheme-get-up-to-50-lakh-loan-with-17-lakh-subsidy-check-eligibility-how-to-apply-248082" target="_self">రూ.50 లక్షల లోన్, రూ.17 లక్షల సబ్సిడీ.. PMEGP Scheme అర్హతలు, అప్లై ప్రాసెస్ ఇలా</a></p>
<h3>తల్లికి వందనం అర్హతలు </h3>
<ul>
<li>కుటుంబంలో ఎవరు ఆదాయపు పన్ను చెల్లించి ఉండకూడదు</li>
<li>10 ఎకరాలలోపు డ్రై ల్యాండ్ </li>
<li>5 ఎకరాలలోపు వెట్ ల్యాండ్ </li>
<li>12 నెలల విద్యుత్ వినియోగం 300 యూనిట్ల లోపు ఉండాలి. </li>
<li>కుటుంబంలో ఫోర్ వీలర్ కలిగి ఉండకూడదు.</li>
<li>పట్టణాల్లో 1000 చదరపు అడుగుల లోపు స్థలం ఉన్నవారు అర్హులు </li>
<li>కుటుంబంలో ఎవరూ ప్రభుత్వ/అవుట్‌సోర్స్/పెన్షన్/కాంట్రాక్ట్ ఉద్యోగిగా ఉండకూడదు.</li>
</ul>
<p>Also Read: <a title="విద్యుత్ బిల్లు ఆదాతో పాటు ఆదాయం.. రూ.78 వేల వరకు సబ్సిడీ.. పీఎం సూర్య ఘర్ స్కీమ్ పూర్తి వివరాలు ఇవే!" href="https://telugu.abplive.com/telangana/hyderabad/pm-surya-ghar-yojana-details-how-to-apply-subsidy-benefits-earn-from-solar-rooftop-247832" target="_self">విద్యుత్ బిల్లు ఆదాతో పాటు ఆదాయం.. రూ.78 వేల వరకు సబ్సిడీ.. పీఎం సూర్య ఘర్ స్కీమ్ పూర్తి వివరాలు ఇవే!</a></p>
<h3>బ్యాంక్ అకౌంట్ తో ఆధార్ లింక్ </h3>
<p>తల్లి వందనం డబ్బులు బ్యాంకులో పడాలంటే ముందుగా బ్యాంక్ అకౌంట్ ఆధార్‌తో అనుసంధానం చేసుకోవాలి. గతేడాది చాలామంది విద్యార్థులు అర్హత ఉండి కూడా తల్లికి వందనం పథకానికి పొందలేకపోయారు. ఈ సమస్యను దృష్టిలో ఉంచుకుని విద్యాశాఖ విద్యార్థుల తల్లులను ఇప్పటికే అలర్ట్ చేసింది. ప్రతి ఒక్కరూ తమ బ్యాంక్ అకౌంట్ ను ఆధార్ అనుసంధానం చేసుకోవాలని సూచించింది. <br /> </p>
<p> </p>
1 week ago
3 
