<p><strong>Stress Free Comedy Entertainers Complete Details : </strong>ప్రస్తుతం ఉరుకుల పరుగుల జీవితంలో నిరంతరం ఎన్నో ఒత్తిడులకు గురవుతుంటాం. ముఖంపై చిరునవ్వు మన స్ట్రెస్ తగ్గించి కాస్త రిలీఫ్ ఇస్తుంది. అలా మీ స్ట్రెస్ తగ్గించి మైండ్ రిలాక్స్ అయ్యేలా చేసే కొన్ని మూవీస్ ఓసారి చూస్తే...</p>
<ul>
<li><strong>క్షేమంగా వెళ్లి లాభంగా రండి</strong> - అప్పట్లో ఈ మూవీ కామెడీ సెన్సేషన్. శ్రీకాంత్, రోజా ప్రధాన పాత్రల్లో నటించగా... బ్రహ్మానందం, రాజేంద్ర ప్రసాద్, కోవై సరళ కీలకపాత్రలు పోషించారు. సినిమాకు రాజా వన్నెంరెడ్డి దర్శకత్వం వహించగా... బ్రహ్మీ, కోవై సరళ పెయిర్ హైలెట్. మిడిల్ క్లాస్ కష్టాలతో పాటు ఇగోస్, భార్యాభర్తల మధ్య సరదా అలకలు వంటి అంశాలతో పాటు ఫ్యామిలీ ఎంటర్టైనర్‌గా సినిమా రూపొందించారు. ఇప్పటికీ ఈ మూవీ ఓ స్టెస్ బస్టర్</li>
<li><strong>సందడే సందడి - </strong>రాజేంద్ర ప్రసాద్, శివాజీ, జగపతిబాబు చేసిన సందడి అంతా ఇంతా కాదు. తమ భార్యలకు తమ లవర్స్‌ గురించి తెలియకుండా ఈ ముగ్గురూ చేసిన అల్లరి నవ్వులు పూయిస్తుంది. </li>
<li><strong>నువ్వు నాకు నచ్చావ్ - </strong>వెంకటేష్, ఆర్తి అగర్వాల్ ప్రదాన పాత్రల్లో నటించిన మూవీ నువ్వు నాకు నచ్చావ్. సునీల్, ఎంఎస్ నారాయణ, ప్రకాష్ రాజ్, సుహాసిని కీలకపాత్రలు పోషించారు. వెంకీ మార్క్ కామెడీ, డైలాగ్ అదిరిపోయింది.</li>
<li><strong>గోదావరి - </strong>సుమంత్, కమలినీ ముఖర్జీ ప్రధాన పాత్రల్లో నటించిన ఈ మూవీకి శేఖర్ కమ్ముల దర్శకత్వం వహించారు. గోదారమ్మ ఒడిలో అందమైన ప్రకృతి ప్రయాణం బ్యాక్ డ్రాప్‌గా సాగిన ఈ మూవీ మనసుకు ఎప్పటికీ ఓ మంచి ఆహ్లాదమే.</li>
<li><strong>నువ్వే నువ్వే - </strong>ఈ మూవీ కూడా స్ట్పెస్ బస్టరే. అల్లరిగా తిరిగే ఓ మిడిల్ క్లాస్ అబ్బాయి అమాయకమైన రిచ్చెస్ట్ అమ్మాయిని ప్రేమిస్తే... వీరిద్దరి మధ్య లవ్ ట్రాక్‌తో పాటు స్నేహితులతో చేసే అల్లరి అంతా ఫన్‌గా ఉంటుంది. త్రివిక్రమ్ దర్శకత్వం వహించిన ఈ మూవీలో తరుణ్, శ్రియ ప్రధాన పాత్రల్లో నటించారు. </li>
<li><strong>ఆనంద్ -</strong> రాజా, కమలినీ ముఖర్జీ ప్రధాన పాత్రల్లో నటించిన ఓ మంచి కాఫీ లాంటి మూవీ ఆనంద్. శేఖర్ కమ్ముల ఈ సినిమాకు దర్శకత్వం వహించారు. లవ్, సెల్ఫ్ రెస్పెక్ట్, ఎమోషన్ వంటి అంశాలతో తెరకెక్కిన సినిమా నిజంగా గుడ్ ఫీల్ అందిస్తుంది.</li>
</ul>
<p><strong>Also Read : <a title="యాక్సిడెంట్ లాంటి మర్డర్స్... బిగ్ ట్విస్ట్ - ఓటీటీలోకి వచ్చేస్తోన్న ఇన్వెస్టిగేషన్ థ్రిల్లర్ మృత్యుంజయ్" href="https://telugu.abplive.com/entertainment/ott-webseries/mrithyunjay-ott-release-date-when-to-watch-sree-vishnu-reba-monica-investigation-thriller-on-netflix-242072" target="_self">యాక్సిడెంట్ లాంటి మర్డర్స్... బిగ్ ట్విస్ట్ - ఓటీటీలోకి వచ్చేస్తోన్న ఇన్వెస్టిగేషన్ థ్రిల్లర్ మృత్యుంజయ్</a></strong></p>
<ul>
<li><strong>పెళ్లి చూపులు -</strong> విజయ్ దేవరకొండ కెరీర్‌కు ది బెస్ట్ మూవీగా నిలిచింది పెళ్లి చూపులు. తరుణ్ భాస్కర్ దర్శకత్వం వహించిన ఈ మూవీలో రీతూ వర్మ హీరోయిన్‌గా నటించారు. సైలెంట్‌గా నడుస్తూనే ఫుల్ ఫన్ ఎంటర్టైన్మెంట్ అందిస్తుంది.</li>
<li><strong>అష్టా చెమ్మా - </strong>నేచరల్ స్టార్ నాని, శ్రీనివాస్ అవసరాల, స్వాతి ప్రధాన పాత్రల్లో నటించిన కామెడీ ఎంటర్టైనర్ అష్టా చెమ్మా. ఇంద్రగంటి మోహన కృష్ణ దర్శకత్వం వహించిన ఈ సినిమా నవ్వులు పూయించడం సహా మంచి ఫీల్ ఇస్తుంది.</li>
<li><strong>హ్యపీ డేస్ - </strong>ఈ మూవీ నిజంగా మనసుకు సండేలానే ఉంటుంది. వరుణ్ సందేశ్, నిఖిల్, తమన్నా ప్రధాన పాత్రల్లో నటించిన మూవీకి శేఖర్ కమ్ముల దర్శకత్వం వహించారు. ఇంజినీరింగ్ కాలేజ్ లైఫ్‌ను ఫుల్ ఫన్‌తో కళ్లకు కట్టినట్లు చూపించారు.</li>
<li><strong>సరదాగా కాసేపు - </strong>అల్లరి నరేష్, శ్రీనివాస్ అవసరాల, మధురిమ ప్రధాన పాత్రల్లో నటించిన ఈ మూవీకి వంశీ దర్శకత్వం వహించారు. ఫుల్ కామెడీతో ఆద్యంతం అలరిస్తుంది.</li>
<li><strong>ఉయ్యాల జంపాలా - </strong>రాజ్ తరుణ్, అవికా గౌర్ జంటగా నటించిన విలేజ్ కామెడీ లవ్ ఎంటర్టైనర్ ఫీల్ గుడ్ మూవీ. విలేజ్‌లో బావా మరదళ్ల సరదాలు, అల్లరి ఫన్ నవ్వులు తెప్పిస్తుంది. మన ఊరి కథలానే ఉంటుంది. ఈ మూవీస్ చాలా వరకూ యూట్యూబ్‌లో అందుబాటులో ఉన్నాయి.</li>
</ul>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/bollywood-actress-neelam-kothari-education-qualification-236759" width="631" height="381" scrolling="no"></iframe></p>
3 weeks ago
4 
