<p><strong>Spider Man Brand New Day Telugu Trailer Review : </strong>పిల్లల నుంచి పెద్దల వరకూ ఎందరినో ఎంటర్టైన్ చేసిన సూపర్ మ్యాన్ థ్రిల్లర్ సిరీస్ స్పైడర్ మ్యాన్. లాస్ట్‌గా 2021లో వచ్చిన 'స్పైడర్ మ్యాన్ : నో వే హోమ్' పేరుతో వచ్చిన మూవీ బాక్సాఫీస్ వద్ద సంచలన విజయం సాధించింది. వరల్డ్ వైడ్‌గా ఈ సినిమా మంచి కలెక్షన్స్ సాధించింది. తాజాగా ఈ ఫ్రాంచైజీలో మరో కొత్త మూవీ వచ్చేస్తోంది. 'స్పైడర్ మ్యాన్ బ్రాండ్ న్యూ డే'గా రాబోతోన్న కొత్త సినిమా ట్రైలర్ రిలీజ్ చేశారు.</p>
<p><strong>ట్రైలర్ ఎలా ఉందంటే?</strong></p>
<p>మొట్టమొదటి గ్లోబల్ ఫ్యాన్ - డ్రివెన్ ట్రైలర్ టీజ్ తర్వాత, న్యూయార్క్ నగరంలో ఐకానిక్ ఎంపైర్ స్టేట్ బిల్డింగ్‌పై నుంచి టామ్ హాలండ్ పూర్తి ట్రైలర్‌ ఆవిష్కరించారు. వరల్డ్ వైడ్‌గా ఉన్న స్పైడర్ మ్యాన్ అభిమానులకు ఇదొక మరపురాని క్షణంగా నిలిచిపోయింది. కొత్త మూవీ సరికొత్త అధ్యాయాన్ని లిఖించనుంది. 'నో వే హోమ్' సంఘటనలు జరిగి నాలుగేళ్లు గడిచాయి. తనను లవ్ చేసిన వారి జీవితాలు, జ్ఞాపకాల నుంచి తన అస్తిత్వాన్ని పూర్తిగా చెరిపేసుకున్న పీటర్... ఒంటరిగా జీవిస్తుంటాడు.</p>
<p><iframe title="SPIDER-MAN: BRAND NEW DAY - Official Trailer (Telugu) | Exclusively In Cinemas 31 July" src="https://www.youtube.com/embed/_tp5bReb7tg" width="805" height="453" frameborder="0" allowfullscreen="allowfullscreen"></iframe></p>
<p>తన పేరును ఏమాత్రం గుర్తు పట్టలేని న్యూయార్క్ నగరంలో నేరాలతో పోరాడుతూ, సిటీని రక్షించడానికి ఒక ఫుల్ - టైమ్ స్పైడర్ మ్యాన్‌గా పూర్తిగా అంకితమవుతాడు. అయితే అతనిపై బాధ్యతలు, ఒత్తిడి పెరిగే కొద్దీ.. ఊహించని శారీరక మార్పులు అతని మనుగడకే ముప్పుగా పరిణమిస్తాయి. అదే సమయంలో నగరంలో జరుగుతున్న వింతైన నేరాల పరంపర గతంలో ఎన్నడూ ఎదుర్కోనంతటి అత్యంత శక్తివంతమైన విలన్ ముప్పునకు దారి తీస్తుంది. పీటర్ పార్కర్ శరీరంలో వచ్చిన జన్యు మార్పులకు కారణమేంటి? నేరాలను ఎదుర్కొనే క్రమంలో పీటర్‌కు ఎదురైన అనుభవాలేంటి? అనేదే సరికొత్త మూవీ స్టోరీ.</p>
<p><strong>Also Read : <a title="నా అనుమతి తీసుకోలేదు - సర్కే చునార్ తేరి సర్కే సాంగ్ కాంట్రవర్సీపై నోరా ఫతేహి రియాక్షన్" href="https://telugu.abplive.com/entertainment/cinema/nora-fatehi-reaction-controversial-song-sarke-chunar-teri-sarke-in-kd-the-devil-movie-241376" target="_self">నా అనుమతి తీసుకోలేదు - సర్కే చునార్ తేరి సర్కే సాంగ్ కాంట్రవర్సీపై నోరా ఫతేహి రియాక్షన్</a></strong></p>
<p>ఈ మూవీకి డెస్టిన్ డానియల్ క్రెటన్ దర్శకత్వం వహించగా... స్పైడర్ మ్యాన్‌గా టామ్ హాలండ్ తిరిగి నటిస్తుండగా, జెండయా, జాకబ్ బటలాన్, సాడీ సింక్, జోన్ బెర్న్తాల్, మార్క్ రుఫలో, మైఖేల్ మాండో, ట్రామెల్ టిల్మాన్ కీలక పాత్రలు పోషిస్తున్నారు. సోనీ పిక్చర్స్ ఎంటర్‌టైన్‌మెంట్ ఇండియా నిర్మిస్తున్న ఈ భారీ యాక్షన్ ఎంటర్‌టైనర్, జూలై 31న ఇంగ్లీష్, హిందీ, తమిళం, తెలుగు, కన్నడ, మలయాళ భాషల్లో అన్ని ప్రీమియం ఫార్మాట్లలో థియేటర్లలో విడుదల కానుంది. </p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/shah-rukh-khan-education-qualification-know-bollywood-badshah-academic-career-details-here-237897" width="631" height="381" scrolling="no"></iframe></p>
<p> </p>
4 weeks ago
4 
