<p><strong>Skoda Epiq Electric SUV Unveiled Globally:</strong> ప్రముఖ అంతర్జాతీయ కార్ల తయారీ సంస్థ స్కోడా ఆటో (Skoda Auto) గ్లోబల్ మార్కెట్ల కోసం తన ప్రొడక్షన్-స్పెక్ 'ఎపిక్' (Epiq) మోడల్‌ను అధికారికంగా ప్రదర్శించింది. ఇది స్కోడా బ్రాండ్ నుండి రాబోతున్న అత్యంత చిన్నదైన, చాలా అఫర్డబుల్ ఎలక్ట్రిక్ ఎస్‌యూవీ కావడం విశేషం. గ్లోబల్ మార్కెట్లలో ఎంట్రీ-లెవెల్ ఈవీగా రాబోతున్న ఈ కాంపాక్ట్ ఎలక్ట్రిక్ ఎస్‌యూవీ సింగిల్ చార్జ్‌పై గరిష్టంగా 440 కిలోమీటర్ల మైలేజ్ రేంజ్ ఇస్తుందని కంపెనీ క్లెయిమ్ చేస్తోంది. ఫ్రంట్-వీల్-డ్రైవ్ లేఅవుట్, సరికొత్త డిజైన్ లాంగ్వేజ్‌తో వస్తున్న ఈ కారు భవిష్యత్తులో రాబోయే స్కోడా ఎస్‌యూవీల రూపకల్పనకు ఒక బ్లూప్రింట్‌లా నిలవనుంది. స్కోడా ఎలక్ట్రిక్ కార్ల లైనప్‌లో ఇది ఎన్యాక్, ఎల్రోక్ మోడళ్ల కంటే కింద ఉంటుంది.</p>
<p>Read Also: <a title="Petrol Price Today:పెట్రోల్‌, డీజిల్‌ ధరలు మళ్లీ పెరిగాయా? మీ సిటీలో ఏ రేటు ఉందో చూడండి! " href="https://telugu.abplive.com/news/india/petrol-diesel-price-today-india-may-20-global-oil-crisis-impact-247810" target="_self">Petrol Price Today:పెట్రోల్‌, డీజిల్‌ ధరలు మళ్లీ పెరిగాయా? మీ సిటీలో ఏ రేటు ఉందో చూడండి! </a></p>
<p><strong>కొత్త ఫ్లాట్‌ఫామ్.. పవర్‌ఫుల్ బ్యాటరీ ..</strong></p>
<p>స్కోడా ఎపిక్ కారును వోక్స్‌వ్యాగన్ గ్రూప్‌నకు చెందిన నెక్స్ట్ జనరేషన్ ఎంఈబీ+ (MEB+) ప్లాట్‌ఫామ్‌పై తయారు చేశారు. ఫ్రంట్-వీల్-డ్రైవ్ కాన్ఫిగరేషన్‌ను ఉపయోగిస్తున్న మొట్టమొదటి స్కోడా ఈవీ ఇదే కావడం విశేషం. ఈ సరికొత్త ప్లాట్‌ఫామ్ వల్ల చిన్నవైన, చాలా తేలికైన బ్యాటరీ ప్యాక్‌లను ఉపయోగించే వీలు కలిగిందని కంపెనీ చెబుతోంది. స్కోడా ఈ ఎపిక్ మోడల్‌ను రెండు బ్యాటరీ ప్యాక్ ఆప్షన్లతో, మూడు రకాల పవర్ అవుట్‌పుట్లలో ఆఫర్ చేయనుంది. ఇందులో టాప్-స్పెక్ ఎపిక్ 55 (Epiq 55) వేరియంట్ 211 హెచ్‌పీ పవర్, 290 ఎన్ఎమ్ టార్క్‌ను ప్రొడ్యూస్ చేస్తుంది. దీనిలో పెద్దదైన 55 కిలోవాట్ అవర్ బ్యాటరీ ప్యాక్‌ను అమర్చారు, ఇది 440 కిలోమీటర్ల రేంజ్ ఇస్తుంది. డీసీ ఫాస్ట్ చార్జర్ ఉపయోగించి కేవలం 24 నిమిషాల్లోనే ఈ బ్యాటరీని 10 నుండి 80 శాతానికి చార్జ్ చేసుకోవచ్చని కంపెనీ పేర్కొంది. దీని లోయర్ వేరియంట్లయిన ఎపిక్ 35 మోడల్ 116 హెచ్‌పీ, ఎపిక్ 40 మోడల్ 135 హెచ్‌పీ పవర్ ఇస్తూ దాదాపు 310 కిలోమీటర్ల రేంజ్ అందిస్తాయి.</p>
<p>Read Also: <a title="Tata Tiago Facelift: టాటా టియాగో ఫేస్‌లిఫ్ట్‌ మే 28న విడుదల! అదిరిపోయే ఫీచర్లు, అప్‌డేటెడ్‌ డిజైన్‌తో ఎంట్రీ! " href="https://telugu.abplive.com/auto/tata-tiago-facelift-launch-on-28th-may-2026-features-price-specs-details-247788" target="_self">Tata Tiago Facelift: టాటా టియాగో ఫేస్‌లిఫ్ట్‌ మే 28న విడుదల! అదిరిపోయే ఫీచర్లు, అప్‌డేటెడ్‌ డిజైన్‌తో ఎంట్రీ! </a></p>
<p><strong>మోడరన్ సాలిడ్ డిజైన్ ఫిలాసఫీ.. </strong></p>
<p>లుక్ పరంగా చూస్తే స్కోడా కంపెనీ తన సరికొత్త 'మోడరన్ సాలిడ్' డిజైన్ ఫిలాసఫీని పూర్తి స్థాయిలో ఉపయోగించి ప్రొడక్షన్ లోకి తెచ్చిన ఫస్ట్ మోడల్ ఇదే. కారు ముందు భాగంలో స్లిమ్ టి-షేప్డ్ ఎల్‌ఈడీ లైటింగ్ ఎలిమెంట్స్, గ్లోసీ బ్లాక్ టెక్-డెక్ ఫేస్ ఉన్నాయి. విజన్ 7ఎస్ కాన్సెప్ట్ కార్ నుండి ఇన్‌స్పైర్ అయిన వర్టికల్ ఎయిర్ ఇన్‌టేక్స్ ఈ కారుకు అగ్రెసివ్ లుక్ ఇస్తున్నాయి. వెనుక భాగంలో కూడా మినిమలిస్ట్ స్టైలింగ్ కొనసాగిస్తూ టి-షేప్డ్ టెయిల్ ల్యాంప్స్ ఇచ్చారు. ఈ ఎస్‌యూవీ పొడవు 4,171 మిమీ ఉంటుంది. ఇందులో 475 లీటర్ల భారీ బూట్ స్పేస్ ఇచ్చారు, ఈ సెగ్మెంట్‌లోనే ఇది అత్యంత పెద్ద బూట్ స్పేస్ కావడం విశేషం. కారు ముందు భాగంలో కూడా అదనంగా 25 లీటర్ల ఫ్రంట్ స్టోరేజ్ లేదా 'ఫ్రంక్' (Frunk) స్పేస్ లభిస్తుంది.</p>
<p><strong>క్యాబిన్ ఫీచర్లు.. అడ్వాన్స్‌డ్ సేఫ్టీ టెక్నాలజీ..</strong></p>
<p>కారు లోపల ఆండ్రాయిడ్ ఆధారిత పెద్దదైన 13 ఇంచుల ఇన్‌ఫోటైన్‌మెంట్ సిస్టమ్‌ను సెంటర్ లో అమర్చారు. ఈ సిస్టమ్ ద్వారా స్పాటిఫై, యూట్యూబ్, గూగుల్ మ్యాప్స్ లాంటి యాప్స్ డైరెక్ట్ గా వాడుకోవచ్చు. మైస్కోడా యాప్ ద్వారా రిమోట్ చార్జింగ్, క్లైమేట్ కంట్రోల్ ఫంక్షన్లను ఆపరేట్ చేయవచ్చు. భవిష్యత్తులో సాఫ్ట్‌వేర్ అప్‌డేట్ ద్వారా డిజిటల్ కీ ఫీచర్ కూడా రానుంది. క్యాబిన్ లోపల యాంబియంట్ లైటింగ్, వైర్‌లెస్ ఫోన్ చార్జింగ్, హీటెడ్ సీట్లు, పనోరమిక్ సన్‌రూఫ్, డ్యూయల్ జోన్ క్లైమేట్ కంట్రోల్, 10 స్పీకర్ల కాంటన్ ఆడియో సిస్టమ్ లాంటి ప్రీమియం ఫీచర్లు ఉన్నాయి. సేఫ్టీ కోసం స్టాండర్డ్‌గా 7 ఎయిర్‌బ్యాగ్‌లతో పాటు ఫ్రంట్ అసిస్ట్, లేన్ అసిస్ట్, సైడ్ అసిస్ట్ లాంటి అడాస్ (ADAS) ఫీచర్లను అందించారు. <a title="ఇందులో బి-మోడ్ లో వన్-పెడల్ డ్రైవింగ్ ఫీచర్ ఉంది, దీనివల్ల కేవలం యాక్సిలరేటర్ పెడల్ తోనే కారును కంట్రోల్ చేయవచ్చు. ఇది బైడైరెక్షనల్ చార్జింగ్‌ను కూడా సపోర్ట్ చేస్తుంది, దీని ద్వారా కారు బ్యాటరీ నుండి వేరే డివైజ్‌లకు లేదా ఇంటికి పవర్ ఇచ్చుకోవచ్చు. లాంచ్ అయిన వెంటనే ఆరెంజ్ స్టైలింగ్ ఎలిమెంట్స్, 20 ఇంచుల వీల్స్ ఉన్న లిమిటెడ్ 'ఫస్ట్ ఎడిషన్' వేరియంట్‌ను కూడా తీసుకురానున్నారు." href="https://telugu.abplive.com/auto/petrol-vs-electric-motorcycles-which-one-should-you-choose-for-daily-commuting-247754" target="_self">ఇందులో బి-మోడ్ లో వన్-పెడల్ డ్రైవింగ్ ఫీచర్ ఉంది, దీనివల్ల కేవలం యాక్సిలరేటర్ పెడల్ తోనే కారును కంట్రోల్ చేయవచ్చు. ఇది బైడైరెక్షనల్ చార్జింగ్‌ను కూడా సపోర్ట్ చేస్తుంది, దీని ద్వారా కారు బ్యాటరీ నుండి వేరే డివైజ్‌లకు లేదా ఇంటికి పవర్ ఇచ్చుకోవచ్చు. లాంచ్ అయిన వెంటనే ఆరెంజ్ స్టైలింగ్ ఎలిమెంట్స్, 20 ఇంచుల వీల్స్ ఉన్న లిమిటెడ్ 'ఫస్ట్ ఎడిషన్' వేరియంట్‌ను కూడా తీసుకురానున్నారు.</a></p>
2 weeks ago
3 
