<p><strong>Shardiya Navratri 2025:</strong> శారదీయ నవరాత్రుల రెండవ రోజున, అమ్మ బ్రహ్మచారిణిని పూజిస్తారు. ఈ దేవి రూపం తపస్సు, సంయమనం , జ్ఞానానికి ప్రతీకగా పరిగణిస్తారు. శాస్త్రాల్లో బ్రహ్మచారిణి దేవి అనుగ్రహంతో సాధకులకు అసాధ్యమైన పనులు కూడా సాధ్యమవుతాయని ఉంది. తెలుసుకోవాల్సిన మరో విషయం ఏంటంటే..నవరాత్రుల రోజు సాధకుడు మూడు ప్రత్యేకమైన తప్పులు చేస్తే తపస్సు, పూజలు వ్యర్థమవుతాయి. ఈ పవిత్రమైన రోజున ప్రతి సాధకుడు ఏ విషయాల గురించి జాగ్రత్తగా ఉండాలో తెలుసుకుందాం.</p>
<p><strong>మా బ్రహ్మచారిణి స్వరూపం ప్రాముఖ్యత</strong></p>
<p>దుర్గా సప్తశతి , దేవి భాగవత పురాణంలో బ్రహ్మచారిణి దుర్గ హిమవంతుని కుమార్తెగా జన్మించి శివుడి కోసం తపస్సు ఆచరించింది. ఆమె చేతిలో జపమాల , కమండలం ఉన్నాయి.. ఇవి ధ్యానం సాధనకు చిహ్నాలు.</p>
<p><strong>ఈ రోజున సాధనకు ప్రత్యేక ప్రభావం ఎందుకు ఉంటుంది?</strong></p>
<p>జ్యోతిష్య శాస్త్రం ప్రకారం నవరాత్రుల రెండవ రోజున చంద్రుని స్థానం... మనస్సు తపస్సుపై ప్రత్యేక ప్రభావాన్ని చూపుతుంది. ఈ రోజున సాధకుడు నియమబద్ధంగా పూజ చేస్తే మనస్సు స్థిరంగా ఉంటుంది , ఆత్మవిశ్వాసం పెరుగుతుంది. అందుకే యోగులు, సాధువులు, గృహస్థులు అందరూ ఈ రోజున బ్రహ్మచారిణి దేవిని పూజించడం చాలా ముఖ్యమైనదిగా భావిస్తారు.</p>
<p><strong>తపస్సును నాశనం చేసే మూడు తప్పులు</strong></p>
<p><strong>1. అహంకారం - కోపానికి లోనవ్వడం</strong></p>
<p>నవరాత్రుల రెండవ రోజున సాధకుడు పూజ చేసేటప్పుడు కోపంగా ఉంటే లేదా తన అహంకారాన్ని పెంచుకుంటే, అది సాధనను నాశనం చేస్తుంది. శాస్త్రీయ ఆధారం: దేవి భాగవతం ప్రకారం అహంకారః పరం దుష్టం క్రోధో వా నాశకః తపః. అంటే అహంకారం మరియు కోపం తపస్సును వెంటనే నాశనం చేస్తాయి.</p>
<p>ఆధునిక దృక్పథం: మనస్తత్వశాస్త్రం కూడా పూజ సమయంలో కోపం లేదా అహంకార ప్రవృత్తి మనస్సు శాంతిని భంగం కలిగిస్తుందని నమ్ముతుంది. ఇది ధ్యానం యొక్క శక్తిని కూడా తగ్గిస్తుంది.</p>
<p><strong>2. ఆహారం - బ్రహ్మచర్యం ఉల్లంఘన</strong></p>
<p>బ్రహ్మచారిణి దేవి పేరు బ్రహ్మచర్యంతో ముడిపడి ఉంది. ఈ రోజున వ్రతం చేసే వ్యక్తి అసంయమిత ఆహారం తీసుకుంటే, మాంసం-మద్యం సేవిస్తే లేదా బ్రహ్మచర్య నియమాలను ఉల్లంఘిస్తే ఆ వ్రతం విఫలమవుతుంది. శాస్త్రీయ ఆధారాల ప్రకారం పద్మ పురాణంలో ఏముందంటే.. మద్యం మాంసం న సేవేత్ వ్రతానాం బ్రహ్మచారిణి. అంటే వ్రతం సమయంలో మద్యం మాంసం సేవించడం వ్రతాన్ని నాశనం చేస్తుంది.</p>
<p>ఆధునిక దృక్పథం: ఆయుర్వేదం కూడా సాత్విక ఆహారం మనస్సు శరీరాన్ని తపస్సు చేయడానికి అనుకూలంగా మారుస్తుందని, తామసిక ఆహారం శక్తిని తగ్గిస్తుందని చెబుతుంది.</p>
<p><strong>3. మంత్ర జపంలో అశుద్ధత లేదా తప్పు</strong></p>
<p>ఈ రోజున సాధకుడు మంత్రం జపించేటప్పుడు తప్పుగా ఉచ్ఛరిస్తే, అసంపూర్తిగా జపం చేస్తే లేదా ఇతర మనస్సుతో జపం చేస్తే, బ్రహ్మచారిణి దేవి అనుగ్రహం లభించదు. మార్కండేయ పురాణంలో ఏం ఉందంటే మంత్రే దోషో యది స్యాత్ తు న ఫలో భవతి ధ్రువం. అంటే మంత్రంలో లోపం ఉంటే, ఫలితం ఖచ్చితంగా నశిస్తుంది. </p>
<p>ఆధునిక దృక్పథం: ధ్వని , కంపన శాస్త్రం ప్రకారం, మంత్రం ఉచ్చారణ సరైన స్వరంలో ఉండాలి, అప్పుడే దాని తరంగాలు మనస్సు మెదడుపై ప్రభావం చూపుతాయి.</p>
<p><strong>నిజంగా సాధన వ్యర్థం కాగలదా?</strong></p>
<p>శాస్త్రాలు ఈ మూడు తప్పుల వల్ల తపస్సు యొక్క ప్రభావం తగ్గుతుందని చెబుతున్నారు పండితులు. దీని అర్థం సాధకుని పుణ్యం శూన్యమవుతుందని కాదు.. సాధ్యమైనంత మంచి ఫలితాన్ని పొందలేరు. ఇది ఒక విద్యార్థి సంవత్సరం పొడవునా కష్టపడి పనిచేసి, పరీక్షలో నిర్లక్ష్యం కారణంగా చాలా మార్కులు కోల్పోయినట్లుగా ఉంటుంది.</p>
<p><strong>ఒకవేళ పొరపాటున ఏదైనా తప్పు జరిగితే, శాస్త్రాలు కొన్ని మార్గాలను సూచిస్తున్నాయి:</strong></p>
<p>క్షమా ప్రార్థన: దేవిని హృదయపూర్వకంగా క్షమించమని కోరండి.<br />జపం అదనంగా చేయండి <br />దానం: బ్రాహ్మణులు, బాలలకు దానం చేయడం..ఆవులకు గ్రాసం వేయడం ద్వారా దోషాన్ని తొలగించుకోండి</p>
<p>మనస్తత్వశాస్త్రం ప్రకారం... సంయమనం, ధ్యానం , సాత్వికతను పాటించడం ద్వారా వ్యక్తి యొక్క న్యూరాన్లు సక్రియం అవుతాయి, జ్ఞాపకశక్తి పెరుగుతుంది మరియు ఆత్మవిశ్వాసం బలపడుతుంది. ఈ కోణంలో, నవరాత్రులు కేవలం మతపరమైన పండుగ మాత్రమే కాదు, మానసిక మరియు శారీరక ఆరోగ్య సాధన కూడా.</p>
<p><strong>గమనిక: </strong> ఇక్కడ అందించిన సమాచారం నమ్మకాలు ఆధారంగా సేకరించింది మాత్రమే. పండితులు చెప్పిన వివరాలు, ఆధ్యాత్మిక గ్రంధాల నుంచి సేకరించి అందించినవి. ఏదైనా సమాచారం లేదా నమ్మకాన్ని అమలు చేయడానికి ముందు, సంబంధిత నిపుణుడిని సంప్రదించండి. </p>
<p><strong>2025 శరన్నవరాత్రుల్లో ఏ రోజు ఏ అలంకారం? ఏ రోజు ఏ నైవేద్యం సమర్పించాలి? పూర్తి వివరాల కోసం <a title="ఈ లింక్ క్లిక్ చేయండి" href="https://telugu.abplive.com/spirituality/happy-navratri-significance-of-9-days-of-navratri-goddess-worship-rituals-for-each-day-nine-types-naivedyam-in-navaratri-220000" target="_self">ఈ లింక్ క్లిక్ చేయండి</a></strong></p>
<p><strong> దసరా నవరాత్రి కలశ స్థాపన ఆధ్యాత్మిక ప్రాముఖ్యత! ఎలాంటి కలశ పెట్టాలి తెలుసుకునేందుకు...<a title="ఈ లింక్ క్లిక్ చేయండి" href="https://telugu.abplive.com/astro/shardiya-navratri-2025-the-rituals-and-spiritual-significance-of-kalash-sthapana-know-in-telugu-220598" target="_self">ఈ లింక్ క్లిక్ చేయండి</a></strong></p>
<p><strong><iframe class="vidfyVideo" style="border: 0px;" src="https://telugu.abplive.com/web-stories/spirituality/durga-puja-2025-9-flowers-for-9-goddesses-in-sharadiya-navratri-220716" width="631" height="381" scrolling="no"></iframe></strong></p>
2 months ago
3 
