<p><strong>Sivaji's Sampradayini Suppini Suddapoosani OTT Streaming : </strong>సీనియర్ హీరో శివాజీ, లయ ప్రధాన పాత్రల్లో నటించిన రీసెంట్ క్రైమ్ కామెడీ ఎంటర్టైనర్ 'సాంప్రదాయనీ సుప్పినీ సుద్ధపూసనీ'. తొలుత ఓటీటీలో రిలీజ్ చేస్తామని భావించినా... మార్చి 6న థియేటర్లలో రిలీజ్ చేశారు. బాక్సాఫీస్ వద్ద మిక్స్‌డ్ టాక్ తెచ్చుకున్న మూవీ ఇప్పుడు ఓటీటీలోకి వచ్చేసింది.</p>
<p><strong>ఎందులో స్ట్రీమింగ్ అంటే?</strong></p>
<p>ఈ మూవీ ముందుగా ఈటీవీ విన్‌లోనే స్ట్రీమింగ్ అవుతుందని అనుకున్నా... ఆ తర్వాత డిజిటల్ ప్లాట్ ఫాం మారింది. ఇంటర్నేషనల్ ఓటీటీ 'నెట్ ఫ్లిక్స్' (Netflix) లో గురువారం అర్ధరాత్రి నుంచి అందుబాటులోకి వచ్చింది. ఈ మూవీకి సుధీర్ శ్రీరామ్ దర్శకత్వం వహించగా... శివాజీ, లయలతో పాటు చైల్డ్ ఆర్టిస్ట్ రోహన్, అలీ, ధన్ రాజ్, రఘుబాబు, పృథ్వీరాజ్, జబర్దస్త్ ఇమ్మాన్యుయెల్, కరణ్ తదితరులు కీలకపాత్రలు పోషించారు. శివాజీ ప్రొడక్షన్స్ బ్యానర్‌పై శివాజీ మూవీని నిర్మించారు.</p>
<p><strong>Also Read : <a title="మెగాస్టార్, బాబీ మూవీ - పూజా కార్యక్రమం To షూటింగ్ షెడ్యూల్ ఫుల్ డీటెయిల్స్" href="https://telugu.abplive.com/entertainment/cinema/chiranjeevi-bobby-combo-movie-pooja-ceremony-on-11th-april-shooting-first-schedule-date-locked-full-details-243055" target="_self">మెగాస్టార్, బాబీ మూవీ - పూజా కార్యక్రమం To షూటింగ్ షెడ్యూల్ ఫుల్ డీటెయిల్స్</a></strong></p>
<p><strong>స్టోరీ ఏంటంటే?</strong></p>
<p>నిజాయతీ గల పంచాయతీ సెక్రటరీ శ్రీరామ్ (శివాజీ). కొత్తకోట సమీపంలోని హార్స్‌లీ హిల్స్‌లో భార్య ఉత్తర (లయ), కొడుకు బిట్టు అలియాస్ నితిన్ (రోహన్‌తో) కలిసి జీవిస్తుంటాడు. రీల్స్ పిచ్చిలో కొడుకు చేసే పనులకు శ్రీరామ్‌కు లేని పోని తలనొప్పులు వస్తుంటాయి. ఓ దీపావళి రోజున వాళ్ల ఇంటికి ఆ ఊరి ఎస్సై విక్రమ్ వాసుదేవ్ (ప్రిన్స్) వస్తాడు. అప్పటికే ట్రాఫిక్ సిగ్నల్ దగ్గర ఓ విషయమై శ్రీరామ్‌కు, ఎస్సైకు మధ్య వాగ్వాదం జరుగుతుంది.</p>
<p>శ్రీరామ్ ఇంట్లో లేని విషయం తెలుసుకున్న విక్రమ్... అతనికి ఇంటికి వెళ్లి ఉత్తరతో అసభ్యంగా ప్రవర్తిస్తాడు. దీంతో శ్రీరామ్ కొడుకు బిట్టు చేతిలో హత్యకు గురవుతాడు. ఈ హత్య కేసు నుంచి తన ఫ్యామిలీని కాపాడుకునేందుకు శ్రీరామ్ ఏం చేశాడు? శవాన్ని మాయం చేసేందుకు ఎన్ని ఇబ్బందులు పడ్డారు? తన డబ్బు ఎత్తుకెళ్లారంటూ ఎమ్మెల్యే గ్యాంగ్ వీరి ఫ్యామిలీ వెంట ఎందుకు పడుతుంది? అసలు ఎస్సైను చంపింది ఎవరు? ఈ సమస్యల నుంచి శ్రీరామ్ ఎలా బయటపడ్డాడు? తెలియాలంటే మూవీ చూడాల్సిందే.</p>
<p><strong><iframe class="vidfyVideo" style="border: 0px;" src="https://telugu.abplive.com/web-stories/megastar-chiranjeevi-s-experiments-in-movies-111830" width="631" height="381" scrolling="no"></iframe></strong></p>
1 week ago
2 
