SaiKrishna Custodial Death: గాదె సాయికృష్ణ డెత్ కేసు.. నిందితుడు సురేష్ ఆచూకీ కోసం సిట్ ప్రకటన

<p>విజయవాడ: కృష్ణలంక పోలీస్ స్టేషన్&zwnj;లో సంచలనం సృష్టించిన రౌడీషీటర్ గాదె సాయికృష్ణ లాకప్ డెత్ కేసు దర్యాప్తును ప్రత్యేక దర్యాప్తు బృందం మరింత వేగవంతం చేసింది. ఈ కేసులో ఏ4 (A4) నిందితుడిగా ఉన్న గులివిందల సురేష్ ఇంకా పరారీలో ఉండటంతో, అతడి ఆచూకీ తెలపాలంటూ అధికారులు గుర్తింపు వివరాలతో కూడిన ప్రకటనను ఆదివారం విడుదల చేశారు. విజయవాడ సత్యనారాయణపురానికి చెందిన ఆదినారాయణ కుమారుడైన 40 ఏళ్ల సురేష్, సుమారు 5 అడుగుల 8 అంగుళాల ఎత్తు ఉంటాడంటూ అతడి వివరాలు సిట్ అధికారులు వెల్లడించారు. ప్రైవేట్ వ్యక్తి అయినప్పటికీ మాజీ సీఐ నాగరాజుకు సన్నిహితుడు కావడంతో కృష్ణలంక పీఎస్&zwnj;లో పెత్తనం చేసేవాడని, సాయికృష్ణ కేసులో అతడికి చాలా విషయాలు తెలుసుని సిట్ భావిస్తోంది.</p> <p>సాయికృష్ణ మృతి, లాకప్ డెత్ కేసు నమోదైనప్పటి నుంచి నిందితుడు సురేష్ అరెస్టు నుంచి తప్పించుకుంటూ పోలీసులకు దొరక్కుండా తిరుగుతున్నాడు. ఈ క్రమంలో ఏ4 నిందితుడ్ని పట్టుకునేందుకు సిట్ చర్యలు చేపట్టింది. మొదట్లో ఇతడిపై కేసు నమోదు కాకపోవడంతో పోలీసుల విచారణకు హాజరయ్యాడు. ఆ తరువాత సురేష్ ఈ వ్యవహారంలో జోక్యం చేసుకున్నాడని, అతడి హస్తం ఉందని గుర్తించి కేసులో పేరు చేర్చిన తరువాత అదృశ్యమయ్యాడు.&nbsp;</p> <p>నిందితుడు సురేష్ ఆచూకీ, సంచరిస్తున్న ప్రాంతాలు లేదా తలదాచుకున్న చోటుకు సంబంధించి ఏ చిన్న &nbsp;సమాచారం తెలిసినా వెంటనే పోలీసులకు అందించాలని అధికారులు ప్రజలను కోరారు. చిన్న ఆధారమైనా నిందితుడి అరెస్టులో అత్యంత కీలక పాత్ర పోషిస్తుందన్నారు.&nbsp;</p> <p>Also Read: <a href="https://telugu.abplive.com/andhra-pradesh/vijayawada/nadendla-manohar-ap-govt-launches-quality-rice-sale-with-less-price-at-rythu-bazaars-and-outlets-255195" target="_blank" rel="noopener">Nadendla Manohar: తక్కువ ధరకే నాణ్యమైన బియ్యం.. సబ్సిడీ విక్రయాలు ప్రారంభించిన మంత్రి నాదెండ్ల మనోహర్</a></p> <p><strong>నిందితుడికి షెల్టర్ ఇస్తే నేరస్తులు అవుతారు.. &nbsp;</strong></p> <p>పరారీలో ఉన్న నిందితుడికి తెలిసి ఆశ్రయం కల్పించడం లేదా దాచిపెట్టడం చట్టపరంగా తీవ్రమైన నేరమని, అటువంటి వారికి శిక్షలు తప్పవని సిట్ హెచ్చరించింది. సమాచారం తెలిసిన వారు సమీపంలోని పోలీస్ స్టేషన్&zwnj;లోగానీ, లేదా అత్యవసర సేవల నంబర్లు 100/112 కు గానీ కాల్ చేసి వివరాలు తెలియజేయవచ్చని స్పష్టం చేశారు. సమాచారం అందించిన వారి వివరాలను గోప్యంగా ఉంచుతామని పోలీసులు హామీ ఇచ్చారు. &nbsp;</p>