<p>తిరుపతి జిల్లాలో రాయల్‌ ఎన్‌ఫీల్డ్‌ బైక్ ప్రాజెక్టును బుల్లెట్‌ వేగంతో పూర్తి చేయాలని, 18 నెలల్లో ఉత్పత్తి ప్రారంభించాలని ఏపీ సీఎం చంద్రబాబు ఆదేశించారు. రాజధాని అమరావతిలో సీఎం చంద్రబాబుతో రాయల్‌ ఎన్‌ఫీల్డ్‌ సీఈవో గోవిందరాజన్‌, ప్రతినిధులు సోమవారం నాడు భేటీ అయ్యారు. తయారీ యూనిట్, టెస్టింగ్ ట్రాక్, రీసెర్చ్ సెంటర్, వెండర్ పార్క్ ఎకోసిస్టమ్‌తో పాటు రూ. 2,500 కోట్లు ఇన్వెస్ట్ చేస్తున్నట్లు సీఎం చంద్రబాబుకు గోవిందరాజన్ వివరించారు. ఏటా 9 లక్షల బైక్స్ తయారీతో పాటు దాదాపు 15,000 మందికి ఉపాధి అవకాశాలు లభిస్తాయని ప్రభుత్వం అంచనా వేసింది. </p>
<p><strong>ఏపీ సీఎం చంద్రబాబు చేసిన పోస్ట్‌లో ఏముందంటే..</strong><br />ఆంధ్రప్రదేశ్‌కు స్వాగతం, రాయల్ ఎన్‌ఫీల్డ్.. మా స్పీడ్ ఆఫ్ డూయింగ్ బిజినెస్, మీ ఈవీ (EV) ప్రయాణానికి అవసరమైన బలమైన గ్రీన్ ఎనర్జీ ఎకోసిస్టమ్, భవిష్యత్తు మొబిలిటీని ముందుకు నడిపించడానికి సిద్ధంగా ఉన్న టాలెంటెడ్ యువ శ్రామిక శక్తి మద్దతుతో మీ ప్రయాణం సాఫీగా సాగుతుందని ఆశిస్తున్నాను. తిరుపతి జిల్లా సత్యవేడు మండలం వనేలూరు, రాళ్లకుప్పం గ్రామాల్లో రాయల్ ఎన్‌ఫీల్డ్ ప్రతిపాదించిన ఇంటిగ్రేటెడ్ <br /><img src="https://feeds.abplive.com/onecms/images/uploaded-images/2026/05/18/a7a639a989d53946038ecbb9049be31a1779119589858233_original.jpg" />బైక్స్ తయారీ ప్రాజెక్ట్ గురించి చర్చించడానికి, మేనేజింగ్ డైరెక్టర్, సీఈఓ బి. గోవిందరాజన్ నేతృత్వంలోని ప్రతినిధి బృందాన్ని కలిసినందుకు చాలా సంతోషంగా ఉంది.</p>
<p> </p>
<p>ఈ ప్రతిపాదిత ప్రాజెక్ట్‌లో దాదాపు 2,500 కోట్ల పెట్టుబడి, ఏడాదికి 9 లక్షల మోటార్ సైకిళ్ల తయారీ సామర్థ్యం ఉన్నాయి. ఈ ప్రాజెక్ట్‌లో అత్యాధునిక తయారీ కేంద్రం, టెస్టింగ్ ట్రాక్, ఆర్‌అండ్ డీ (R&D) సెంటర్, ప్రత్యేక వెండర్ పార్క్ ఎకోసిస్టమ్ ఉంటాయి. ఈ ప్రాజెక్ట్ ద్వారా దాదాపు 15,000 ప్రత్యక్షంగా, పరోక్షంగా ఉపాధి అవకాశాలు లభిస్తాయని అంచనా. ఇది ఈ ప్రాంతంలో భారీ ఆర్థిక కార్యకలాపాలకు, పారిశ్రామిక వృద్ధికి దోహదపడుతుంది.</p>
<p>వేగవంతమైన అనుమతులతో పాటు ప్రాజెక్ట్ త్వరితగతిన అమలు అయ్యేలా చూసేందుకు ఆంధ్రప్రదేశ్ ప్రభుత్వం తరఫున నిరంతర మద్దతు ఉంటుంది. ప్రతిపాదిత 24 నెలలకు బదులుగా 18 నెలల్లోనే ఈ ప్రాజెక్ట్‌ను పూర్తి చేయడం లక్ష్యంగా పెట్టుకున్నాం. మా 'స్పీడ్ ఆఫ్ డూయింగ్ బిజినెస్' ఈ ప్రాజెక్ట్ వేగంగా సాగేలా చూస్తుంది. ఇప్పుడు రాయల్ ఎన్‌ఫీల్డ్ కూడా బుల్లెట్ వేగంతో ప్రాజెక్ట్‌ను అమలు చేయాలి.</p>
<p>రాయల్ ఎన్‌ఫీల్డ్ మొట్టమొదటి ఎలక్ట్రిక్ మోటార్ సైకిల్ ఫ్లయింగ్ ఫ్లీ C6 (Flying Flea C6 - FF.C6) గురించి మరిన్ని వివరాలు తెలుసుకున్నందుకు సంతోషంగా ఉంది. సుస్థిర మొబిలిటీ భవిష్యత్తు గురించి, సోలార్, విండ్, పంప్డ్ స్టోరేజ్, బ్యాటరీ ఎనర్జీ స్టోరేజ్ సిస్టమ్స్, ఇతర పునరుత్పాదక ఇంధన ఎకోసిస్టమ్‌ల అభివృద్ధి ద్వారా ఇంధన పరివర్తనలో ఆంధ్రప్రదేశ్ సాధిస్తున్న వృద్ధి గురించి ఈ సందర్భంగా మరింతగా చర్చించాము.</p>
<p>భారత్ క్లీనర్ మొబిలిటీ, ఇంధన భద్రత వైపు అడుగులు వేస్తున్న సమయంలో భవిష్యత్తు మొబిలిటీ, అధునాతన తయారీ, గ్రీన్ ఇండస్ట్రియల్ వృద్ధికి ప్రధాన హబ్‌గా ఎదగడానికి అవసరమైన మౌలిక సదుపాయాలు, తయారీకి ఎకోసిస్టమ్, పాలసీ సపోర్ట్‌కు ఏపీ ప్రభుత్వం కట్టుబడి ఉందని’ సీఎం <a title="చంద్రబాబు" href="https://telugu.abplive.com/topic/Chandrababu" data-type="interlinkingkeywords">చంద్రబాబు</a> పేర్కొన్నారు.</p>
2 weeks ago
3 
