<p>బీఆర్ చోప్రా రూపొందించిన ఐకానిక్ హిందీ టీవీ సీరియల్ 'మహా భారత్'లో ద్రౌపదిగా నటించిన రూపా గంగూలీ (Roopa Ganguly) గుర్తు ఉన్నారా? ఆ సీరియల్ ఆమెకు ఎంతో గుర్తింపు తెచ్చింది. మన దేశంలోని ప్రతి ఇంటికీ ఆమె చేరువ అయ్యారు. హిందీలో మాత్రమే కాకుండా బెంగాలీ చిత్రాలలో కూడా రూపా గంగూలీ నటించారు. నటిగా గొప్ప పేరు తెచ్చుకున్నారు. అయితే... తెరపై ఎంతటి కీర్తిని సంపాదించినప్పటికీ, ఆమె నిజ జీవితం మాత్రం అనేక ఒడిదుడుకులతో నిండి ఉంది. జీవితంలో ఆమె తీవ్రమైన మానసిక వేదనకు లోనయ్యారని చెప్పాలి. ఇటీవల ఇచ్చిన ఓ ఇంటర్వ్యూలో ఆమె సూసైడ్ అటెంప్ట్, లివిన్ రిలేషన్, మ్యారేజ్ గురించి చెప్పారు.</p>
<p><strong>మూడుసార్లు ఆత్మహత్య ప్రయత్నం</strong><br />రూపా గంగూలీ వివాహం 1992లో జరిగింది. మెకానికల్ ఇంజనీర్ ధ్రుబో ముఖర్జీని ఆమె పెళ్లి చేసుకున్నారు. వివాహమైన తర్వాత నటనకు స్వస్తి చెప్పి భర్తతో కలిసి కోల్‌కతాకు షిఫ్టయ్యారు. ధ్రుబో, రూప దంపతులకు ఒక కుమారుడు జన్మించాడు. అయితే... కోల్‌కతాకు వెళ్లిన తర్వాత వైవాహిక జీవితంలో దూరం పెటిగింది. ఆ సమయంలో సుమారు 15 ఏళ్ల పాటు జీవితంలో ఎన్నో కష్టాలను అనుభవించవలసి వచ్చిందని రూపా గంగూలీ పేర్కొన్నారు.</p>
<p>ధ్రుబో ముఖర్జీ తనకు రోజువారీ ఖర్చులకు కూడా డబ్బులు ఇచ్చేవారు కాదని రూపా గంగూలీ పేర్కొన్నారు. దాంతో మానసిక ఒత్తిడి తట్టుకోలేక మూడుసార్లు ఆత్మహత్యకు ప్రయత్నించానని 'సచ్ కా సామ్నా' రియాలిటీ షోలో ఆమె స్పష్టం చేశారు. నిద్ర మాత్రలు మింగానని, అయితే ఆత్మహత్యకు ప్రయత్నించిన ప్రతి సారీ తనను దేవుడు తనను రక్షించారని రూపా గంగూలీ భావోద్వేగానికి లోనయ్యారు.</p>
<p>Also Read<strong>: <a title="Celina Jaitly Peter Haag Case Row - హీరోయిన్ భర్త మీద లుకవుట్ నోటీస్... గృహసింహ కేసులో కొత్త ట్విస్ట్" href="https://telugu.abplive.com/entertainment/cinema/mumbai-police-issue-lookout-notice-against-celina-jaitly-husband-peter-haag-domestic-violence-case-row-246809" target="_self">Celina Jaitly Peter Haag Case Row - హీరోయిన్ భర్త మీద లుకవుట్ నోటీస్... గృహసింహ కేసులో కొత్త ట్విస్ట్</a></strong></p>
<p><strong>పదమూడేళ్ల చిన్నోడితో సహ జీవనం</strong><br />సుమారు 14 ఏళ్ల వైవాహిక జీవితం / బంధం తర్వాత 2007లో ధ్రుబో ముఖర్జీ నుంచి రూపా గంగూలీ విడిపోయారు. జనవరి 2009లో అధికారికంగా విడాకులు మంజూరు అయ్యాయి. అయితే విడాకులు రావడానికంటే ముందు తన కంటే వయసులో 13 ఏళ్లు చిన్నోడైన గాయకుడు దిబ్యేందుతో ముంబైలోని సహ జీవనం చేశారు రూపా గంగూలీ. వాళ్ళిద్దరూ ముంబైలోని ఓ ఫ్లాట్‌లో లివ్ ఇన్ రిలేషన్‌షిప్‌లో ఉన్నారు. ఈ సంగతి సైతం ఆమె బయట పెట్టారు.</p>
<p>Also Read<strong>: <a title="Rashmika Marriage - 'సు ఫ్రమ్ సో' దర్శకుడితో రష్మిక పెళ్లి... ఫోటోలు వైరల్" href="https://telugu.abplive.com/entertainment/cinema/su-from-so-director-jp-thuminad-marries-longtime-girlfriend-rashmika-246798" target="_self">Rashmika Marriage - 'సు ఫ్రమ్ సో' దర్శకుడితో రష్మిక పెళ్లి... ఫోటోలు వైరల్</a></strong></p>
<p>ఇప్పుడు రూపా గంగూలీ రాజకీయాల్లో చాలా చురుగ్గా వ్యవహరిస్తున్నారు. వెస్ట్ బెంగాల్ ఎన్నికల్లో ఆమె పేరు పాపులర్ అయ్యింది. త్వరలో డిప్యూటీ సీఎంగా బాధ్యతలు చేపట్టవచ్చని వెబ్ బెంగాల్ నుంచి కథనాలు వస్తున్నాయి. సామాన్య నటి నుంచి రాజకీయాల్లో కీలక పాత్ర పోషించే స్థాయి వరకు... రూపా గంగూలీ ప్రయాణంలో ఎన్నో మలుపులు ఉన్నాయి.</p>
<p>Also Read<strong>: <a title="Sathi Leelavathi Review - 'సతీ లీలావతి' రివ్యూ: భర్తను కట్టేసి కొట్టేసిన భార్య... మెగా కోడలు లావణ్య సినిమా హిట్టా? ఫట్టా?" href="https://telugu.abplive.com/movie-review/entertainment/cinema-sathi-leelavathi-2026-review-in-telugu-lavanya-tripathi-konidela-dev-mohan-starrer-tatineni-satya-movie-critics-rating-246690" target="_self">Sathi Leelavathi Review - 'సతీ లీలావతి' రివ్యూ: భర్తను కట్టేసి కొట్టేసిన భార్య... మెగా కోడలు లావణ్య సినిమా హిట్టా? ఫట్టా?</a></strong></p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/know-top-10-countries-have-highest-number-of-miss-universes-winner-titles-243148" width="631" height="381" scrolling="no"></iframe></p>
3 weeks ago
4 
