<p><strong>Royal Enfield Guerrilla 450 Price And Features Telugu:</strong> రాయల్ ఎన్‌ఫీల్డ్ గెరిల్లా 450కి మార్కెట్లో, ముఖ్యంగా యూత్‌లో ప్రత్యేకమైన స్థానం ఉంది. హిమాలయన్ 450లో ఉన్న 452cc ఇంజిన్‌నే ఈ బైక్‌లోనూ ఉపయోగించారు. అయితే గెరిల్లా 450 కాస్త తక్కువ బరువు ఉంటుంది. 17 అంగుళాల చిన్న చక్రాలు ఉన్నాయి, దీంతో ఇది రోడ్డు మీద మరింత చురుకుగా స్పందిస్తుంది.</p>
<p>గెరిల్లా 450లోని 452cc ఇంజిన్ 8,000 rpm వద్ద 40 hp శక్తిని అందిస్తుంది. 5,500 rpm వద్ద 40 Nm టార్క్‌ను ఇస్తుంది. ఈ బైక్‌లో అత్యంత ఆకట్టుకునే అంశం దీని మధ్యస్థ rpm పరిధిలో లభించే బలమైన టార్క్. నగర రద్దీలోనూ, హైవేపైనా ఇదే బైక్‌కు ప్రధాన బలం.</p>
<p><strong>మైలేజ్‌ లెక్క</strong></p>
<p>ఇటీవల, Guerrilla 450 Apex పై వాస్తవ మైలేజీ పరీక్ష నిర్వహించారు. ఈ పరీక్షలో నగరంలో 25.23 కిలోమీటర్లు, హైవేపై 32.82 కిలోమీటర్ల మైలేజీ నమోదైంది. రెండు పరిస్థితులను కలిపి చూస్తే సగటు మైలేజీ 29.02 కిలోమీటర్లుగా వచ్చింది.</p>
<p>ఎక్స్‌పర్ట్‌లు, ఈ బండి హైవే పరీక్షలో 40 కిలోమీటర్ల దూరాన్ని పరీక్షించారు. ఆ తర్వాత ట్యాంక్‌ను మళ్లీ నిండా నింపగా 1.30 లీటర్ల ఇంధనం అవసరమైంది. దీంతో హైవే మైలేజీ 32.82 కిలోమీటర్లుగా లెక్కించారు.</p>
<p>తర్వాత దక్షిణ ముంబైలోని భారీ ట్రాఫిక్ ఉన్న రోడ్లపై బైక్‌ను నడిపారు. ఈ పరీక్షలోనూ 40 కిలోమీటర్ల దూరం ప్రయాణించారు. అనంతరం ట్యాంక్‌ను నిండా నింపేందుకు 1.7 లీటర్ల ఇంధనం పట్టింది. దీంతో నగర మైలేజీ 25.23 కిలోమీటర్లుగా నమోదైంది.</p>
<p>ఇది కూడా చదవండి: <a title="ప్రతిరోజూ ఆఫీస్‌కు వెళ్లే వారికి బెస్ట్ స్కూటీలు ఇవే.. టాప్ 5 లిస్ట్ చూసి డిసైడ్ అవ్వండి" href="https://telugu.abplive.com/auto/best-scooters-in-india-office-commute-scooty-top-5-list-know-here-259455" target="_self">ప్రతిరోజూ ఆఫీస్‌కు వెళ్లే వారికి బెస్ట్ స్కూటీలు ఇవే.. టాప్ 5 లిస్ట్ చూసి డిసైడ్ అవ్వండి</a></p>
<p><strong>మధ్యస్థ టార్క్‌తో ప్రయోజనం</strong></p>
<p>హైవేపై గెరిల్లా 450 గంటకు 75 నుంచి 80 కిలోమీటర్ల వేగంతో సులభంగా ప్రయాణిస్తుంది. ఈ సమయంలో ఇంజిన్ సుమారు 4,000 rpm వద్ద పని చేస్తుంది. వేగంగా ముందుకు వెళ్లాల్సిన సందర్భంలో యాక్సిలరేటర్‌ను కొద్దిగా తిప్పితే సరిపోతుంది.</p>
<p>నగరంలోనూ బైక్ టార్క్ పనితీరు ఉపయోగపడుతుంది. ట్రాఫిక్‌లో ఖాళీ దొరికినప్పుడు త్వరగా ముందుకు వెళ్లేందుకు ఇది సహాయపడుతుంది. అయితే ఇంజిన్‌ను 3,000 rpm కంటే ఎక్కువగా ఉంచితేనే మెరుగైన స్పందన లభిస్తుంది. అంతకంటే తక్కువ rpm వద్ద ఇంజిన్ కొంత బద్ధకంగా అనిపిస్తుంది.</p>
<p>మైలేజీ పరీక్ష కోసం ముందుగా ఇంధన ట్యాంక్‌ను పూర్తిగా నింపారు. తయారీ సంస్థ సూచించిన టైర్ గాలి ఒత్తిడిని పాటించారు. తర్వాత నిర్ణయించిన నగరంలో & హైవే మార్గాల్లో బైక్‌ను నడిపారు. వాస్తవ పరిస్థితులను ప్రతిబింబించేలా సగటు వేగాన్ని కొనసాగించారు. పరీక్ష పూర్తయిన తర్వాత ట్యాంక్‌ను మళ్లీ పూర్తిగా నింపారు. ప్రయాణించిన దూరంతో పోల్చి వినియోగమైన ఇంధనాన్ని లెక్కించారు. ఈ విధానంలో వచ్చిన ఫలితాల ప్రకారం గెరిల్లా 450 సగటు మైలేజీ 29.02 కిలోమీటర్లుగా నమోదైంది.</p>
<p>అపెక్స్ వెర్షన్‌కు భిన్నమైన టైర్లు, రైడింగ్ పొజిషన్ వంటి కొన్ని మార్పులు ఉన్నప్పటికీ, ప్రామాణిక గెరిల్లా 450లోనూ దాదాపు ఇదే స్థాయి మైలేజీని ఆశించవచ్చు.</p>
<p>ఇది కూడా చదవండి: <a title="కొత్త Baleno వర్సెస్ Tata Altroz.. మీ బడ్జెట్‌లో బెస్ట్ కారు ఏది.. రీసేల్ వాల్యూ దేనికి ఎక్కువ" href="https://telugu.abplive.com/auto/maruti-baleno-vs-tata-altroz-rs-6-lakh-budget-comparison-details-here-259448" target="_self">కొత్త Baleno వర్సెస్ Tata Altroz.. మీ బడ్జెట్‌లో బెస్ట్ కారు ఏది.. రీసేల్ వాల్యూ దేనికి ఎక్కువ</a></p>
<p><em><strong>ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.</strong></em></p>
1 month ago
3 
