<p>బెంగళూరు: ఐపీఎల్ 2026 తొలి మ్యాచ్ ఘనంగా ప్రారంభమైంది. బెంగళూరులోని చిన్నస్వామి స్టేడియం వేదికగా జరిగిన మ్యాచులో సన్ రైజర్స్ హైదరాబాద్ 9 వికెట్లు కోల్పోయి 201 పరుగులు చేసి ఆర్సీబీకి భారీ లక్ష్యాన్ని నిర్దేశించింది. ఇషాన్ కిషన్ (38 బంతుల్లో 80) భారీ హాఫ్ సెంచరీకి తోడు చివర్లో అనికేత్ వర్మ (18 బంతుల్లో 43) రాణించడంతో సన్ రైజర్స్ భారీ స్కోరు చేయగలిగింది. </p>
<p><strong>సన్‌రైజర్స్ టాపార్డర్ నడ్డివిరిచిన డఫీ</strong><br />ఈ మ్యాచ్ ద్వారా ఐపీఎల్ అరంగేట్రం చేసిన ఆర్సీబీ బౌలర్ జాకబ్ డఫీ సన్‌రైజర్స్ టాపార్డర్ ను వణికించాడు. టాపార్డర్ బ్యాటర్లు ట్రావిస్ హెడ్ (11), అభిషేక్ శర్మ (7), నితీష్ కుమార్ రెడ్డి (1) విఫలమయ్యారు. హెన్రిచ్ క్లాసెస్ (31) పరవాలేదనిపించాడు. ఓ దశలో సన్ రైజర్స్ 29 పరుగులకే 3 వికెట్లు కోల్పోయి కష్టాల్లో పడగా వన్ డౌన్ బ్యాటర్, కెప్టెన్ ఇషాన్ కిషన్ బాధ్యత తీసుకున్నాడు. వీలుచిక్కనప్పుడల్లా బంతులను బౌండరీలకు తరలించాడు. హెన్రిచ్ క్లాసెన్ తో కలిసి 4వ వికెట్‌కు 97 పరుగుల భారీ భాగస్వామ్యం నెలకొల్పాడు. కానీ రొమారియో షెఫర్డ్ బౌలింగ్ లో బౌండరీ వద్ద ఫిల్ సాల్ట్ అందుకున్న అద్భుతమైన క్యాచ్‌తో క్లాసెన్ పెవిలియన్ చేరాడు.</p>
<blockquote class="twitter-tweet">
<p dir="ltr" lang="en">The FIRE spirit never faded 💪 <a href="https://t.co/PPIZeIa6d7">pic.twitter.com/PPIZeIa6d7</a></p>
— SunRisers Hyderabad (@SunRisers) <a href="https://twitter.com/SunRisers/status/2037923059899007433?ref_src=twsrc%5Etfw">March 28, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p>సెంచరీ చేసేలా కనిపించిన SRH కెప్టెన్ ఇషాన్ కిషన్ స్కోరు వేగాన్ని పెంచే క్రమంలో కిషన్ ఔటయ్యాడు. బౌండరీ వద్ద ఫిల్ సాల్ట్ గాల్లోకి పక్షిలా ఎగురుతూ ఒంటి చేత్తో అందుకున్న క్యాచ్ తో ఇషాన్ ఇన్నింగ్స్ ముగిసింది. చివర్లో అనికేత్ వర్మ ఎదురుదాడికి దిగి ఫోర్లు, సిక్సర్లు బాదడంతో సన్ రైజర్స్ 200 మార్కు చేరింది. భారీ షాట్ ఆడే ప్రయత్నంలో అనికేత్ వర్మ (43) ఔటయ్యాడు.</p>
2 weeks ago
3 
