<p>Telangana Top News Today | హైదరాబాద్: నల్గొండలో రాజకీయాలు వేడెక్కాయి. కాంగ్రెస్, బీజేపీ నేతల మధ్య మొదలైన దాడులు ఉద్రిక్తతలకు దాడి చేశాయి. బీజేపీ నేత డాక్టర్ నాగం వర్షిత్ రెడ్డిని పరామర్శించేందుకు వెళ్తున్నట్లు తెలంగాణ బీజేపీ అధ్యక్షుడు రామచందర్ రావు ప్రకటించడంతో పోలీసులు అప్రమత్తమయ్యారు. హైదరాబాద్‌లోని తార్నాకలో ఉన్న రామచందర్ రావు నివాసంలో పోలీసులు ఆయనను హౌస్ అరెస్ట్ చేశారు. నల్గొండ జిల్లా బీజేపీ అధ్యక్షుడి ఇంటికి వెళ్లేందుకు సిద్ధమవుతుండగా, శాంతిభద్రతల పరిరక్షణ దృష్ట్యా పోలీసులు ముందస్తు చర్యగా ఆయనను హౌస్ అరెస్టు చేశారు. పోలీసులతో బీజేపీ నేతలు వాగ్వివాదానికి దిగారు. </p>
<p>నల్గొండ జిల్లాలో ఇటీవల బీజేపీ, కాంగ్రెస్ శ్రేణుల మధ్య తీవ్ర స్థాయిలో ఘర్షణలు చోటుచేసుకున్నాయి. స్థానిక మంత్రి కోమటిరెడ్డి వెంకటరెడ్డి ఆఫీసుపై బీజేపీ కార్యకర్తలు కోడిగుడ్లతో దాడి చేశాయి. అందుకు ప్రతిచర్యగా నల్గొండ జిల్లా బీజేపీ అధ్యక్షుడు వర్షిత్ రెడ్డి నివాసంపై కాంగ్రెస్ కార్యకర్తలు దాడికి పాల్పడటంతో అక్కడ ఉద్రిక్త వాతావరణం నెలకొంది.</p>
<p><strong>నార్కట్‌పల్లి వద్ద జాతీయ రహదారిపై భారీ నిరసన</strong><br />నల్గొండలో కాంగ్రెస్, బిజెపి శ్రేణుల మధ్య చెలరేగిన రాజకీయ దాడులు తీవ్ర ఉద్రిక్తతకు దారితీశాయి. తమ పార్టీ నాయకులు, కార్యకర్తలపై కాంగ్రెస్ నేతలు జరిపిన దాడులను తీవ్రంగా ఖండిస్తూ, బీజేపీ కార్యకర్తలు మంగళవారం నార్కట్‌పల్లి వద్ద జాతీయ రహదారిపై భారీ నిరసన ప్రదర్శన నిర్వహించారు.</p>
<p> రాష్ట్ర రోడ్లు, భవనాల శాఖ మంత్రి కోమటిరెడ్డి వెంకటరెడ్డికి వ్యతిరేకంగా బిజెపి శ్రేణులు పెద్దఎత్తున నినాదాలు చేశాయి. ఈ ఆందోళన సందర్భంగా మంత్రి కోమటిరెడ్డి దిష్టిబొమ్మను దహనం చేశాయి. ప్రతిపక్ష నేతలపై భౌతిక దాడులకు దిగడం ప్రజాస్వామ్య సూత్రాలకు విరుద్ధమని పార్టీ నేతలు మండిపడ్డారు. అధికారం చేతిలో ఉందని ప్రతిపక్షాల గొంతు నొక్కేందుకు ప్రయత్నిస్తే చూస్తూ ఊరుకోమని, కాంగ్రెస్ వైఖరిని సహించేది లేదని బీజేపీ నేతలు హెచ్చరించారు. </p>
1 month ago
3 
