<p> Somasutra at Ramappa Temple | యునెస్కో ప్రపంచ వారసత్వ కట్టడమైన రామప్ప దేవాలయం గర్భాలయంలో అభిషేకాల అనంతరం అభిషేక జలాన్ని బయటకు పంపేందుకు ఉద్దేశించిన ప్రాచీన సోమసూత్రాన్ని భారత పురావస్తు సర్వేక్షణ (ASI), హైదరాబాద్ సర్కిల్ విజయవంతంగా పునరుద్ధరించింది.</p>
<p>దశాబ్దాల కాలం క్రితం సోమసూత్రం మూసుకుపోవడం వల్ల ఆగమ శాస్త్ర ప్రకారం అభిషేకాలు నిర్వహించడానికి ఆటంకం ఏర్పడింది.ఈ పునరుద్ధరణ పనులను విధ్వంసం లేని, శాస్త్రీయ పరిరక్షణ పద్ధతులను అవలంబించి చేపట్టారు ఆధునిక పరికరాల ఉపయోగించారు.</p>
<p><br /><img src="https://feeds.abplive.com/onecms/images/uploaded-images/2026/09/06/e069c14e04ebb59cf863bbc2e4100b011788715305266233_original.jpg" /></p>
<p>ఈ ప్రక్రియలో అంతర్గత అడ్డంకులకు సంబంధించి శాస్త్రీయ 3D మ్యాపింగ్, ఎండోస్కోపిక్ కెమెరాలు, GoPro కెమెరాలతో రియల్-టైమ్ మానిటరింగ్ స్క్రీన్ల ద్వారా తనిఖీ చేశారు. దేవాలయ అసలు నిర్మాణానికి ఎటువంటి నష్టం కలగకుండా సాఫ్ట్-డ్రిల్లింగ్ విధానంలో పొరలు పొరలుగా అడ్డంకులను జాగ్రత్తగా తొలగించారు.</p>
<p> </p>
<p>ఈ పనులు తెలంగాణ ప్రభుత్వ దేవాదాయ శాఖ అధికారుల సమక్షంలో, ASI హైదరాబాద్ సర్కిల్ బృందం ప్రత్యక్ష పర్యవేక్షణలో నిర్వహించారు.<br />ఆలయంలో <br />పనులు విజయవంతంగా పూర్తయ్యాయి. ఇప్పుడు సోమసూత్రం పూర్తిగా పనిచేసే స్థితిలో ఉంది. భక్తులు ఎటువంటి ఆటంకం లేకుండా ఆగమ శాస్త్ర ప్రకారం అభిషేకాలు నిర్వహించుకోవచ్చు.</p>
<p>సోమసూత్ర పునరుద్ధరణలో<br /> పురావస్తు శాఖ డీఈ కృష్ణ చైతన్య, సీఏలు మల్లేష్, అజిత్, వంశీకృష్ణ, దేవాదాయ శాఖ ఈవో ఇమ్మడి భాస్కర్ తదితరులు పాల్గొన్నారు. </p>
1 month ago
3 
