<p>Rahul Gandhi says Modi is a magician: లోక్‌సభలో మహిళా రిజర్వేషన్ బిల్లు , నియోజకవర్గాల పునర్విభజన పై జరిగిన చర్చ సందర్భంగా ప్రతిపక్ష నేత రాహుల్ గాంధీ చేసిన ప్రసంగం వివాదాస్పదంగా మారింది. చర్చా సమయంలో రాహుల్ గాంధీ ప్రధాని మోదీపై ఉపయోగించిన మెజీషియన్ పోలికపై స్పీకర్ ఓం బిర్లా అభ్యంతరం వ్యక్తం చేశారు. బాలాకోట్ నుంచి ఆపరేషన్ సిందూర్ వరకూ అన్నింటికీ మోదీ మెజిషియన్ అని రాహుల్ విమర్శించారు. దీనిపై దుమారం రేగింది. పార్లమెంటరీ నిబంధనల ప్రకారం మాట్లాడాలని, అనవసరమైన కథలు చెప్పకుండా బిల్లుపై దృష్టి పెట్టాలని స్పీకర్ సూచించారు. దీనికి రాహుల్ స్పందిస్తూ.. తాను చెప్పే ఉదాహరణలు చివరికి తన వాదనకే బలాన్ని ఇస్తాయని తన ని ప్రసంగాన్ని కొనసాగించారు. అయితే, సభా మర్యాదలను పాటించాలని స్పీకర్ మరోసారి గుర్తుచేశారు. ఈ అంశంపై బీజేపీ నేతలు తీవ్ర అభ్యంతరం వ్యక్తం చేశారు. దీంతో స్పీకర్ .. రాహుల్ గాంధీ చేసిన మెజిషియన్ వ్యాఖ్యలను రికార్డుల నుంచి తొలగిస్తున్నట్లుగా ప్రకటించారు. <br /> <br />కేంద్ర ప్రభుత్వం ప్రతిపాదించిన బిల్లును దేశ వ్యతిరేక చర్య గా రాహుల్ గాంధీ అభివర్ణించారు. ఈ బిల్లు దళితులు, ఓబీసీలకు సమాజంలో దక్కాల్సిన సరైన స్థానాన్ని దూరం చేసేలా ఉందని ఆరోపిస్తూ, దేశంపై జరుగుతున్న ఈ దాడిని అడ్డుకోవడానికి ప్రతిపక్షాలన్నీ ఏకమవుతాయని రాహుల్ గాంధీ స్పష్టం చేశారు. రాహుల్ గాంధీ ఈ బిల్లు అసలు ఉద్దేశాన్ని ప్రశ్నించారు. ఇది నిజమైన మహిళా సాధికారత కోసం తెచ్చిన బిల్లు కాదని, దేశ ఎన్నికల ముఖచిత్రాన్ని మార్చే కుట్ర అని ఆయన ఆరోపించారు. 2023లో ఆమోదించిన మహిళా రిజర్వేషన్ బిల్లును అమలు చేయకుండా ఏళ్ల తరబడి వాయిదా వేస్తూ, ఇప్పుడు కొత్త ప్రతిపాదనలతో రావడం వెనుక రాజకీయ ప్రయోజనాలు ఉన్నాయని విమర్శించారు. ఈ చర్యల వల్ల దేశ సమగ్రతకు భంగం కలిగే ప్రమాదం ఉందని ఆయన ఆందోళన వ్యక్తం చేశారు.</p>
<p>కుల గణన అంశాన్ని రాహుల్ గాంధీ ప్రముఖంగా ప్రస్తావించారు. మహిళా రిజర్వేషన్ బిల్లు ద్వారా ప్రభుత్వం కుల గణన డిమాండ్‌ను పక్కదారి పట్టిస్తోందని ఆయన ఆరోపించారు. ఓబీసీలు, దళితులు, మైనారిటీలు ఎదుర్కొంటున్న వివక్షను ఈ బిల్లు విస్మరిస్తోందని, రాజ్యాంగ స్ఫూర్తి కంటే మనువాదానికే ప్రభుత్వం ప్రాధాన్యత ఇస్తోందని ఆయన ప్రసంగించారు. సమాజంలోని అన్ని వర్గాలకు సమాన ప్రాతినిధ్యం కల్పించని ఏ చట్టమైనా అసంపూర్ణమేనని ఆయన వాదించారు. </p>
<blockquote class="twitter-tweet">
<p dir="ltr" lang="en">Rahul Gandhi : A famous magician came to perform a magic show and hundreds of children went to watch it around three to four hundred. I was there, my sister was also there, she was smiling. Three to four hundred people attended and it was a fantastic magic show. <br /><br />Speaker : Rahul… <a href="https://t.co/ilbD6yzIXC">pic.twitter.com/ilbD6yzIXC</a></p>
— Dr Vikas kumar Modi (@vikaskumarmodi) <a href="https://twitter.com/vikaskumarmodi/status/2045078374922719490?ref_src=twsrc%5Etfw">April 17, 2026</a></blockquote>
<p>రాహుల్ గాంధీ ప్రధానమంత్రి <a title="నరేంద్ర మోదీ" href="https://telugu.abplive.com/topic/narendra-modi" data-type="interlinkingkeywords">నరేంద్ర మోదీ</a>ని ఉద్దేశించి చేసిన వ్యాఖ్యలు బీజేపీ సభ్యులను ఆగ్రహానికి గురిచేశాయి. రక్షణ మంత్రి రాజ్‌నాథ్ సింగ్ జోక్యం చేసుకుంటూ.. దేశ ప్రజలంతా ఓట్లేసి ఎన్నుకున్న ప్రధానిపై ఇటువంటి అనుచిత వ్యాఖ్యలు చేయడం ఖండించదగ్గ విషయమని మండిపడ్డారు. <a title="రాహుల్ గాంధీ" href="https://telugu.abplive.com/topic/Rahul-Gandhi" data-type="interlinkingkeywords">రాహుల్ గాంధీ</a> తన వ్యాఖ్యలకు క్షమాపణ చెప్పాలని <a title="బీజేపీ" href="https://telugu.abplive.com/topic/BJP" data-type="interlinkingkeywords">బీజేపీ</a> నేతలు డిమాండ్ చేయడంతో లోక్‌సభలో తీవ్ర గందరగోళం నెలకొంది. అధికార, ప్రతిపక్షాల మధ్య వాగ్వాదంతో సభలో ఉద్రి క్తత చోటుచేసుకుంది. చివరికి రికార్డుల నుంచి ఆ వ్యాఖ్యలు తొలగించడంతో రాహుల్ తన ప్రసంగాన్ని కొనసాగించారు. </p>
<p><iframe class="vidfyVideo" style="border: 0px;" src="https://telugu.abplive.com/web-stories/news/this-is-how-you-order-food-on-the-train-244510" width="631" height="381" scrolling="no"></iframe></p>
<p> </p>
1 month ago
6 
