<p><strong>Essential Documents to Check Before Buying Plot / Flat :</strong> ప్రాపర్టీ కొనడం చాలామందికి డ్రీమ్. పైగా ఇదేమి చిన్న విషయం కాదు. ఒక ప్లాట్ లేదా ఫ్లాట్ కొనడానికి చాలామంది జీవితకాల పొదుపును ఖర్చు చేస్తారు. మరికొందరు లోన్స్ తీసుకుంటారు. ప్రాపర్టీలు కొన్నప్పుడే ఫ్యామిలీ సెటిల్ అయిందని భావిస్తారు. చాలామంది మిడిల్ క్లాస్ వారికి ఈ ఫీల్ ఉంటుంది. అయితే లోన్ తీసుకుని లేదా సేవింగ్స్ చేసి ప్రాపర్టీ కొనేప్పుడు తొందరపడకుండా.. కానీ డాక్యుమెంట్స్ కచ్చితంగా చెక్ చేసుకోవాలి. లేకుంటే తరువాత లీగల్ సమస్యలు, కోర్టు కేసులు, డబుల్ రిజిస్ట్రేషన్ మోసాలు ఎదుర్కోవాల్సి వస్తుంది.</p>
<p>అందుకే ప్లాట్ / ఫ్లాట్ / ఇండిపెండెంట్ హౌస్ కొనేముందు కొన్ని ముఖ్యమైన డాక్యుమెంట్స్ తప్పకుండా పరిశీలించాలని అంటున్నారు నిపుణులు. వాటిలో 5 డాక్యుమెంట్స్ కచ్చితంగా చెక్ చేసుకోవాలని చెప్తున్నారు. ఇంతకీ ఆ డాక్యుమెంట్స్ ఏంటో.. అవి ఎందుకు చూసుకోవాలో ఇప్పుడు తెలుసుకుందాం.</p>
<h3>Sale Deed – ఓనర్ ఎవరో తెలుసుకోండి..</h3>
<p>Sale Deed అనేది ఆ ప్రాపర్టీకి సంబంధించిన అసలు రిజిస్ట్రేషన్ డాక్యుమెంట్. ఇది మీకు ఈ ప్రాపర్టీని ప్రస్తుతం అమ్ముతున్న వ్యక్తి అసలు ఓనర్‌నా? అతను ఎప్పుడు కొనుగోలు చేశాడు? పూర్తి స్థలం/ఫ్లాట్ డిటైల్స్ సరైనవేనా అనేది చెప్తుంది. సేల్ డీడ్‌లో ఉన్న వివరాలు రిజిస్ట్రేషన్ ఆఫీస్ రికార్డ్స్‌తో మ్యాచ్ అవుతున్నాయా చెక్ చేసుకవాలి. ఫోటోకాపీ కాకుండా.. ఒరిజినల్ లేదా సర్టిఫైడ్ కాపీ చూసి నిర్ణయం తీసుకోవాలి.</p>
<h3>Link Documents – 30 ఏళ్ల హిస్టరీ</h3>
<p>చాలామంది పెద్దగా పట్టించుకోని డాక్యుమెంట్ ఇదే. కానీ ఇది కూడా ఓ ముఖ్యమైన డాక్యుమెంట్గా చెప్తారు. గత 30 ఏళ్లలో ఆ ప్రాపర్టీ ఎవరెవరి చేతుల్లోకి వెళ్లింది? ఎక్కడైనా లీగల్ డిస్ప్యూట్ ఉందా? ఏదైనా గిఫ్ట్ డీడ్, సెటిల్‌మెంట్ డీడ్, కోర్టు ఆర్డర్ ఉందా? అనేది ఈ డాక్యుమెంట్ చెప్తుంది. Link Documents క్లియర్‌గా లేకపోతే భవిష్యత్తులో సమస్యలు రావచ్చు.</p>
<h3>Encumbrance Certificate (EC) – లోన్ లేదా బాకీలు ఉన్నాయా?</h3>
<p>ప్రాపర్టీ కొనేముందు EC చాలా కీలకం. ఆ ప్రాపర్టీపై బ్యాంక్ లోన్ ఉందా? ఎలాంటి బాకీలు పెండింగ్‌లో ఉన్నాయి? కోర్టు అటాచ్‌మెంట్ ఉందా? అనేది దీనితో తెలుస్తుంది. ECలో ఎలాంటి ఎంట్రీలు ఉన్నాయో జాగ్రత్తగా చదవాలి. “Nil EC” అంటే ఎలాంటి లీగల్ సమస్యలు లేవని అర్థం. </p>
<h3>RERA రిజిస్ట్రేషన్ </h3>
<p>భారతదేశంలో రియల్ ఎస్టేట్ ప్రాజెక్టులకు Real Estate (Regulation and Development) Act, 2016 కింద RERA రిజిస్ట్రేషన్ తప్పనిసరి. ప్రాజెక్ట్ RERAలో నమోదు అయ్యిందా? డెడ్‌లైన్ ఏమిటి? లీగల్ అప్రూవల్స్ ఉన్నాయా? అనేది దీనితో తెలుస్తుంది. RERA వెబ్‌సైట్‌లో ప్రాజెక్ట్ వివరాలు చెక్ చేయడం వల్ల మోసాలను చాలా వరకు నివారించవచ్చు.</p>
<h3>BRS / Building Rules – అనుమతుల కోసం..</h3>
<p>ఫ్లాట్ లేదా హౌస్ కొనేటప్పుడు ఈ డాక్యుమెంట్ చాలా ముఖ్యమైనదిగా పరిగణిస్తారు. బిల్డింగ్ ప్లాన్ మున్సిపల్ అప్రూవల్ పొందిందా? ఎన్ని ఫ్లోర్స్‌కు అనుమతి ఉంది? అనధికార నిర్మాణం ఉందా? అనేవి తెలుసుకోవచ్చు. అనుమతి లేకుండా అదనపు ఫ్లోర్స్ కట్టినట్లయితే భవిష్యత్తులో డెమాలిషన్ నోటీసులు రావచ్చు. కాబట్టి ముందుగా జాగ్రత్త పడేందుకు ఇది హెల్ప్ చేస్తుంది. </p>
<h3>ఎక్కువగా జరిగే ప్రాపర్టీ స్కామ్‌లు</h3>
<p>ఈ డాక్యుమెంట్స్ సరిగ్గా పట్టించుకోకుంటే.. మీరు ప్రాపర్టీ స్కామ్లకు గురికావాల్సి వస్తుంది. అవేంటంటే డబుల్ రిజిస్ట్రేషన్, ఫేక్ పవర్ ఆఫ్ అటార్నీ, లేఅవుట్ అప్రూవల్ లేకుండా ప్లాట్స్ విక్రయం, RERA లేకుండా ప్రీ-లాంచ్ ఆఫర్లు ఎక్కువగా జరిగే స్కామ్స్గా చెప్పవచ్చు. </p>
<h3>తీసుకోవాల్సిన జాగ్రత్తలు</h3>
<p>మీరు ఏదైనా ప్రాపర్టీ, హోస్, ప్లాట్, ఫ్లాట్ తీసుకోవాలనుకుంటే.. ముందుగా ఎలాంటి సమస్యలు రాకుండా ఉండాలంటే.. ఒక మంచి లాయర్ దగ్గర లీగల్ ఒపీనియన్ తీసుకోండి. బ్యాంక్ లోన్ అప్లై చేస్తే బ్యాంక్ కూడా లీగల్ వెరిఫికేషన్ చేస్తుంది. అడ్వాన్స్ ఇచ్చే ముందు అన్ని పేపర్లు పూర్తిగా చెక్ చేసుకోండి. మాటలపై కాకుండా రాతపూర్వక ఒప్పందం కచ్చితంగా తీసుకోండి. </p>
<p><iframe class="vidfyVideo" style="border: 0px;" src="https://telugu.abplive.com/web-stories/cinema/interesting-facts-about-rocking-star-yash-also-known-as-naveen-kumar-gowda-218140" width="631" height="381" scrolling="no"></iframe></p>
1 month ago
6 
